പുത്തന് എംപിവിയുമായി ഹ്യുണ്ടായി, പരീക്ഷണയോട്ടത്തിന്റെ ചിത്രം പുറത്ത്
ഈ എംപിവിയുടെ പേര് ഹ്യുണ്ടായി കസ്റ്റോ എന്നായിരിക്കും എന്നാണ് റിപ്പോര്ട്ട്. ഇതുവരെ ഹ്യുണ്ടായി പുറത്തിറക്കിയ മോഡലുമായും ഡിസൈന് സാമ്യം ഈ മോഡലിന് ഇല്ലെന്നാണ് ചിത്രങ്ങള് നല്കുന്ന സൂചന.
ബീജിംഗ്: ദക്ഷിണ കൊറിയന് വാഹന നിര്മ്മാതാക്കളായ ഹ്യുണ്ടായി കുറച്ചുകാലമായി ക്രോസ്ഓവര് എംപിവി എന്ന ആശയവുമായി മുന്നോട്ടുവന്നിട്ട്. ഇന്ത്യ ഉള്പ്പെടെയുള്ള രാജ്യങ്ങളിലേക്ക് ഒരു ആറ് സീറ്റര് എംപിവി എത്തിക്കുമെന്നും വൈകാതെ തന്നെ ഈ വാഹനം നിരത്തുകളിലെത്തുമെന്നും ഹ്യുണ്ടായി മുമ്പ് പ്രഖ്യാപിച്ചിരുന്നു. ഇപ്പോഴിതാ അത്തരമൊരു മോഡലിന്റെ ചിത്രങ്ങള് സോഷ്യല് മീഡിയയില് വൈറലാകുന്നു. ചൈനയില് പരീക്ഷണയോട്ടം നടത്തുന്നതിനിടെയാണ് വാഹനം ക്യാമറയില് കുടുങ്ങിയതെന്നാണ് റിപ്പോര്ട്ടുകള്.
ഈ എംപിവിയുടെ പേര് ഹ്യുണ്ടായി കസ്റ്റോ എന്നായിരിക്കും എന്നാണ് റിപ്പോര്ട്ട്. ഇതുവരെ ഹ്യുണ്ടായി പുറത്തിറക്കിയ മോഡലുമായും ഡിസൈന് സാമ്യം ഈ മോഡലിന് ഇല്ലെന്നാണ് ചിത്രങ്ങള് നല്കുന്ന സൂചന. കിയ കാര്ണിവലുമായി ഡിസൈന് ശൈലി പങ്കിടുമെന്ന് അഭ്യൂഹങ്ങള് ഉയര്ന്നിരുന്നെങ്കിലും അതും മാറ്റിനിര്ത്തുന്നതാണ് കസ്റ്റോയുടെ രൂപകല്പന.
ചൈനീസ് ബീജിംഗ്ഹ്യുണ്ടായ് ജെവി വികസിപ്പിച്ചെടുത്ത ഉല്പ്പന്നമാണ് ഹ്യുണ്ടായ് കസ്റ്റോ എംപിവി. സ്റ്റൈലിംഗ് വ്യക്തമായും ഹ്യൂണ്ടായി ആണെങ്കിലും, ഫ്രണ്ട് ഫാസിയ രൂപകല്പ്പന ഈ വര്ഷം ആദ്യം ദക്ഷിണ കൊറിയയില് കണ്ടെത്തിയ വേഷംമാറിയ പ്രോട്ടോടൈപ്പുകളുമായി താരതമ്യപ്പെടുത്തുമ്പോള് അല്പം വ്യത്യസ്തമാണെന്നാണ് റിപ്പോര്ട്ടുകള്. ഇന്ത്യ ഉള്പ്പെടെയുള്ള മറ്റ് ഏഷ്യന് വിപണികളെ ലക്ഷ്യം വച്ചുള്ള പതിപ്പില് വേദിശൈലിയിലുള്ള രണ്ട് ഭാഗങ്ങളുള്ള ഹെഡ്ലാമ്പുകള് ഉപയോഗിച്ച് പുതുക്കിയ ഫ്രണ്ട് ഫാസിയ ഉണ്ടായിരിക്കാം.
ഓറിയന്റഡ് ടച്ച്സ്ക്രീന് ഇന്ഫോടെയ്ന്മെന്റ് സംവിധാനമുള്ള പുതിയ ഡാഷ്ബോര്ഡ് രൂപകല്പ്പനയാണ് കസ്റ്റോയില് ഉള്ളത്. മള്ട്ടിഫംഗ്ഷന് സ്റ്റിയറിംഗ് വീല് പുതിയ ക്രെറ്റയില് കാണുന്നതിനു സമാനമാണ്. ഗിയര് സെലക്ടര് പുതിയ സോണാറ്റ സെഡാനുമായി പങ്കിടുന്നു.
ചൈനസ്പെക്ക് ഹ്യുണ്ടായ് കസ്റ്റോ എംപിവിക്ക് 2.0 ലിറ്റര് ടര്ബോചാര്ജ്ഡ് പെട്രോള് എഞ്ചിന് 8 സ്പീഡ് എടിയില് ഘടിപ്പിച്ച് 237 എച്ച്പിയും 353 എന്എം ടോര്ക്കുമാണ് ഉത്പാദിപ്പിക്കുന്നത്. എംപിവി ഇന്ത്യയിലേക്ക് വരികയാണെങ്കില്, 1.5 ലിറ്റര് പെട്രോള്, ഡീസല് മോട്ടോറുകള് വാഗ്ദാനം ചെയ്യുന്ന ക്രെറ്റയുമായി പവര്ട്രെയിന് ലൈനപ്പ് പങ്കിടാന് സാധ്യതയുണ്ട്. ചൈനസ്പെക്ക് ഹ്യുണ്ടായ് കസ്റ്റോയില് പിന്നില് സ്ലൈഡിംഗ് വാതിലുകള് ബിസ്തംഭങ്ങള്ക്ക് സമീപം സ്ഥിതിചെയ്യുന്ന വാതില് ഹാന്ഡിലുകള് ഉള്ക്കൊള്ളുന്നു എന്നതാണ് ശ്രദ്ധേയം. പിന് കോമ്പിനേഷന് ലൈറ്റുകള് കാറിന്റെ മുഴുവന് വീതിയിലുമാണ്. ക്രെറ്റയുടെ പ്ലാറ്റ്ഫോമായിരിക്കും കസ്റ്റോയ്ക്ക് അടിസ്ഥാനമൊരുക്കുക എന്നും റിപ്പോര്ട്ടുകളുണ്ട്.
ഇന്ത്യന് കമ്പോളത്തിന് ഒരു എംപിവിയുടെ സാധ്യതയെക്കുറിച്ച് ജാഗ്രതയോടെ പഠിക്കുകയാണെന്ന് ഹ്യുണ്ടായി ഇന്ത്യ എന്നാണ് റിപ്പോര്ട്ടുകള്. അതുകൊണ്ടു തന്നെ 2022 ന് മുമ്പ് വാഹനം ഇന്ത്യന് വിപണിയില് എത്താനിടയില്ല.