Komaki Venice price : 1.15 ലക്ഷം രൂപ വിലയില്‍ കൊമാകി വെനീസ് ഇലക്ട്രിക് സ്‍കൂട്ടര്‍
2.9 kWh ബാറ്ററി പാക്കിനൊപ്പം 120 കിലോമീറ്റർ റേഞ്ച് വാഗ്ദാനം ചെയ്യുന്ന 3 kWh ഇലക്ട്രിക് മോട്ടോറാണ് കൊമാകി വെനീസില്‍ നൽകിയിരിക്കുന്നത്.
ദില്ലി (Delhi) ആസ്ഥാനമായ ഇലക്ട്രിക്ക് വാഹന നിര്‍മ്മാണ കമ്പനിയായ കൊമാകിയുടെ (Komaki) ഏറെ കാത്തിരുന്ന അഞ്ചാമത്തെ ഇലക്ട്രിക് വാഹനമായ വെനീസ് (Komaki Venice) സ്‍കൂട്ടര്‍ അവതരിപ്പിച്ചു. 1.15 ലക്ഷം രൂപ എക്‌സ്-ഷോറൂം വിലയുള്ള കൊമാകി വെനീസ് ഒരു റെട്രോ-തീം ഇലക്ട്രിക് സ്കൂട്ടർ ആധുനിക സവിശേഷതകളും സാങ്കേതികവിദ്യകളും ഉൾക്കൊള്ളുന്നതായി ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് െചയ്യുന്നു.
വെനീസ് ഇലക്ട്രിക് സ്കൂട്ടർ ജനുവരി 26 മുതൽ ഇന്ത്യയിലെ എല്ലാ ഡീലർഷിപ്പുകളിലും ലഭ്യമാകുമെന്ന് കൊമാകി അവകാശപ്പെടുന്നു. സ്കൂട്ടർ ഡീലർഷിപ്പുകളിൽ എത്തിത്തുടങ്ങി എന്നാണ് റിപ്പോര്‍ട്ടുകള്‍. പുതിയ കൊമാകി വെനീസിനെക്കുറിച്ചുള്ള ചില പ്രധാന വസ്‍തുതകൾ ഇതാ.
ഫ്രണ്ട് കൗളിലെ ബ്രാൻഡ് ലോഗോ ഒരു പിയാജിയോ ബ്രാൻഡ് ലോഗോയെ അനുസ്‍മരിപ്പിക്കുന്നു. വൃത്താകൃതിയിലുള്ള എൽഇഡി ഹെഡ്‌ലാമ്പ്, എൽഇഡി ടേൺ ഇൻഡിക്കേറ്റർ ലാമ്പുകൾ, എൽഇഡി ടെയിൽലൈറ്റുകൾ, മനോഹരമായി വളഞ്ഞ ഫ്രണ്ട് കൗൾ, ഫ്രണ്ട് സ്റ്റോറേജ്, ഫോക്‌സ് ലെതർ ഉള്ള സ്പ്ലിറ്റ് സീറ്റുകൾ എന്നിവ വാഹനത്തിന് റെട്രോ രൂപഭാവം നൽകുന്ന ഡിസൈൻ ഘടകങ്ങളാണ്.
ആധുനിക ഘടകങ്ങൾ
കോമാകി വെനീസ് ഇലക്ട്രിക് സ്കൂട്ടറിന് അതിന്റെ റെട്രോ സ്റ്റൈലിംഗിനൊപ്പം ആധുനിക ഘടകങ്ങളും ലഭിക്കുന്നു. എൽഇഡി ലൈറ്റിംഗ് പാക്കേജ്, വിശാലമായ സ്വിച്ചുകൾ, ബ്ലൂടൂത്ത്, മ്യൂസിക് സിസ്റ്റം കണക്റ്റിവിറ്റി, ക്രൂയിസ് കൺട്രോൾ, ഡബിൾ ഫ്ലാഷ് ഫങ്ഷണാലിറ്റി, റിവേഴ്‍സ് മോഡ്, പാർക്കിംഗ് മോഡ്, സ്പോർട്‍സ് മോഡ് തുടങ്ങിയവ ഉള്ള പൂർണ്ണ ഡിജിറ്റൽ ഇൻസ്ട്രുമെന്റ് ക്ലസ്റ്റർ എന്നിവ ഇതില്‍ ഉൾപ്പെടുന്നു. കൂടാതെ സെല്‍ഫ് ഡയഗ്‍നോസിസ് സാങ്കേതികവിദ്യ, ഒരു ആന്റി-തെഫ്റ്റ് ലോക്ക് സിസ്റ്റം, ഒരു റീജനറേറ്റീവ് ബ്രേക്കിംഗ് സിസ്റ്റം തുടങ്ങിയവയും ലഭിക്കുന്നു.
ഒമ്പത് കളര്‍ ഓപ്ഷനുകൾ
കൊമാകി വെനീസ് ഇലക്ട്രിക് സ്കൂട്ടർ ഒമ്പത് വ്യത്യസ്ത നിറങ്ങളിൽ ലഭ്യമാണ്. അവ - ബ്രൈറ്റ് ഓറഞ്ച്, പ്യുവർ വൈറ്റ്, പ്യുവർ ഗോൾഡ്, സ്റ്റീൽ ഗ്രേ, ജെറ്റ് ബ്ലാക്ക്, ഐക്കണിക് യെല്ലോ, ഗാർനെറ്റ് റെഡ്. കൂടാതെ, കൊമാകി വെനീസ് ഇലക്ട്രിക് സ്കൂട്ടറിന്‍റെ രണ്ട് വ്യത്യസ്ത ഷേഡുകൾ മെറ്റാലിക് ബ്ലൂവിൽ ലഭ്യമാകും. അധിക റിയർ സ്റ്റോറേജ് ബോക്സും അലുമിനിയം ബോഡി ഗാർഡുകളും പോലെയുള്ള ഫാക്ടറിയിൽ ഘടിപ്പിച്ച ആക്സസറികളുമായാണ് കൊമാകി വെനീസ് വരുന്നത്.
ഫാക്ടറി ഫിറ്റ് ആക്സസറികൾ
കൊമാകി വെനീസ് ഇലക്ട്രിക് സ്‌കൂട്ടറിൽ നിർമ്മാതാവ് നിരവധി ആക്സസറികൾ ഘടിപ്പിച്ചിരിക്കുന്നു. ഫുൾ ബോഡി അലുമിനിയം ഗാർഡ്, പില്ലെന് പിന്നിൽ അധിക സ്റ്റോറേജ് എന്നിവ ഇതിൽ ഉൾപ്പെടുന്നു. ഇതിനർത്ഥം റൈഡർക്കുള്ള അധിക സംഭരണ ശേഷി ലഭിക്കുമെന്നും ആഫ്റ്റർ മാർക്കറ്റിൽ നിന്ന് ഈ ആക്സസറികൾ വാങ്ങേണ്ട ആവശ്യമില്ലെന്നും ആണ്.
125 സിസി സ്കൂട്ടറിന് തുല്യം
കൊമാകി വെനീസ് ഇലക്ട്രിക് സ്കൂട്ടർ 125 സിസി ഇന്റേണൽ കംബസ്ഷൻ എഞ്ചിൻ ഉപയോഗിച്ച് പ്രവർത്തിക്കുന്ന സ്കൂട്ടറിന് തുല്യമാണ്. 2.9 kWh അഡ്വാൻസ്‍ഡ് ലിഥിയം-അയൺ ബാറ്ററി പാക്കിനൊപ്പം ജോടിയാക്കിയ 3 kWh ഇലക്ട്രിക് മോട്ടോറാണ് ഇത് നൽകുന്നത്. കൊമാകി വെനീസ് ഇ-സ്‌കൂട്ടറിനെ 120 കിലോമീറ്റർ പരിധി വരെ ഓടിക്കാൻ ഇലക്ട്രിക് പവർട്രെയിൻ പ്രാപ്‍തമാക്കുമെന്ന് കമ്പനി അവകാശപ്പെടുന്നു.
ബ്രേക്കും സസ്പെൻഷനും
ഹെവി-ഡ്യൂട്ടി മോട്ടോർസൈക്കിളുകൾ പോലെയുള്ള സിബിഎസ് ഡ്യുവൽ ഡിസ്‌ക് ബ്രേക്കിംഗ് സിസ്റ്റവുമായാണ് കൊമാകി വെനീസ് വരുന്നത്. 580 ഗ്രാം ഭാരമുള്ള, CBS ഡ്യുവൽ ഡിസ്‌ക് ബ്രേക്കിംഗ് സിസ്റ്റം സഡൻ വീൽ ലോക്ക് തടയുന്നതിലൂടെ സുരക്ഷ വർദ്ധിപ്പിക്കുമെന്ന് അവകാശപ്പെടുന്നു. സസ്‌പെൻഷനായി, കോമാകി വെനീസിന് ടെലിസ്‌കോപ്പിക് ഫ്രണ്ട് ഫോർക്കുകൾ ലഭിക്കുന്നു.
