'യൂത്തന്‍' വന്നാലും 'മൂത്തോന്‍' പിന്മാറില്ല, വരുന്നൂ മഹീന്ദ്ര സ്കോർപിയോ ക്ലാസിക്!
വാഹനത്തിന്‍റെ പരീക്ഷണപ്പതിപ്പ് അടുത്തിടെ ക്യാമറയിൽ പതിഞ്ഞിരുന്നു. ചുവപ്പും വെള്ളയും നിറങ്ങളിലുള്ള പരീക്ഷണ മോഡലുകളുടെ ചിത്രങ്ങളാണ് പുറത്തുവന്നത്.
രാജ്യത്തെ ജനപ്രിയ എസ്‍യുവിയായ സ്‍കോര്‍പ്പിയോയുടെ മുൻ തലമുറയുടെ പുതുക്കിയ പതിപ്പായ മഹീന്ദ്ര സ്കോർപിയോ ക്ലാസിക് വിപണിയിൽ അവതരിപ്പിക്കാനൊരുങ്ങുന്നു. പുതിയ മഹീന്ദ്ര സ്കോർപിയോ N- നൊപ്പം ഇത് വിൽക്കും. മോഡൽ നിലവിൽ അതിന്റെ അവസാന പരീക്ഷണ ഘട്ടത്തിലാണ്. വാഹനത്തിന്‍റെ പരീക്ഷണപ്പതിപ്പ് അടുത്തിടെ ക്യാമറയിൽ പതിഞ്ഞിരുന്നു. ചുവപ്പും വെള്ളയും നിറങ്ങളിലുള്ള പരീക്ഷണ മോഡലുകളുടെ ചിത്രങ്ങളാണ് പുറത്തുവന്നത്.
കൊതിപ്പിച്ച് കൊതിപ്പിച്ച് മഹീന്ദ്ര, പുത്തന്‍ സ്‍കോര്‍പിയോയുടെ ഈ വകഭേദങ്ങള്‍ക്കും മോഹവില!
മുൻ‌വശത്ത്, ക്രോം സ്ലാറ്റുകളുള്ള അപ്‌ഡേറ്റ് ചെയ്‍ത ഗ്രില്ലും ബ്രാൻഡിന്റെ പുതിയ ലോഗോയും എസ്‌യുവി അവതരിപ്പിക്കുന്നു. എന്നിരുന്നാലും, അതിന്റെ ഹെഡ്‌ലാമ്പ് ക്ലസ്റ്ററുകളിൽ മാറ്റങ്ങളൊന്നും വരുത്തിയിട്ടില്ല. സ്കോർപിയോ ക്ലാസിക്കിന് ഡ്യുവൽ-ടോൺ അലോയ് വീലുകളും ലഭിക്കുന്നു, അതേസമയം അതിന്റെ ടെയിൽലാമ്പുകൾ മാറ്റമില്ലാതെ തുടരുന്നു.
പുതിയ മഹീന്ദ്ര സ്കോർപിയോ ക്ലാസിക്കിന്റെ ഇന്റീരിയർ ലേഔട്ട് പഴയതിന് സമാനമാണ്. എന്നിരുന്നാലും, എസ്‌യുവിക്ക് മഹീന്ദ്രയുടെ പുതിയ ലോഗോയ്‌ക്കൊപ്പം ഒരു പുതിയ സ്റ്റിയറിംഗ് വീൽ ലഭിക്കുന്നു. ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റി, ഓട്ടോമാറ്റിക് എസി യൂണിറ്റ്, ക്രൂയിസ് കൺട്രോൾ, പിൻ പാർക്കിംഗ് ക്യാമറ, ഡ്യുവൽ എയർബാഗുകൾ തുടങ്ങിയവയുള്ള ഏഴ് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം വാഗ്ദാനം ചെയ്യുന്നത് തുടരുന്നു.
ഇങ്ങനെ കൊതിപ്പിക്കല്ലേ മഹീന്ദ്രേ..! വാഹനലോകത്ത് വീണ്ടും സ്പോര്‍പിയോ തരംഗം
എഞ്ചിനിൽ, പുതിയ മഹീന്ദ്ര സ്കോർപിയോ ക്ലാസിക്കിലും അതേ 2.2 എൽ, 4-സിലിണ്ടർ ടർബോ ഡീസൽ എഞ്ചിൻ ഉപയോഗിക്കും. ഇത് 132 ബിഎച്ച്പി പവറും 300 എൻഎം ടോർക്കും പുറപ്പെടുവിക്കുന്നു. ഥാർ ഓഫ് റോഡ് എസ്‌യുവിയിൽ ഡ്യൂട്ടി ചെയ്യുന്ന ഓയിൽ ബർണറും തന്നെയാണ്. RWD സംവിധാനത്തോടെയാണ് എസ്‌യുവി ലഭ്യമാകുക.
S3+, S11 എന്നീ രണ്ട് വേരിയന്റുകളിലും രണ്ട് സീറ്റിംഗ് ഓപ്ഷനുകളിലും - 7-സീറ്റർ, 9-സീറ്റർ എന്നിങ്ങനെയാണ് സ്കോർപിയോ ക്ലാസിക്ക് ലഭ്യമാകുക. പുറത്തിറങ്ങിക്കഴിഞ്ഞാൽ, ഹ്യുണ്ടായ് ക്രെറ്റ, കിയ സെൽറ്റോസ്, വരാനിരിക്കുന്ന മാരുതി ഗ്രാൻഡ് വിറ്റാര, ടൊയോട്ട അർബൻ ക്രൂയിസർ ഹൈറൈഡർ തുടങ്ങിയ കാറുകളെ നേരിടും.
"താമസമെന്തേ വരുവാന്‍..?!" ഇന്ത്യയിൽ ഈ ഐക്കണിക് കാർ ബ്രാൻഡുകൾ ഇനിയും എത്തിയിട്ടില്ല!
നിലവിലെ സ്‍കോര്‍പിയോയുടെ വിപണിയിലെ ശക്തമായ ഡിമാന്‍ഡാണ് പുതിയ തലമുറയെ അവതരിപ്പിച്ചിട്ടും നിലവിലെ മോഡലിനെ നിലനിര്‍ത്താനുള്ള മഹീന്ദ്രയുടെ ഈ തീരുമാനത്തിന് പിന്നില്‍ എന്നാണ് റിപ്പോര്‍ട്ടുകള്‍. ഇപ്പോഴും മഹീന്ദ്രയുടെ ഏറ്റവും കൂടുതൽ വിറ്റഴിക്കപ്പെടുന്ന, ലാഭകരമായ മോഡലുകളിൽ ഒന്നാണ് സ്‍കോര്‍പ്പിയോ. നിലവിലെ മോഡലിന്റെ വിൽപ്പന ശരാശരി 2021ലെ കണക്കുകള്‍ അനുസരിച്ച് 3,100 യൂണിറ്റുകളാണ്. മാത്രമല്ല നിലവിലെ മോഡലിനെ അപേക്ഷിച്ച് പുതിയ വാഹനത്തില്‍ മൂന്നാംനിരയിലെ സൈഡ് ഫേസിംഗ് സീറ്റുകളുടെ അഭാവും കമ്പനിയെ ഇത്തരത്തില്‍ ചിന്തിക്കാന്‍ പ്രേരിപ്പിക്കുന്നതായും ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു.
2022 മഹീന്ദ്ര സ്കോർപിയോ N നെ കുറിച്ച് പറയുകയാണെങ്കിൽ, എസ്‌യുവിയുടെ മാനുവൽ വേരിയന്റുകൾ 11.99 ലക്ഷം മുതൽ 19.49 ലക്ഷം രൂപ വരെ വില പരിധിയിൽ ലഭ്യമാണ്. ഓട്ടോമാറ്റിക് മോഡലുകൾക്ക് 15.45 ലക്ഷം മുതൽ 23.9 ലക്ഷം രൂപ വരെയാണ് വില. മൂന്ന് AWD ഡീസൽ വകഭേദങ്ങളുണ്ട്. Z4, Z8, Z8L എന്നിവ. യഥാക്രമം 18.4 ലക്ഷം, 21.9 ലക്ഷം, 23.9 ലക്ഷം രൂപ. എല്ലാ വിലകളും എക്സ്-ഷോറൂം വിലകള്‍ ആണ്.
മഹീന്ദ്ര സ്കോർപ്പിയോ എൻ; വേരിയന്റുകളും ഫീച്ചറുകളും - അറിയേണ്ടതെല്ലാം
2022 ജൂൺ 27 ന് ആണ് മഹീന്ദ്ര ആന്‍ഡ് മഹീന്ദ്ര പുതിയ സ്കോർപിയോ-എൻ രാജ്യത്ത് അവതരിപ്പിച്ചത്. മഹീന്ദ്ര സ്കോർപിയോ-എൻ രണ്ട് എഞ്ചിൻ ഓപ്ഷനുകളിലാണ് വരുന്നത് . 2.0 ലിറ്റർ പെട്രോളും 2.2 ലിറ്റർ ഡീസലും. പെട്രോൾ യൂണിറ്റ് 370 എൻഎം പീക്ക് ടോർക്കിനൊപ്പം 200 ബിഎച്ച്പി പവർ നൽകുന്നു. ഓയിൽ ബർണർ എൻട്രി ലെവൽ Z2 ട്രിമ്മിൽ 300Nm-ൽ 130bhp-യും Z4 വേരിയന്റുകളിൽ നിന്ന് 370Nm-ൽ 172bhp കരുത്തും വാഗ്ദാനം ചെയ്യുന്നു. രണ്ട് മോട്ടോറുകൾക്കും മാനുവൽ, ഓട്ടോമാറ്റിക് ഗിയർബോക്സുകൾ ഉണ്ടായിരിക്കാം.
തലമുറ മാറ്റത്തിനൊപ്പം, പുതിയ മഹീന്ദ്ര സ്കോർപിയോ N-ന് നിരവധി നൂതന കണക്റ്റിവിറ്റി ഫീച്ചറുകളും കംഫർട്ട് ഫീച്ചറുകളും ലഭിക്കും. ഏറ്റവും പുതിയ സ്മാർട്ട്‌ഫോൺ കണക്റ്റിവിറ്റിയുള്ള അഡ്രോണക്സ് AI അടിസ്ഥാനമാക്കിയുള്ള എട്ട് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ഏഴ് ഇഞ്ച് ഫുൾ ഡിജിറ്റൽ ഇൻസ്ട്രുമെന്റ് കൺസോൾ, ബിൽറ്റ്-ഇൻ അലക്‌സ, കണക്‌റ്റഡ് കാർ ടെക്, 3D സോണി സൗണ്ട് സിസ്റ്റം, ഇലക്ട്രിക് സൺറൂഫ്, ഡ്യുവൽ സോൺ ക്ലൈമറ്റ് കൺട്രോൾ, എയർ പ്യൂരിഫയർ തുടങ്ങിയവ ഈ പട്ടികയിൽ ഉൾപ്പെടുന്നു.
സുരക്ഷയുടെ കാര്യത്തിൽ, പുതിയ സ്കോർപിയോ എൻ ആറ് എയർബാഗുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം, ടയർ പ്രഷർ മോണിറ്ററിംഗ് സിസ്റ്റം, ഹിൽ ഹോൾഡ് ആൻഡ് ഡിസന്റ് അസിസ്റ്റ്, ഐസോഫിക്സ് ചൈൽഡ് സീറ്റ് മൗണ്ടുകൾ, ട്രാക്ഷൻ കൺട്രോൾ, ഇലക്ട്രോണിക് ബ്രേക്ക്ഫോഴ്സ് ഡിസ്ട്രിബ്യൂഷനോടുകൂടിയ ആന്റി ലോക്ക് ബ്രേക്കിംഗ് സിസ്റ്റം, ഡ്രൈവർ മയക്കം കണ്ടെത്തൽ, പിൻ പാർക്കിംഗ് ക്യാമറ എന്നിവ വാഗ്ദാനം ചെയ്യുന്നു.
