Asianet News MalayalamAsianet News Malayalam

പുതിയ കാവസാക്കി W175 സ്ട്രീറ്റ് ബൈക്ക് ഇന്ത്യയിൽ, വില അറിയൂ

പുതുതായി പുറത്തിറക്കിയ മോട്ടോർസൈക്കിൾ റെട്രോ-ക്ലാസിക് രൂപത്തിലാണ് പുറത്തിറക്കിയിരിക്കുന്നത്. സ്റ്റാൻഡേർഡ് ഡബ്ല്യു 175 നെ അപേക്ഷിച്ച് കമ്പനി ഇതിന് 12,000 രൂപ കുറവാണ്. 

Kawasaki launches new W175 Street in India
Author
First Published Dec 9, 2023, 11:22 AM IST

രാജ്യത്തെ മുൻനിര ഇരുചക്രവാഹന നിർമാണ കമ്പനിയായ കാവസാക്കി തങ്ങളുടെ ഏറ്റവും താങ്ങാനാവുന്ന മോട്ടോർസൈക്കിളായ W175 അർബൻ റെട്രോയുടെ പുതിയ പതിപ്പ് ഇന്ത്യയിൽ അവതരിപ്പിച്ചു. പുതുതായി പുറത്തിറക്കിയ മോട്ടോർസൈക്കിൾ റെട്രോ-ക്ലാസിക് രൂപത്തിലാണ് പുറത്തിറക്കിയിരിക്കുന്നത്. സ്റ്റാൻഡേർഡ് ഡബ്ല്യു 175 നെ അപേക്ഷിച്ച് കമ്പനി ഇതിന് 12,000 രൂപ കുറവാണ്. 

സെമി-ഡബിൾ ക്രാഡിൽ ഫ്രെയിം അടിസ്ഥാനമാക്കിയാണ് ഈ ബൈക്ക് എത്തുന്നത്. ഈ ബൈക്കിൽ കമ്പനി ചില പുതിയ അപ്‌ഡേറ്റുകൾ നടത്തിയിട്ടുണ്ട്. കവാസാക്കി W175 സ്ട്രീറ്റ് ബൈക്കിൽ അലോയ് വീലുകളും ട്യൂബ് ലെസ് ടയറുകളും ഉണ്ട്. കവാസാക്കിയുടെ ഈ ബൈക്ക് ഇന്ത്യൻ ബൈക്ക് വീക്കിൽ (IBW) 2023-ൽ ലോഞ്ച് ചെയ്തിരുന്നു.  ബൈക്കിന്‍റെ ഡിസൈനിനെക്കുറിച്ച് പറയുമ്പോൾ ബൈക്കിന്റെ സീറ്റ് ഉയരം, ഗ്രൗണ്ട് ക്ലിയറൻസ്, വീൽബേസ് എന്നിവയും ചെറുതായി അപ്ഡേറ്റ് ചെയ്തിട്ടുണ്ട്. കൂടാതെ കൂടുതൽ ബ്ലാക്ക്-ഔട്ട് ഫിനിഷ് ലഭിക്കുന്നു.

13 ബിഎച്ച്പി കരുത്തും 13.2 എൻഎം ടോർക്കും സൃഷ്ടിക്കുന്ന 177 സിസി എയർ കൂൾഡ് സിംഗിൾ സിലിണ്ടർ എൻജിനാണ് കവാസാക്കിയുടെ പുതുതായി പുറത്തിറക്കിയ ബൈക്കിന്‍റെ ഹൃദയം. ഈ എഞ്ചിൻ അഞ്ച് സ്പീഡ് ട്രാൻസ്മിഷനുമായി ജോടിയാക്കിയിരിക്കുന്നു. അതേ സമയം 12 ലിറ്ററിന്റെ ഇന്ധനടാങ്കാണ് ബൈക്കിനുള്ളത്. 1.35 ലക്ഷം രൂപയാണ് എക്‌സ് ഷോറൂം വില. ഈ മാസം മുതൽ ഈ മോഡലിന്റെ വിതരണം ആരംഭിക്കുമെന്ന് കമ്പനി അറിയിച്ചു. കളർ ഓപ്ഷനുകളിൽ, കാൻഡി ആൻഡ്രോയിഡ് ഗ്രീൻ, മെറ്റാലിക് മൂൺ ഡസ്റ്റ് ഗ്രേ നിറങ്ങളിലാണ് ബൈക്ക് പുറത്തിറക്കിയിരിക്കുന്നത്.

റോഡപകടങ്ങള്‍ക്ക് പ്രധാനകാരണം എഞ്ചിനീയറിംഗ് തകരാർ, തുറന്നടിച്ച് ഗഡ്‍കരി

ക്ലാസിക് ലുക്കിലാണ് ബൈക്ക് സജ്ജീകരിച്ചിരിക്കുന്നത്. ഈ ബൈക്കിന് 270 എംഎം ഫ്രണ്ട് ഡിസ്‌ക്കും സിംഗിൾ ചാനൽ എബിഎസും ഉണ്ട്. ഇതിനുപുറമെ, ടെലിസ്‌കോപ്പ് ഫ്രണ്ട് ഫോർക്കുകളും ഡ്യുവൽ ഷോക്ക് റിയർ സസ്‌പെൻഷനും ബൈക്കിലുണ്ട്. അതേ സമയം  ഈ മോട്ടോർസൈക്കിളിന് സെമി-ഡിജിറ്റൽ റെട്രോ തീം ഇൻസ്ട്രുമെന്റ് ക്ലസ്റ്ററും ഉണ്ട്.

youtubevideo

Follow Us:
Download App:
  • android
  • ios