Asianet News MalayalamAsianet News Malayalam

ഇന്ത്യൻ നിർമ്മിത നിസാൻ മാഗ്നൈറ്റ് റെഡ് എഡിഷൻ ദക്ഷിണാഫ്രിക്കയിൽ

 ഇന്ത്യൻ നിർമ്മിത നിസാൻ മാഗ്നൈറ്റ് റെഡ് എഡിഷൻ ദക്ഷിണാഫ്രിക്കയിൽ അവതരിപ്പിച്ചു

India made Nissan Magnite Red Edition launched in South Africa
Author
First Published Nov 21, 2022, 3:34 PM IST

പ്രാദേശികമായി പുറത്തിറക്കി മൂന്ന് മാസത്തിന് ശേഷം, ഇന്ത്യൻ നിർമ്മിത നിസാൻ മാഗ്നൈറ്റ് റെഡ് എഡിഷൻ ദക്ഷിണാഫ്രിക്കയിൽ അവതരിപ്പിച്ചു. എംടി, സിവിടി ട്രാൻസ്‍മിഷൻ ഓപ്ഷനുകളുള്ള ടോപ്പ്-സ്പെക്ക് അസെന്റ ട്രിം ലെവലിൽ മാത്രമേ ഇത് ലഭ്യമാകൂ. 

റെഡ് എഡിഷൻ അപ്‌ഡേറ്റിന്റെ ഭാഗമായി, ഫ്രണ്ട് ഗ്രിൽ, ഫ്രണ്ട് ബമ്പർ, വീൽ ആർച്ചുകൾ, സൈഡ് ക്ലാഡിംഗ് എന്നിവയിൽ നിസ്സാൻ മാഗ്‌നൈറ്റ് റെഡ് ആക്‌സന്റുകൾ നൽകിയിട്ടുണ്ട്. ബൂട്ട് ലിഡ് ഗാർണിഷ്, റെഡ് എഡിഷൻ ഗ്രാഫിക്സ്, റെഡ് ബ്രേക്ക് കാലിപ്പറുകൾ, റെഡ് എഡിഷൻ ബാഡ്‌ജിംഗ് എന്നിവയും ഫ്രണ്ട് ഫെൻഡറുകളിൽ ലഭിക്കും.

നിസാൻ മോട്ടോർ ഇന്ത്യയ്ക്ക് പുതിയ കോർപ്പറേറ്റ് ഹെഡ്ക്വാർട്ടേഴ്‍സ്

പുതിയ മാഗ്നൈറ്റിന് ഉള്ളിൽ ഡാഷ്‌ബോർഡ്, ആംറെസ്റ്റ്, ഗിയർ ലിവർ, ആംബിയന്റ് ലൈറ്റിംഗ്, വയർലെസ് ചാർജർ, സ്‌കഫ് പ്ലേറ്റുകൾ എന്നിവയിൽ ചുവന്ന ആക്‌സന്റുകളും കളറിംഗും ഉണ്ട്. ഇതൊരു ഫുൾ-ലോഡഡ് മാഗ്‌നൈറ്റ് ആയതിനാൽ, ആൻഡ്രോയിഡ് ഓട്ടോ, ആപ്പിള്‍ കാര്‍പ്ലേ എന്നിവയ്‌ക്കൊപ്പം എട്ട് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, പൂർണ്ണ ഡിജിറ്റൽ ക്ലസ്റ്റർ, റിയർ വ്യൂ ക്യാമറ, ബട്ടൺ സ്റ്റാർട്ട്-സ്റ്റോപ്പ്, വെഹിക്കിൾ ഡൈനാമിക്‌സ് കൺട്രോൾ, ട്രാക്ഷൻ കൺട്രോൾ, ബ്രേക്ക് അസിസ്റ്റ്, എന്നിവ ലഭിക്കും. ഒപ്പം ഹിൽ സ്റ്റാർട്ട് അസിസ്റ്റും. 99bhp/160Nm ഉത്പാദിപ്പിക്കുന്ന നിസാന്റെ 1.0-ലിറ്റർ ടർബോ പെട്രോളാണ് ദക്ഷിണാഫ്രിക്കൻ-സ്പെക്ക് മാഗ്നൈറ്റ് റെഡ് എഡിഷന് കരുത്തേകുന്നത്, ആറ് സ്പീഡ് മാനുവൽ അല്ലെങ്കിൽ ഒരു സിവിടി ഉപയോഗിച്ച് സ്വന്തമാക്കാം.  1.0 ലിറ്റർ എംടി നിസാൻ മാഗ്നൈറ്റ് റെഡ് എഡിഷന് 298300 രൂപയും (14.10 ലക്ഷം രൂപ) സിവിടി പതിപ്പിന് 325300 രൂപയുമാണ് (15.37 ലക്ഷം രൂപ) വില. 

എന്താണ് നിസാന്‍ മാഗ്നൈറ്റ്?
മാഗ്‌നൈറ്റ് രൂപകൽപ്പന ചെയ്‌ത് വികസിപ്പിച്ചെടുത്തത് ഇന്ത്യയിലാണ്.  നിസാൻ നെക്സ്റ്റ് ട്രാൻസ്ഫോർമേഷൻ പ്ലാനിന് കീഴിൽ പുറത്തിറക്കുന്ന ആദ്യത്തെ ആഗോള ഉൽപ്പന്നമായ മാഗ്നൈറ്റിനെ 2020 ഡിസംബര്‍ ആദ്യവാരമാണ് നിസാൻ ഇന്ത്യൻ വിപണിയിൽ അവതരിപ്പിക്കുന്നത്.  XE,XL,XV,XV പ്രീമിയം എന്നീ നാല് വേരിയന്റുകളില്‍ 20 ഗ്രേഡുകളായാണ് നിസാന്‍ മാഗ്‌നൈറ്റ് വിപണിയില്‍ എത്തിയത്. 'മേക്ക് ഇന്‍ ഇന്ത്യ, മേക്ക് ഫോര്‍ ദി വേള്‍ഡ്' എന്ന ആശയത്തില്‍ ഇന്ത്യയിലാണ് വാഹനം നിര്‍മിച്ചിരിക്കുന്നത് എന്നതായിരുന്നു ഏറ്റവും വലിയ പ്രത്യേകത. നിസാന്‍ നെക്സ്റ്റ് സ്ട്രാറ്റജിക്ക് കീഴിലുള്ള കമ്പനിയുടെ ആദ്യത്തെ ഉല്‍പ്പന്നമാണിത്. നിസാന്റെ ഏറ്റവും പുതിയ ഇന്റലിജന്റ് മൊബിലിറ്റി സാങ്കേതികവിദ്യ മാഗ്നൈറ്റില്‍ അവതരിപ്പിച്ചിട്ടുണ്ട്. 1.0 ലിറ്റർ B4D നാച്ചുറലി ആസ്പിറേറ്റഡ് പെട്രോള്‍, 1.0 ലിറ്റർ HRA0 ടർബോ-പെട്രോൾ എന്നിങ്ങനെ രണ്ട് പെട്രോൾ എഞ്ചിൻ ഓപ്ഷനുകളോടെയാണ് വാഹനം പുറത്തിറക്കിയത്.  

Follow Us:
Download App:
  • android
  • ios