മറക്കുവതെങ്ങനെ ആ മലര് വസന്തം, 1973 മുതല് 1992 വരെയുള്ള വണ്ടിക്കാലം?!
1973 മുതൽ 1992 വരെയുള്ള ആ സുവര്ണ്ണ കാലത്തെ ചില ഐക്കണിക്ക് വാഹന മോഡലുകളെ പരിചയപ്പെടാം.
രാജ്യം സ്വാതന്ത്ര്യം നേടിയതിനു ശേഷമുള്ള ആദ്യ രണ്ട് ദശാബ്ദങ്ങളിലെ വാഹന സ്മരണകള് നമ്മള് അയവിറക്കിക്കൊണ്ടിരിക്കുകയാണ്. ഇനി 1973 മുതൽ 1992 വരെയുള്ള ആ സുവര്ണ്ണ കാലത്തെ ചില ഐക്കണിക്ക് വാഹന മോഡലുകളെ പരിചയപ്പെടാം. അംബാസഡർ, പ്രീമിയർ, സ്റ്റാൻഡേർഡ് തുടങ്ങിയ 1960 കളിലെ ചില മോഡലുകൾ അപ്ഡേറ്റ് ചെയ്യുന്നതായിരുന്നു 1970കളില് രാജ്യത്തെ വാഹന വിപണി സാക്ഷ്യം വഹിച്ചത്. ഹെറാൾഡിന്റെയും വില്ലിയുടെയും മഹീന്ദ്രയിൽ നിന്നുള്ള ക്ലോണ് പതിപ്പുകളായിരുന്നു 1980-കളിൽ താരങ്ങള്.
ഇന്ത്യന് വാഹന ചരിത്രം, പൂര്വ്വികരുടെ കഥ; 1963 മുതല് 1972 വരെ
എന്നാല് 1980കളുടെ ആദ്യപകുതിയില് കളി മാറി. മാരുതി സുസുക്കി ഇന്ത്യയിൽ ഒരു ഷോപ്പ് സ്ഥാപിക്കുകയും താങ്ങാനാവുന്നതും വിശ്വസനീയവുമായ കാറുകളുടെ ഒരു നിര പുറത്തിറക്കിയതോടെ ഇന്ത്യന് വാഹന വിപണി പുതിയൊരു തരംഗത്തിന് തുടക്കമായി. ഈ കാലയളവിൽ ഹിന്ദുസ്ഥാൻ മോട്ടോഴ്സിൽ നിന്നുള്ള ഒരു മസിൽ കാര് ഇന്ത്യയിലെത്തി. ടാറ്റയും മഹീന്ദ്രയും എസ്യുവികൾ അവതരിപ്പിച്ചും തുടങ്ങി.
ഹിന്ദുസ്ഥാൻ കോണ്ടസ (1976)
ഹിന്ദുസ്ഥാൻ മോട്ടോഴ്സാണ് ഹിന്ദുസ്ഥാൻ കോണ്ടെസ നിർമ്മിച്ചത്. മൂന്നു പതിറ്റാണ്ട് പഴക്കമുള്ള അംബാസിഡറിനെ കൂടാതെ ഒരു കാര് കൂടി കമ്പനിയുടെ ശ്രേണിയില് വേണമെന്ന് എച്ച്എം അധികൃതരുടെ ആഗ്രഹമാണ് കോണ്ടസയുടെ പിറവിക്ക് പിന്നില്. കൂടുതൽ ആധുനികമായ ഒരു കാർ എന്ന ചിന്തയുമായി 1970കളില് എച്ച്എം തുടങ്ങിയ ആ അന്വേഷണം ചെന്നുനിന്നത് സ്കോട്ടിഷ് കമ്പനിയായ വോക്സ്ഹെല് വിക്ടര് വി എക്സിലായിരുന്നു. അങ്ങനെ 1976 മുതല് 1978 വരെ വോക്സ്ഹെല് പുറത്തിറക്കിയിരുന്ന ഒരു കാര് ഇന്ത്യയില് നിര്മിക്കാനുള്ള അവകാശം എച്ച്എം സ്വന്തമാക്കി. 1978-ൽ യുകെയിൽ ഘട്ടംഘട്ടമായി നിർത്തലാക്കിയ വോക്സ്ഹാൾ വിഎക്സ് സീരീസിന്റെ പ്രൊഡക്ഷൻ ടൂളിംഗും സാങ്കേതികവിദ്യയും സ്വന്തമാക്കിയ എച്ച്എം കൊൽക്കത്തയില് കോണ്ടസയുടെ പ്രൊഡക്ഷൻ ലൈനും സ്ഥാപിച്ചു. 1982-ഓടെ ആണിത് തയ്യാറായത്. 1984 - ലെ വസന്തകാലത്തോടെ ഇന്ത്യയുടെ സ്വന്തം ലക്ഷ്വറി കാറായ കോണ്ടസയുടെ ആദ്യ യൂണിറ്റ് പുറത്തിറങ്ങി.
'കുട്ടി, പെട്ടി, കോണ്ടസ..' തിരിച്ചുവരുന്നൂ ഇന്ത്യയുടെ ആദ്യ ലക്ഷ്വറി കാര്!
1984-ൽ പുറത്തിറക്കിയപ്പോൾ, കാറിന്റെ വില വെറും 83,000 രൂപയായിരുന്നു. ശക്തമായ എഞ്ചിൻ, സ്പോര്ട്ടി രൂപം, വിശാലമായ ഇന്റീരിയർ, റോഡിലെ കരുത്തന് സാന്നിധ്യം എന്നിവ ശ്രദ്ധേയമായി. 50 എച്ച്പി (37 കിലോവാട്ട്) 1.5 എൽ ബിഎംസി ബി-സീരീസ് എഞ്ചിൻ ഉപയോഗിച്ചാണ് എച്ച്എം കോണ്ടസയെ ഇന്ത്യൻ വിപണിയിൽ അവതരിപ്പിച്ചത്. ഇടക്കാലത്ത് എഞ്ചിന് പലതവണ പരിഷ്കരിച്ചു. ഏകദേശം 25 വര്ഷത്തോളം ഇന്ത്യൻ ആഡംബര കാർ വിപണിയിലെ രാജാവായിരുന്നു കോണ്ടസ. ഒരുകാലത്ത് വെള്ളിത്തിരയിലെയും രാഷ്ട്രീയത്തിലെയുമൊക്കെ രാജാവായിരുന്നു കോണ്ടസ കാറുകള്.
മാരുതി 800 (1983)
ഇന്ത്യയിലെ വാഹന വിപണിയുടെ ചിത്രം തന്നെ മാറ്റിമറിച്ച ജനപ്രിയ ഹാച്ച്ബാക്കാണ് മാരുതി 800 . 1983-ൽ അവതരിച്ച മാരുതി 800, ഒരു കാർ സ്വപ്നം കാണാൻ സാധാരണക്കാരായ ജനങ്ങളെ പ്രോത്സാഹിപ്പിച്ചു. മാത്രമല്ല, ഒരു വാഹനം സ്വന്തമാക്കുന്നത് താങ്ങാനാവുന്നതും പ്രശ്നരഹിതവുമായ അനുഭവമാണെന്ന് അവര്ക്ക് ഉറപ്പുനൽകുകയും ചെയ്തു. സുസുക്കി ഫ്രണ്ടിനെ അടിസ്ഥാനമാക്കിയ, ഭാരം കുറഞ്ഞതും ഇന്ധനക്ഷമതയുള്ളതും പ്രശ്നരഹിതവുമായ 796 സിസി ത്രീ സിലിണ്ടർ പെട്രോൾ എഞ്ചിനായിരുന്നു 800 ന് കരുത്ത് പകരുന്നത്. മാരുതി 800 പെട്ടെന്നുതന്നെ ഇന്ത്യയുടെ ജീവനാഡിയായി മാറി.
എളിമയും ലാളിത്യവും മുഖമുദ്ര, ഇവര് ഇന്ത്യന് വാഹന വിപ്ലവത്തിന് തിരികൊളുത്തിയ പൂര്വ്വികര്!
മാരുതി സുസുക്കി ഓംനി വാന് (1984)
800 പുറത്തിറക്കി ഒരു വർഷത്തിന് ശേഷം മാരുതിയിൽ നിന്നും എത്തിയ മറ്റൊരു മികച്ച മോഡലായിരുന്നു ഓംനി വാൻ. അതേ 796 സിസി എഞ്ചിനാണ് ഇതിന് കരുത്ത് പകരുന്നത്. കൂടുതൽ ഇരിപ്പിടവും ലഗേജ് സ്ഥലവും വാഗ്ദാനം ചെയ്തതിനാൽ ഇത് പെട്ടെന്നുതന്നെ ഹിറ്റായി. വാണിജ്യ മേഖലയിൽ ഈ മൈക്രോവാൻ മികച്ച പ്രകടനം കാഴ്ചവെച്ചു. വാൻ പിന്നീട് 1988-ൽ ഓംനി എന്ന് പുനർനാമകരണം ചെയ്യപ്പെട്ടു. 2019 വരെ വാഹനം വിപണിയില് തുടര്ന്നു.
മാരുതി സുസുക്കി ജിപ്സി (1985)
ജനപ്രിയ ജിപ്സിക്കൊപ്പമാണഅ മാരുതി സുസുക്കി ഓഫ്-റോഡ് സെഗ്മെന്റിലേക്ക് കടന്നത്. നീളമുള്ള വീൽബേസുള്ള സുസുക്കി ജിംനി SJ40/410 സീരീസിനെ അടിസ്ഥാനമാക്കിയാണ് ജിപ്സി ഇന്ത്യയിലെത്തുന്നത്. ഈ വാഹനം ഫോർ വീൽ ഡ്രൈവ് സിസ്റ്റം വാഗ്ദാനം ചെയ്തു. 970 സിസി ഫോർ-സിലിണ്ടർ പെട്രോൾ എഞ്ചിനാണ് കരുത്ത് പകരുന്നത്. 1-ലിറ്റർ മോണിക്കറിനൊപ്പം, പുതിയ പവർട്രെയിൻ 45 ബിഎച്ച്പി പുറത്തെടുക്കുകയും നാല് സ്പീഡ് മാനുവൽ ട്രാൻസ്മിഷനുമായി ഘടിപ്പിച്ചിരുന്നു. കഠിനമായ സ്വഭാവവും ഒരിക്കലും തോല്ക്കാത്ത മനോഭാവവും കൊണ്ട്, ജിപ്സി ഇന്ത്യൻ സൈന്യം, സായുധ സേനകൾ, പോലീസ്, മറ്റ് നിയമ നിർവ്വഹണ ഏജൻസികൾ തുടങ്ങിയവര്ക്കിടയില് ഹിറ്റായി മാറി.
ടാറ്റ സിയറ (1991)
1988-ൽ ഇറങ്ങിയ ടാറ്റ ടെൽകോള് പിക്കപ്പിനെ അടിസ്ഥാനമാക്കി നിർമ്മിച്ച ആദ്യത്തെ ഓഫ്-റോഡ് സ്പോർട് യൂട്ടിലിറ്റി വാഹനമാണ് ടാറ്റ സിയറ. വാഹനം 1991-ൽ പുറത്തിറക്കി. ഇത് സ്വാഭാവികമായും ടെൽകോലൈനുമായി മെക്കാനിക്കൽ ഘടകങ്ങൾ പങ്കിട്ടു. രണ്ട് ലിറ്റർ ഫോർ സിലിണ്ടർ ഡീസൽ എഞ്ചിനും അതുപോലെ ഫ്രണ്ട് ഫേഷ്യയും ഇന്റേണൽ ഡാഷ്ബോർഡും വാഹനത്തിനുണ്ടായിരുന്നു. ഇന്ത്യയിലെ സ്വകാര്യ ഗതാഗതത്തിനുള്ള ആദ്യത്തെ കാറുകളിലൊന്നായിരുന്നു ഈ ഇടത്തരം എസ്യുവി. ടാറ്റ X2 പ്ലാറ്റ്ഫോമിൽ നിർമ്മിച്ചതിനാൽ എല്ലാത്തരം റോഡുകളും, പ്രത്യേകിച്ച് ഓഫ് റോഡുകള് കൈകാര്യം ചെയ്യാൻ സിയറയ്ക്ക് സാധിച്ചു.
Courtesy: FE Drive
- India@75
- Indian automobile industry
- Indian automobile industry facts
- Indian automobile industry history
- Vehicles 1973-1992
- brief history of automobile india
- first automobile industry in india
- history of automobile industry
- indian automobile industry challenges
- international cars in india
- invention of automobile industry in India