Asianet News MalayalamAsianet News Malayalam

150 കിമീ മൈലേജ്, ഇറക്കി നാലുദിവസം, മുഴുവന്‍ ബൈക്കുകളും വിറ്റുതീര്‍ത്ത് ഇന്ത്യന്‍ കമ്പനി!

ബൈക്കിന്റെ ആദ്യ ബാച്ച് അവതരിപ്പിച്ച് നാല് ദിവസത്തിനുള്ളില്‍ മുഴുവനും വിറ്റഴിച്ചു

Kabira KM4000 electric bike sold out
Author
Mumbai, First Published Mar 5, 2021, 1:21 PM IST

ഗോവ ആസ്ഥാനമായി പ്രവര്‍ത്തിക്കുന്ന കബീറ മൊബിലിറ്റി എന്ന ഇന്ത്യന്‍ ഇലക്ട്രിക് വെഹിക്കിള്‍ സ്റ്റാര്‍ട്ടപ്പ് അടുത്തിടെയാണ് ഇലക്ട്രിക് ബൈക്കുകളായ കെ.എം.3000, കെ.എം.4000 എന്നീ മോഡലുകളെ വിപണിയില്‍ അവതരിപ്പിച്ചത്. ഈ ബൈക്കിന്റെ ആദ്യ ബാച്ച് അവതരിപ്പിച്ച് നാല് ദിവസത്തിനുള്ളില്‍ വിറ്റഴിച്ചതായി കബീറ അറിയിച്ചതായി ഫിനാന്‍ഷ്യല്‍ എക്സ്‍പ്രസ് റിപ്പോര്‍ട്ട് ചെയ്യുന്നു. ഇരു ബൈക്കുകളുടേതുമായി 5000 യൂണിറ്റാണ് ആദ്യ ബാച്ചില്‍ എത്തിയിരുന്നത്. കബീറ KM 3000 ന് 1,26,990 രൂപയും കബീറ KM 4000 -ന് 1,36, 990 രൂപയുമാണ് എക്‌സ്-ഷോറൂം വില.

കബീറ മൊബിലിറ്റി മുമ്പ് ഇലക്ട്രിക് സ്‌കൂട്ടറുകള്‍ വിപണിയില്‍ എത്തിച്ചിട്ടുണ്ട്. എന്നാൽ, കഴിഞ്ഞ ദിവസമാണ് ഹൈ സ്പീഡ് ഇലക്ട്രിക് ബൈക്കുകള്‍ അവതരിപ്പിച്ചത്.  കബീറ കെ.എം.3000 മോഡലാണ് ഈ നിരയിലെ അടിസ്ഥാന പതിപ്പ്. കബീറ KM 3000 4.0 കിലോവാട്ട് ബാറ്ററി പായ്ക്കും 6.0 കിലോവാട്ട് BLDC (ബ്രഷ്‌ലെസ് ഡിസി ഇലക്ട്രിക് മോട്ടോര്‍) മോട്ടോറും ഉപയോഗിച്ച് ഇക്കോ മോഡില്‍ 120 കിലോമീറ്റര്‍ ശ്രേണി നല്‍കുന്നു. സ്പോര്‍ട്ട് മോഡില്‍, 100 കിലോമീറ്റര്‍ വേഗതയും 60 കിലോമീറ്റര്‍ ശ്രേണിയും ബൈക്ക് വാഗ്ദാനം ചെയ്യുന്നു.

കബീറ KM 4000, 4.4 കിലോവാട്ട് ബാറ്ററിയും 8.0 കിലോവാട്ട് മോട്ടോറും പായ്ക്ക് ചെയ്യുന്നു, ഇത് ഇക്കോ മോഡില്‍ 150 കിലോമീറ്റര്‍ ശ്രേണിയുമായി വരുന്നു. സ്പോര്‍ട്ട് മോഡില്‍ 120 കിലോമീറ്റര്‍ വേഗതയില്‍ എത്താനും 90 കിലോമീറ്റര്‍ ശ്രേണി നല്‍കാനും ഇതിന് കഴിയും. KM 3000 3.3 സെക്കന്‍ഡിനുള്ളില്‍ 0 മുതല്‍ 40 കിലോമീറ്റര്‍ വേഗത കൈവരിക്കുമെന്ന് അവകാശപ്പെടുമ്പോള്‍, KM 4000 -ന് 3.1 സെക്കന്‍ഡിനുള്ളില്‍ ഇത് കൈവരിക്കാന്‍ കഴിയും.

രണ്ട് ബൈക്കുകളുടെയും ബാറ്ററി പായ്ക്കുകള്‍ 2 മണിക്കൂര്‍ 50 മിനിറ്റിനുള്ളില്‍ ഇക്കോ ചാര്‍ജ് വഴിയും 50 മിനിറ്റ് ബൂസ്റ്റ് ചാര്‍ജ് വഴിയും 80 ശതമാനം വരെ ചാര്‍ജ് ചെയ്യാം. ഇക്കോ ചാര്‍ജ് വഴി 6 മണിക്കൂര്‍ 30 മിനിറ്റിനുള്ളില്‍ ഇതിന് 100 ശതമാനം ചാര്‍ജ് കൈവരിക്കാം. രണ്ട് മോഡലുകള്‍ക്കും CBS (കോംബി ബ്രേക്കിംഗ് സിസ്റ്റം) ഉള്ള സിംഗിള്‍ റിയര്‍ ഡിസ്‌ക് ബ്രേക്കുകളുണ്ട്. കബീറ KM 3000 -ന് മുന്നില്‍ സിംഗിള്‍ ഡിസ്‌ക് ബ്രേക്ക് ലഭിക്കുമ്പോള്‍, കബീറ KM 4000 -ന് മുന്നില്‍ ഡ്യുവല്‍ ഡിസ്‌ക് ബ്രേക്ക് ലഭിക്കും.

Follow Us:
Download App:
  • android
  • ios