രണ്ടാമനായി ഹ്യുണ്ടായി, അഭിമാനമായി ഈ മൂവര്‍സംഘം!
കഴിഞ്ഞ മാസം രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന മൂന്ന് ഹ്യൂണ്ടായി മോഡലുകളെക്കുറിച്ച് കൂടുതലറിയാം
2022 സെപ്റ്റംബറിൽ രാജ്യത്തെ ആകെ കാർ വിൽപ്പനയുടെ കാര്യത്തിൽ ഹ്യുണ്ടായ് ഇന്ത്യ രണ്ടാം സ്ഥാനം നിലനിർത്തി. 2022 സെപ്റ്റംബറിൽ 45,791 യൂണിറ്റുകളിൽ നിന്ന് 63,201 യൂണിറ്റുകൾ വിറ്റഴിച്ചതായി ഹ്യുണ്ടായ് മോട്ടോർ ഇന്ത്യ റിപ്പോർട്ട് ചെയ്‍തു. ഇതനുസരിച്ച് കമ്പനി പ്രതിവർഷം 38 ശതമാനം വിൽപ്പന വളർച്ച രേഖപ്പെടുത്തി. ആഭ്യന്തര വിപണിയിൽ, ഹ്യുണ്ടായ് മോട്ടോർ ഇന്ത്യ 2022 സെപ്റ്റംബറിൽ 49,700 വാഹനങ്ങൾ വിറ്റഴിച്ചു, കഴിഞ്ഞ വർഷം ഇതേ മാസം 33,087 യൂണിറ്റുകൾ വിറ്റു. 50.2 ശതമാനം വളർച്ചയാണ് കമ്പനിയുടെ വാർഷിക വിൽപ്പന വളർച്ച രേഖപ്പെടുത്തിയത്. കഴിഞ്ഞ മാസം കമ്പനി 13,501 യൂണിറ്റുകൾ കയറ്റുമതി ചെയ്‍തു. കഴിഞ്ഞ മാസം രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന മൂന്ന് ഹ്യൂണ്ടായി മോഡലുകളെക്കുറിച്ച് കൂടുതലറിയാം
ഹ്യുണ്ടായ് ക്രെറ്റ
2022 സെപ്റ്റംബറിൽ ഹ്യൂണ്ടായ് ക്രെറ്റയാണ് കമ്പനിയുടെ വിൽപ്പനയിൽ മുന്നിൽ. 2021 സെപ്റ്റംബറിലെ 8,193 യൂണിറ്റ് വിൽപ്പനയുമായി താരതമ്യപ്പെടുത്തുമ്പോൾ ക്രെറ്റ കഴിഞ്ഞ മാസം 12,866 യൂണിറ്റ് വിൽപ്പന രേഖപ്പെടുത്തി. അതുവഴി 57 ശതമാനം വളർച്ച രേഖപ്പെടുത്തി.
"അതുക്കും മേലേ.." ഇതാ ഏറ്റവും മികച്ച മൈലേജുള്ള ചില എസ്‌യുവികൾ!
ഹ്യുണ്ടായ് വെന്യു
2022 സെപ്റ്റംബറിൽ 11,033 യൂണിറ്റ് വിൽപ്പനയുമായി ഹ്യുണ്ടായ് വെന്യു രണ്ടാം റാങ്ക് നേടി, കഴിഞ്ഞ വർഷം ഇതേ കാലയളവിലെ 7,924 യൂണിറ്റ് വിൽപ്പനയുമായി താരതമ്യപ്പെടുത്തുമ്പോൾ, അതുവഴി 39 ശതമാനം വളർച്ച രേഖപ്പെടുത്തി. അടുത്തിടെ അവതരിപ്പിച്ച അപ്‌ഡേറ്റ് മോഡൽ സാധ്യതയുള്ള ഉപഭോക്താക്കള്‍ക്കിടയില്‍ ഹിറ്റായി എന്നാണ് റിപ്പോര്‍ട്ടുകള്‍.
ഹ്യുണ്ടായ് ഗ്രാൻഡ് ഐ10 നിയോസ്
ഹ്യൂണ്ടായ് ഗ്രാൻഡ് i10 നിയോസ് ഹാച്ച്ബാക്ക് സെഗ്‌മെന്റിൽ ജനപ്രിയ മോഡലായി തുടരുന്നു. 2022 സെപ്റ്റംബറിൽ 9,459 യൂണിറ്റ് വിൽപ്പനയുമായി ഗ്രാൻഡ് i10 നിയോസ് 127 ശതമാനം വളർച്ച രേഖപ്പെടുത്തി, കഴിഞ്ഞ വർഷം ഇതേ കാലയളവിലെ 4,168 യൂണിറ്റ് വിൽപ്പനയെ അപേക്ഷിച്ചാണ് ഈ വമ്പൻ വളര്‍ച്ച.
അതേസമയം കയറ്റുമതിയുടെ കാര്യത്തിലും കമ്പനി 2022 സെപ്റ്റംബറിൽ 13,501 യൂണിറ്റ് വിൽപ്പന രേഖപ്പെടുത്തി. കഴിഞ്ഞ വർഷം ഇതേ കാലയളവിനെ അപേക്ഷിച്ച് 6.3 ശതമാനം വളർച്ച. മൊത്ത വില്‍പ്പനയുടെ കാര്യത്തില്‍ കഴിഞ്ഞ വർഷം ഇതേ കാലയളവിലെ 45,791 യൂണിറ്റ് വിൽപ്പനയുമായി താരതമ്യപ്പെടുത്തുമ്പോൾ 2022 സെപ്തംബറിൽ കമ്പനി 63,201 യൂണിറ്റ് വിൽപ്പന രേഖപ്പെടുത്തി. അതുവഴി 38 ശതമാനം വളർച്ച രേഖപ്പെടുത്തി.
കൊയ്‍തുകൂട്ടി ഈ വണ്ടിക്കമ്പനികള്‍; ഇതാ അമ്പരപ്പിക്കും വില്‍പ്പന കണക്കുകള്‍!
