യുവാക്കള്‍ക്ക് ഹരമേകാന്‍ വരുന്നൂ പുതിയൊരു ഡ്യൂക്ക്

ഓസ്‍ട്രിയന്‍ സൂപ്പര്‍ബൈക്ക് നിര്‍മ്മാതാക്കളായ കെടിഎം 790 അഡ്വഞ്ചർ ഇന്ത്യൻ വിപണിയിലേക്ക് എത്തുന്നു. ഇരട്ട സിലിണ്ടർ ADV 2021 മാർച്ചോടെ വിപണിയിൽ അവതരിപ്പിക്കാനാണ് സാധ്യത എന്ന് ഇവിഒ ഇന്ത്യ ഡോട്ട് കോം റിപ്പോര്‍ട്ട് ചെയ്യുന്നു. 

വാഹനം ഇന്ത്യയിലേക്ക് വരുന്നതായി നേരത്തെ റിപ്പോര്‍ട്ടുകള്‍ ഉണ്ടായിരുന്നു. കോവിഡ് -19 മഹാമാരി കാരണം പദ്ധതി വൈകി. 790 ഡ്യൂക്കിൽ നാം ഇതിനകം അനുഭവിച്ച അതേ 799 സിസി പാരലൽ-ട്വിൻ എഞ്ചിനാണ് കെടിഎം 790 അഡ്വഞ്ചർ ഉപയോഗിക്കുന്നത്.94 bhp പരമാവധി കരുത്തും 88 Nm torque ഉം ഉത്പാദിപ്പിക്കാൻ ഇതിന് കഴിയും. ഹാർഡ്‌വെയറിനായി, 200 mm ട്രാവലുള്ള ഒരു ജോഡി WP അപെക്സ് 43 mm USD ഫ്രണ്ട് ഫോർക്കുകളും ഒരേ അളവിലുള്ള ട്രാവലുള്ള WP അപെക്സ് റിയർ മോണോഷോക്കും മോട്ടോർസൈക്കിളിന് ലഭിക്കും. ഗുരുതരമായ അഡ്വഞ്ചർ റൈഡ് കൈകാര്യം ചെയ്യുന്നതിന്, 790 അഡ്വഞ്ചർ ഒരു ട്യൂബുലാർ ക്രോമിയം-മോളിബ്ഡിനം-സ്റ്റീൽ ഫ്രെയിം അവതരിപ്പിക്കുന്നു, അത് എഞ്ചിൻ ഒരു സമ്മർദ്ദമുള്ള അംഗമായി ഉപയോഗിക്കുന്നു.

സ്റ്റാന്‍ഡേര്‍ഡ്, R (ഉയര്‍ന്ന വകഭേദം) എന്നിങ്ങനെ രണ്ട് വകഭേദങ്ങളില്‍ ബൈക്ക് വിപണിയില്‍ എത്തിയേക്കും. എല്‍ഇഡി ഹെഡ്‌ലാമ്പും, ടെയില്‍ലാമ്പും, ഇന്‍സ്ട്രമെന്റ് കണ്‍സോളില്‍ ടിഎഫ്ടി കളര്‍ ഡിസ്‌പ്ലേയും വാഗ്ദാനം ചെയ്യുന്നു. 233 mm ഗ്രൗണ്ട് ക്ലിയറന്‍സും ബൈക്കിന് ലഭിക്കും. അന്താരാഷ്ട്ര വിപണിയില്‍ ഇതിനോടകം ബൈക്ക് വില്‍പ്പനയ്ക്ക് എത്തിയിട്ടുണ്ട്. 

സ്‌പോര്‍ട്, സ്ട്രീറ്റ്, റെയിന്‍, ട്രാക്ക് എന്നിങ്ങനെ നാലു റൈഡിംഗ് മോഡുകളും അഡ്വഞ്ചര്‍ 790-യുടെ സവിശേഷതയാണ്. 790 ഡ്യൂക്കിന് കരുത്തേകുന്ന അതേ 799 സിസി, സമാന്തര-ഇരട്ട എഞ്ചിന്‍ തന്നെയാവും പുതിയ അഡ്വഞ്ചര്‍ ടൂറര്‍ ബൈക്കിന്‍റെയും ഹൃദയം. എന്നാല്‍ വ്യത്യസ്ത ട്യൂണിലാണ് എഞ്ചിന്‍ യൂണിറ്റ് എന്നും റിപ്പോര്‍ട്ടുകളുണ്ട്. ആറു സ്പീഡാണ് ഗിയര്‍ബോക്‌സ്. സ്ലിപ്പര്‍ ക്ലച്ചിന്റെ പിന്തുണയും മോഡലില്‍ കമ്പനി ഉള്‍പ്പെടുത്തിയിട്ടുണ്ട്. മുന്നില്‍ റേഡിയല്‍ മൗണ്ട് ചെയ്ത നാല് പിസ്റ്റണ്‍ കാലിപ്പറുകളുള്ള ഇരട്ട 320 mm ഡിസ്‌കുകളും പിന്നില്‍ 260 mm ഡിസ്‌കും ബ്രേക്കിംഗ് ഹാര്‍ഡ്വെയറില്‍ അടങ്ങിയിരിക്കുന്നു.

ബോഷ് നിര്‍മ്മിത ഇരട്ട ചാനല്‍ എബിഎസ് സംവിധാനവും 790-അഡ്വഞ്ചറിന്റെ സവിശേഷതയാണ്. 20 ലിറ്ററാണ് ഫ്യുവല്‍-ടാങ്ക് കപ്പാസിറ്റി. വില സംബന്ധിച്ച് ഒന്നും തന്നെ കമ്പനി വ്യക്തമാക്കിയിട്ടില്ല. 790 ഡ്യൂക്ക് വിപണിയില്‍ എത്തിച്ചതുപോലെ 790 അഡ്വഞ്ചറിനെ കുറഞ്ഞ പ്രാദേശികവല്‍ക്കരണമുള്ള CKD യൂണിറ്റായി ഇന്ത്യയില്‍ എത്തിക്കുമെന്നും റിപ്പോര്‍ട്ടുകളുണ്ട്.  12 ലക്ഷം രൂപക്കടുത്തായിരിക്കും വാഹനത്തിന്‍റെ എക്സ്-ഷോറൂം വില. വിപണിയിൽ അഡ്വഞ്ചർ ട്രയംഫ് ടൈഗർ 900, ഡ്യുക്കാട്ടി മൾട്ടിസ്ട്രാഡ 950 എന്നിവയുമായി കെടിഎം 790 മത്സരിക്കും.