വാര്ഡ് വിസാര്ഡ് ഇന്നൊവേഷന്സിന്റെ ഇലക്ട്രിക് ഇരുചക്ര വാഹന ബ്രാന്ഡായ 'ജോയ് ഇ-ബൈക്ക്' ഇന്ത്യയുടെ അയര്ലന്ഡ് പര്യടനം 2022 ലെ ഔദ്യോഗിക പവേര്ഡ് ബൈ സ്പോണ്സറായി. ജൂണ് 26 മുതല് 28 വരെ ഡബ്ലിനില് നടക്കുന്ന രണ്ട് മത്സരങ്ങളുളള ടി20 പരമ്പരയില് ഇന്ത്യയും അയര്ലന്ഡും മലാഹിഡെ ക്രിക്കറ്റ് ക്ലബ് ഗ്രൗണ്ടില് ഏറ്റുമുട്ടും.
കൊച്ചി: വാര്ഡ് വിസാര്ഡ് ഇന്നൊവേഷന്സിന്റെ ഇലക്ട്രിക് ഇരുചക്ര വാഹന ബ്രാന്ഡായ 'ജോയ് ഇ-ബൈക്ക്' ഇന്ത്യയുടെ അയര്ലന്ഡ് പര്യടനം 2022 ലെ ഔദ്യോഗിക പവേര്ഡ് ബൈ സ്പോണ്സറായി. ജൂണ് 26 മുതല് 28 വരെ ഡബ്ലിനില് നടക്കുന്ന രണ്ട് മത്സരങ്ങളുളള ടി20 പരമ്പരയില് ഇന്ത്യയും അയര്ലന്ഡും മലാഹിഡെ ക്രിക്കറ്റ് ക്ലബ് ഗ്രൗണ്ടില് ഏറ്റുമുട്ടും.
Honda 2Wheelers : 30 ലക്ഷം യൂണിറ്റ് കയറ്റുമതി നാഴികക്കല്ല് പിന്നിട്ട് ഹോണ്ട ടൂ വീലേഴ്സ് ഇന്ത്യ
സഹകരണത്തിന്റെ ഭാഗമായി 'ജോയ് ഇ-ബൈക്ക് ഇലക്ട്രിഫൈയിംഗ് പവേര്ഡ് ബൈ' മാന് ഓഫ് ദി സീരീസ് അവാര്ഡും തുടര്ന്ന് രണ്ട് മത്സരങ്ങള്ക്ക് ജോയ് ഇ ബൈക്ക് ഇലക്ട്രിഫൈയിംഗ് സൂപ്പര് 6 അവാര്ഡും നല്കും എന്നും കമ്പനി വാര്ത്താക്കുറിപ്പില് അറിയിച്ചു.
ജോയ് ഇ-ബൈക്ക് ഇന്ത്യയിലുടനീളമുള്ള കായികരംഗത്തിന് മികച്ച പിന്തുണ നല്കിക്കൊണ്ട് വിവിധ ക്രിക്കറ്റ് ഇവന്റുകളുമായും ടീമുകളുമായും സഹകരിക്കുന്നു. ഇന്ത്യന് പ്രീമിയര് ലീഗ് (ഐപിഎല്) 2021 പതിപ്പില് ചെന്നൈ സൂപ്പര് കിംഗ്സിന്റെ ഔദ്യോഗിക ഇവി പങ്കാളിയായിരുന്നു.
ഇന്ത്യയില് ക്രിക്കറ്റ് വെറുമൊരു കളി മാത്രമല്ല അത് രാജ്യത്തിന്റെ മുഴുവന് ഒരു വികാരമാണ് അതുകൊണ്ട് വാര്ഡ് വിസാര്ഡ് എപ്പോഴും ക്രിക്കറ്റിനെ പിന്തുണയ്ക്കുന്നു എന്ന് കമ്പനി പറയുന്നു. ലോകം എമ്പാടുമുള്ള കായിക വിനോദത്തിലൂടെ വൈവിധ്യമാര്ന്ന പ്രേക്ഷകരിലേക്ക് എത്തിച്ചേരാനുള്ള മികച്ച വേദിയാണിത്. ഇന്ത്യയുടെ അയര്ലന്ഡ് പര്യടനത്തിലെ ഒഫീഷ്യല് പവേര്ഡ് ബൈ സ്പോണ്സറായി ഐറിഷ് ക്രിക്കറ്റ് യൂണിയന് കമ്പനി ലിമിറ്റഡുമായി സഹകരിക്കുന്നതില് തങ്ങള്ക്ക് സന്തോഷമുണ്ടെന്ന് വാര്ഡ് വിസാര്ഡ് ഇന്നൊവേഷന്സ് ആന്ഡ് മൊബിലിറ്റി ലിമിറ്റഡ് ചെയര്മാനും മാനേജിംഗ് ഡയറക്ടറുമായ യതിന് ഗുപ്തെ പറഞ്ഞു.
ഇലക്ട്രിക് ടൂവീലര് സെഗ്മെന്റിലെ പ്രമുഖരില് ഒരാളായ ജോയ് ഇ-ബൈക്ക് ഇതിന്റെ പവേര്ഡ് ബൈ സ്പോണ്സറാകുന്നതില് തങ്ങള്ക്ക് സന്തോഷമുണ്ട്. ആഭ്യന്തര തലത്തില് ജോയ് ഇ-ബൈക്ക് ക്രിക്കറ്റ് പരിപാടികള് പ്രോത്സാഹിപ്പിക്കുന്നുണ്ട്, ലോകമെമ്പാടുമുള്ള ക്രിക്കറ്റ് ഇവന്റുകളില് അവരുടെ പിന്തുണ പ്രതീക്ഷിക്കുന്നുവെന്ന് അയര്ലന്ഡ് കിക്കറ്റ് ചീഫ് എക്സിക്യൂട്ടീവ് ഓഫിസര് മിസ്റ്റര് വാറന് ഡ്യൂട്രോം പറഞ്ഞു.
ഗുജറാത്തില് ബാറ്ററി നിര്മ്മാണം, സിംഗപ്പൂര് കമ്പനിയുമായി കരാര് ഒപ്പിട്ട് വാര്ഡ്വിസാര്ഡ് ഇന്നൊവേഷന്സ്
സിംഗപ്പൂര് ആസ്ഥാനമായുള്ള റിന്യൂവബിള് എനര്ജി മാനേജ്മെന്റ് കണ്സള്ട്ടിങ്ങ് സ്ഥാപനമായ സണ്കണക്റ്റുമായി ഇലക്ട്രിക് ഇരുചക്ര വാഹന നിര്മ്മാതാക്കളായ വാര്ഡ്വിസാര്ഡ് ഇന്നൊവേഷന്സ് ആന്ഡ് മൊബിലിറ്റി (എംഒയു) കരാര് ഒപ്പിട്ടു. ഇന്ത്യയില് ലി-അയണ് അഡ്വാന്സ് സെല്ലുകളുടെ നിര്മ്മാണത്തിന് സാധ്യതയുള്ള പങ്കാളിയെ കണ്ടെത്തുന്നതിനും സാധ്യതാപഠനം നടത്തുന്നതിനും വേണ്ടിയാണ് പങ്കാളിത്തം എന്ന് കമ്പനി വാര്ത്താക്കുറിപ്പില് അറിയിച്ചു. ഇലക്ട്രിക് ഇരുചക്രവാഹന ബ്രാന്ഡായ ജോയ് ഇ-ബൈക്കിന്റെ നിര്മ്മാതാക്കളാണ് വാര്ഡ് വിസാര്ഡ് ഇന്നോവേഷന്സ് ആന്ഡ് മൊബിലിറ്റി ലിമിറ്റഡ്.
ഈ കരാര് അനുസരിച്ച് വഡോദരയിലെ വാര്ഡ് വിസാര്ഡിന്റെ ഇലക്ട്രിക് വെഹിക്കിള് അനുബന്ധ ക്ലസ്റ്ററില് 1ജിഡബ്ല്യുഎച്ച് സെല് പ്രൊഡക്ഷന് പ്ലാന്റ് സ്ഥാപിക്കുന്നതിനുള്ള റോഡ് മാപ്പ് വികസിപ്പിക്കുന്നതിനും പ്രഫഷണല് പങ്കാളിയെ വിലയിരുത്തുന്നതിനും തിരിച്ചറിയുന്നതിനും പരിചയസമ്പന്നരായ ശാസ്ത്രജ്ഞര്, എഞ്ചിനീയര്മാര്, വിശകലന വിദഗ്ധര് എന്നിവരുടെ ഒരു കമ്മിറ്റിയെ സണ്കണക്റ്റ് രൂപീകരിക്കും.
15 മുതല്18 മാസത്തിനുള്ളില് തങ്ങളുടെ ഇവി അനുബന്ധ ക്ലസ്റ്ററില് ലി-അയോണ് അഡ്വാന്സ് സെല്ലുകളുടെ നിര്മ്മാണ യൂണിറ്റ് സജ്ജീകരിക്കുന്നതിനുള്ള ഒരു പദ്ധതി സ്ഥാപിക്കാനും ശരിയായ പങ്കാളിയെ തിരിച്ചറിയാനും അവരുടെ വൈദഗ്ദ്ധ്യം തങ്ങളെ സഹായിക്കുമെന്ന് വാര്ഡ് വിസാര്ഡ് ഇന്നൊവേഷന്സ് ആന്ഡ് മൊബിലിറ്റി ചെയര്മാനും മാനേജിംഗ് ഡയറക്ടറുമായ യതിന് ഗുപ്ത വാര്ത്താക്കുറിപ്പില് പറഞ്ഞു.
മികച്ച വില്പ്പനയുമായി ഈ ഇലക്ട്രിക്ക് ടൂവീലര് നിര്മ്മാതാക്കള്
ഇലക്ട്രിക് വാഹനങ്ങളാണ് ഭാവിയെന്നും അവയുടെ വിജയം ഉയര്ന്ന നിലവാരമുള്ള മെറ്റീരിയലും നൂതന ബാറ്ററി മാനേജ്മെന്റ് സിസ്റ്റവും അനുസരിച്ചാണെന്നും സണ്കണക്റ്റ് സ്ഥാപകന് അവിഷേക് കുമാര് അഭിപ്രായപ്പെട്ടു. ലി-അയണ് നൂതന സെല്ലുകള് നിര്മ്മിക്കുന്നതിനുള്ള ഏറ്റവും പുതിയ സാങ്കേതികവിദ്യയും ഉയര്ന്ന നിലവാരവും ഉള്ള പങ്കാളിയെ തിരിച്ചറിയാന് തങ്ങള് വാര്ഡ് വിസാര്ഡുമായി പ്രവര്ത്തിക്കും എന്നും ജോയ് ഇ-ബൈക്കിന്റെ ഉല്പ്പന്നങ്ങള്ക്കായി ഗുണനിലവാരമുള്ള ബാറ്ററികള് നിര്മ്മിക്കുന്നതിന് തങ്ങളുടെ ടീം ഒരു പ്രായോഗിക പദ്ധതി വികസിപ്പിക്കുകയും സ്റ്റാന്ഡേര്ഡ് മാനദണ്ഡങ്ങള് തയ്യാറാക്കുകയും ചെയ്യുമെന്നും അദ്ദേഹം കൂട്ടിച്ചേര്ത്തു.
അതേസമയം വാര്ഡ് വിസാര്ഡ് അടുത്തിടെ മൂന്ന് പുതിയ ഇന്ത്യന് നിര്മ്മിത അതിവേഗ ഇലക്ട്രിക് സ്കൂട്ടറുകള് രാജ്യത്ത് അവതരിപ്പിച്ചിരുന്നു. വൂള്ഫ്+, ജെന് നെക്സ് നാനു+, ഫ്ലീറ്റ് മാനേജ്മെന്റ് ഇലക്ട്രിക് സ്കൂട്ടറായ ഡെല് ഗോ എന്നിവയാണ് വിപണിയില് ഇറക്കിയിരിക്കുന്നത്. അനുദിനം വളര്ന്നുകൊണ്ടിരിക്കുന്ന അതിവേഗ ഇ സ്കൂട്ടര് വിപണിയില് സാന്നിദ്ധ്യം ശക്തമാക്കുന്നതിനും ഉല്പന്നനിര വിപുലീകരിക്കുന്നതിനുമായിട്ടാണ് പുതിയ മോഡലുകളുടെ അവതരണം എന്ന് കമ്പനി വ്യക്തമാക്കിയിരുന്നു.
ബ്ലൂടൂത്ത് കണക്റ്റിവിറ്റിയോടെ ഇലക്ട്രിക് മൗണ്ടൻ സൈക്കിളുകളുമായി ഹീറോ
കമ്പനിയുടെ ആര് ആന്ഡ് ഡി വിഭാഗം പ്രാദേശിക വത്ക്കരണവും മെയ്ക്ക് ഇന് ഇന്ത്യ സംരംഭവും പ്രോത്സാഹിപ്പിക്കുന്നതിന് ഊന്നല് നല്കിയാണ് ഈ വാഹനങ്ങള് രൂപകല്പന ചെയ്തിരിക്കുന്നത്. ഗുജറാത്തിലെ വഡോദരയിലുള്ള അത്യാധുനിക ഫാക്ടറിയിലാണ് ഈ സ്കൂട്ടറുകള് നിര്മിക്കുന്നത്.
ഓഫ് റോഡുകള്ക്ക് വേണ്ടി 160 എംഎം റോഡ് ക്ലിയറന്സോടെ രൂപകല്പന ചെയ്തിരിക്കുന്ന വൂള്ഫ്+, ജെന് നെക്സ് നാനു+ മോഡലുകളില് കീലെസ് സ്റ്റാര്ട്ട്, സ്റ്റോപ്, സ്മാര്ട്ട് കണക്റ്റിവിറ്റി, ദൂരെയിരുന്ന് ബാറ്ററി സ്റ്റാറ്റസ് പരിശോധിക്കാനും സ്കൂട്ടര് ട്രാക്ക് ചെയ്യാനുമുള്ള റിമോട്ട് ആപ്ലിക്കേഷന്, ഇക്കോ, സ്പോര്ട്ട്സ്, ഹൈപര് എന്നിങ്ങനെ മൂന്ന് ഡ്രൈവിങ് മോഡ്, റിവേഴ്സ് മോഡ് തുടങ്ങിയ സവിശേഷതകളോടെയാണ് എത്തുന്നത്. 20എന്എം ടോര്ക് തരുന്ന 1500 ഡബ്ല്യു മോട്ടോറുള്ള ഈ സ്കൂട്ടറില് പരമാവധി 55 വേഗത്തില് സഞ്ചരിക്കാം. 60വി35എഎച്ച് ബാറ്ററി ഒറ്റത്തവണ ചാര്ജ് ചെയ്താല് 100 കിലോമീറ്റര് വരെ യാത്രചെയ്യാം. വൂള്ഫ്+ന് 1,10,185 രൂപയും ജെന് നെക്സ് നാനു+ന് 1,06,991 രൂപയും ഡെല് ഗോയ്ക്ക് 1,14,500 രൂപയുമാണ് എക്സ്ഷോറൂം വില. മൂന്നിനും മൂന്ന് വര്ഷത്തെ വാറന്റി ലഭ്യമാകും. കമ്പനിയുടെ എല്ലാ ഡിലര്ഷിപ്പുകളിലും ബുക്കിംഗ് തുടങ്ങിയിരുന്നു.
