നാട്ടിലെ മിത്തും കഥകളും കൂട്ടിയിണക്കി ഈ നാട്ടുകാര്‍ക്ക് മാത്രമായി പുത്തനൊരു ജാവ ബൈക്ക്!
ജാവ 42 തവാങ് പതിപ്പിന് അരുണാചൽ പ്രദേശിലെ സ്റ്റാൻഡേർഡ് ജാവ 42 നേക്കാൾ 20,000 രൂപ കൂടുതലാണ് എന്നും ഇവ ഇതിനകം വിറ്റുതീർന്നുവെന്നാണ് റിപ്പോര്‍ട്ടുകള്‍.
ജാവ യെസ്ഡി മോട്ടോർസൈക്കിൾസ് ജാവ 42 മോട്ടോർസൈക്കിളിന്റെ പുതിയ പ്രത്യേക പതിപ്പ് പുറത്തിറക്കി. ജാവ 42 തവാങ് എഡിഷൻ എന്ന് വിളിക്കപ്പെടുന്ന ഈ പതിപ്പ് അരുണാചൽ പ്രദേശിനും സമീപ പ്രദേശങ്ങളിൽ നിന്നുമുള്ള ഉപഭോക്താക്കൾക്ക് മാത്രമുള്ളതാണ്. ഈ മോഡലുകളുടെ എണ്ണം വെറും 100 യൂണിറ്റുകള്‍ മാത്രമായി പരിമിതപ്പെടുത്തിയിരിക്കുന്നു. ജാവ 42 തവാങ് പതിപ്പിന് അരുണാചൽ പ്രദേശിലെ സ്റ്റാൻഡേർഡ് ജാവ 42 നേക്കാൾ 20,000 രൂപ കൂടുതലാണ് എന്നും ഇവ ഇതിനകം വിറ്റുതീർന്നുവെന്നാണ് റിപ്പോര്‍ട്ടുകള്‍.
ഒരു വെങ്കല മെഡൽ, ഒരു കസ്റ്റമൈസ്ഡ് ഹെൽമെറ്റ്, ഒരു റൈഡിംഗ് ജാക്കറ്റ് എന്നിവ ഈ പതിപ്പിനൊപ്പം ലഭിക്കും. ഹെഡ്‌ലൈറ്റ് ഗ്രിൽ, ബാർ-എൻഡ് മിററുകൾ, റിയർ ഗ്രാബ് റെയിൽ, ക്രാഷ് ഗാർഡ് തുടങ്ങിയ ആക്സസറികളും ഈ പ്രത്യേക പതിപ്പിനൊപ്പം കമ്പനി കൂട്ടിച്ചേര്‍ത്തിട്ടുണ്ട്.
ജാവ 42 തവാങ് എഡിഷൻ ജാവ 42 സ്‌പോർട്‌സ് സ്ട്രൈപ്പ് ആൾസ്റ്റാർ ബ്ലാക്ക് അടിസ്ഥാനമാക്കിയുള്ളതാണ്. ഈ പ്രദേശത്തെ ഐതിഹ്യങ്ങളുടെ ഭാഗവും ഐശ്വര്യത്തിന്റെയും ഭാഗ്യത്തിന്റെയും പ്രതീകമായ പുരാണത്തിലെ കുതിരയായ ലുങ്തയിൽ നിന്ന് പ്രചോദനം ഉൾക്കൊണ്ടാണ് തവാങ് പതിപ്പ് തയ്യാറാക്കിയതെന്ന് ജാവ പറയുന്നു. മോട്ടോർസൈക്കിളിൽ ഇന്ധന ടാങ്കിലും ഫ്രണ്ട് ഫെൻഡറിലും ലുങ്‌ട മോട്ടിഫും ചുറ്റുമുള്ള ബോഡി പാനലുകളിലുടനീളം പ്രദേശം പ്രചോദിപ്പിച്ച ലിഖിതങ്ങളും ഉൾപ്പെടുത്തിയിട്ടുണ്ട്. സ്പെഷ്യൽ എഡിഷൻ യൂണിറ്റുകളെ അടയാളപ്പെടുത്തുന്നതിനായി ഓരോ മോട്ടോർസൈക്കിളിനും ഒരു അദ്വിതീയ സംഖ്യയുള്ള വെങ്കല മെഡൽ ലഭിക്കുന്നു.
ജാവ മെക്കാനിക്കൽ മാറ്റങ്ങളൊന്നും വരുത്തിയിട്ടില്ല. അതിനാൽ, ഇത് 293 സിസി, ലിക്വിഡ്-കൂൾഡ്, സിംഗിൾ സിലിണ്ടർ എഞ്ചിൻ നിലനിർത്തുന്നു. ഇത് 26.95 bhp കരുത്തും 26.84 എൻഎം ടോര്‍ക്കും ഉത്പാദിപ്പിക്കുന്നു. ആറ് സ്‍പീഡ് ഗിയര്‍ബോക്സാണ് ട്രാൻസ്‍മിഷൻ.
മോട്ടോർ സൈക്കിൾ യാത്രക്കാർ എന്ന നിലയിൽ, അരുണാചൽ പ്രദാനം ചെയ്യുന്ന ആശ്വാസകരമായ കാഴ്ചകളും അതിശയകരമായ റോഡുകളും കമ്പനി ഇഷ്ടപ്പെടുന്നുവെന്നും സമ്പന്നമായ സംസ്‍കാരവും അനുബന്ധ ഇതിഹാസങ്ങളും സവാരിയെ സമ്പന്നമാക്കുന്നുവെന്നും ബൈക്ക് പുറത്തിറക്കിക്കൊണ്ട് ജാവ യെസ്ഡി മോട്ടോർസൈക്കിൾസിന്റെ സിഇഒ ആശിഷ് സിംഗ് ജോഷി പറഞ്ഞു. അതാണ് ജാവ 42 തവാങ് എഡിഷനിലൂടെ തങ്ങൾ ആദരിക്കുന്നതെന്നും അദ്ദേഹം വ്യക്തമാക്കി. "ലുങ്‌ത ക്ഷേമത്തെ സൂചിപ്പിക്കുന്നു, ഇവിടെയുള്ള സവാരി എല്ലാവർക്കും സംതൃപ്‍തമായ അനുഭവമായിരിക്കണമെന്ന് ഞങ്ങൾ ആഗ്രഹിക്കുന്നു. ഓരോ കോണിലും ഒളിഞ്ഞിരിക്കുന്ന റൈഡിംഗിന്റെ പ്രതിഫലം രാജ്യത്തെ ഓരോ ജാവ, യെസ്ഡി റൈഡർമാർക്കും ഇതൊരു പറുദീസയാക്കുന്നു" അദ്ദേഹം കൂട്ടിച്ചേര്‍ത്തു.
തവാങ്ങിൽ നടന്ന ടോർഗ്യ ഫെസ്റ്റിവലിൽ, അരുണാചൽ പ്രദേശിലെ തവാങ് എംഎൽഎ, സോനം ചോംബെ, മുഖ്യമന്ത്രിയുടെ കമ്മീഷണർ സോനം ചോംബെ, അഡ്വഞ്ചർ ടൂർ ഓപ്പറേറ്റർ അസോസിയേഷൻ ഓഫ് ഇന്ത്യ, NE ചാപ്റ്റർ ചെയർമാൻ ഒകെൻ തായെങ് എന്നിവർ ചേർന്നാണഅ പ്രത്യേക പതിപ്പ് മോട്ടോർസൈക്കിൾ അനാച്ഛാദനം ചെയ്‍തത്. തിരഞ്ഞെടുത്ത ഉപഭോക്താക്കൾക്ക് പ്രത്യേക പതിപ്പ് മോട്ടോർസൈക്കിളുകളും അധികൃതർ കൈമാറി.
