2022 ഓഗസ്റ്റിൽ അപ്ഡേറ്റ് ചെയ്ത സ്കോർപ്പിയോ ക്ലാസിക്കും അവതരിപ്പിച്ചു. വിപണിയിൽ എത്തിയതു മുതൽ ഈ എസ്യുവി കമ്പനിക്കായി മികച്ച വില്പ്പന കണക്കുകള് സൃഷ്ടിക്കുന്നു.
മഹീന്ദ്ര ആൻഡ് മഹീന്ദ്ര ഈ ജൂണിൽ ആണ് പുതിയ സ്കോർപിയോ എൻ അവതരിപ്പിച്ചത്. 2022 ഓഗസ്റ്റിൽ അപ്ഡേറ്റ് ചെയ്ത സ്കോർപ്പിയോ ക്ലാസിക്കും അവതരിപ്പിച്ചു. വിപണിയിൽ എത്തിയതു മുതൽ ഈ എസ്യുവി കമ്പനിക്കായി മികച്ച വില്പ്പന കണക്കുകള് സൃഷ്ടിക്കുന്നു. 2022 ഒക്ടോബറിൽ, കഴിഞ്ഞ വർഷം ഇതേ കാലയളവിലെ 3,304 യൂണിറ്റുകളുടെ സ്ഥാനത്ത് നിന്ന് 7,438 സ്കോർപിയോ യൂണിറ്റുകൾ വിറ്റഴിക്കാൻ കമ്പനിക്ക് കഴിഞ്ഞു എന്നാണ് പുതിയ കണക്കുകള്. ഇതനുസരിച്ച് 125 ശതമാനം വാര്ഷിക വളർച്ചയാണ് മോഡല് നേടിയത്. 2022 സെപ്റ്റംബറിൽ, സ്കോർപിയോ എസ്യുവി 9,536 യൂണിറ്റുകൾ നേടിയിരുന്നു, മുൻ വർഷം ഇതേ മാസത്തിൽ ഇത് 2,588 യൂണിറ്റായിരുന്നു. ഇത് 268 ശതമാനം വളർച്ച രേഖപ്പെടുത്തി.
കഴിഞ്ഞ മാസം (ഒക്ടോബർ 2022) 8,772 യൂണിറ്റ് വിൽപ്പനയോടെ മഹീന്ദ്ര ബൊലേറോ ബ്രാൻഡിന്റെ ഏറ്റവും കൂടുതൽ വിറ്റഴിക്കപ്പെടുന്ന എസ്യുവി എന്ന പദവി തിരിച്ചുപിടിച്ചു. 6,282 യൂണിറ്റുകളുടെ മൊത്തം വിൽപ്പനയോടെ, മഹീന്ദ്ര XUV300 കമ്പനിയില് നിന്ന് ഏറ്റവും കൂടുതൽ വിറ്റഴിക്കപ്പെടുന്ന മൂന്നാമത്തെ എസ്യുവിയായി മാറി.
2.0 ലിറ്റർ ടർബോ പെട്രോൾ, 2.2 ലിറ്റർ ഡീസൽ എഞ്ചിൻ ഓപ്ഷനുകളിലാണ് മഹീന്ദ്ര സ്കോർപിയോ എൻ വാഗ്ദാനം ചെയ്തിരിക്കുന്നത്. ടർബോ പെട്രോൾ മോട്ടോർ മാനുവൽ ഗിയർബോക്സിനൊപ്പം 203 ബിഎച്ച്പി കരുത്തും 370 എൻഎം ടോർക്കും, ഓട്ടോമാറ്റിക് ട്രാൻസ്മിഷനിൽ 380 എൻഎം ടോർക്കും നൽകുന്നു. ഓയിൽ ബർണർ 300Nm-ൽ 132bhp-ഉം 370Nm (MT)/400Nm (AT)-ൽ 175bhp-ഉം പുറപ്പെടുവിക്കുന്നു. എസ്യുവിക്ക് സിപ്പ്, സാപ്പ്, സൂം എന്നിങ്ങനെ മൂന്ന് ഓൺ-റോഡ് ഡ്രൈവ് മോഡുകൾ വാഗ്ദാനം ചെയ്യുന്നു,
മഹീന്ദ്ര സ്കോർപിയോ ക്ലാസിക്കിനെക്കുറിച്ച് പറയുകയാണെങ്കിൽ, എസ്യുവി മോഡൽ ലൈനപ്പിന് എസ്, എസ് 11 എന്നീ രണ്ട് വേരിയന്റുകളുണ്ടാകും. അടിസ്ഥാന മോഡലിന് 11.99 ലക്ഷം രൂപയും ടോപ് എൻഡ് വേരിയന്റിന് 15.49 ലക്ഷം രൂപയുമാണ് വില. മേൽപ്പറഞ്ഞ എല്ലാ വിലകളും എക്സ്-ഷോറൂം ആണ്. ശക്തിക്കായി, പുതിയ സ്കോർപിയോ ക്ലാസിക്കിൽ പുതുക്കിയ 2.2L ടർബോ Gen 2 എംഹോക്ക് ഡീസൽ എഞ്ചിനാണ് ഉപയോഗിക്കുന്നത്. മോട്ടോർ പരമാവധി 132 ബിഎച്ച്പി കരുത്തും 300 എൻഎം ടോർക്കും പുറപ്പെടുവിക്കുന്നു. ട്രാൻസ്മിഷൻ തിരഞ്ഞെടുപ്പുകളിൽ 6-സ്പീഡ് മാനുവൽ ഗിയർബോക്സ് ഉൾപ്പെടുന്നു. RWD (റിയർ-വീൽ ഡ്രൈവ്) സംവിധാനത്തോടെയാണ് ഇത് വരുന്നത്. സ്കോർപിയോ ക്ലാസിക്കിന്റെ പുതിയ എഞ്ചിന് മുമ്പത്തേക്കാൾ 55 കിലോ ഭാരം കുറവാണെന്ന് കമ്പനി പറയുന്നു. ഇത് 14 ശതമാനം അധിക മൈലേജ് നൽകുന്നുവെന്നും മഹീന്ദ്ര പറയുന്നു.
