10-15 ലക്ഷം വരെ വില പ്രതീക്ഷിക്കുന്ന പുത്തൻ ഥാറിന്റെ ആദ്യ മോഡലിന് ലേലത്തിൽ നേടിയ തുക കേട്ടാല് ആരുമൊന്ന് അമ്പരക്കും.
അടുത്തിടെ അവതരിപ്പിച്ച പുത്തന് തലമുറ ഥാറിന്റെ ആദ്യ യൂണിറ്റ് ലേലത്തില് വച്ചിരിക്കുകയായിരുന്നു മഹീന്ദ്ര. ലേലത്തില് ലഭിക്കുന്ന പണം കൊവിഡ് പ്രതിരോധ പ്രവര്ത്തനങ്ങള്ക്കായി നല്കുമെന്നായിരുന്നു കമ്പനി അറിയിച്ചിരിക്കുന്നത്. ഈ മാസം 24 ന് തുടങ്ങിയ ലേലം കഴിഞ്ഞ ദിവസം അവസാനിച്ചിരുന്നു.
സീരിയൽ നമ്പർ 1 രേഖപ്പെടുത്തിയ ഈ വാഹനത്തിനായി വാശിയേറിയ ഓൺലൈൻ ലേലമാണ് നടന്നത്. ലേലത്തില് ഏകദേശം 5,500-ഓളം പേരാണ് പങ്കെടുത്തത്. 10-15 ലക്ഷം വരെ വില പ്രതീക്ഷിക്കുന്ന പുത്തൻ ഥാറിന്റെ ആദ്യ മോഡലിന് ലേലത്തിൽ നേടിയ തുക കേട്ടാല് ആരുമൊന്ന് അമ്പരക്കും. 1.11 കോടി രൂപ. ദില്ലി സ്വദേശിയായ ആകാശ് മിന്ദയാണ് ഇത്രയും തുക ചെലവാക്കി ആദ്യ 2020 മഹിന്ദ്ര ഥാർ ലേലത്തിൽ പിടിച്ചത്.
ഭക്ഷ്യ-കാർഷിക മേഖലകളിൽ സുസ്ഥിര ഉപജീവനമാർഗ്ഗം സൃഷ്ടിക്കുന്നതിനായി പ്രവർത്തിക്കുന്ന നന്ദി ഫൗണ്ടേഷൻ, കൊറോണാനന്തരം ഗ്രാമീണ ജീവിതവും ഉപജീവനവും കെട്ടിപ്പടുക്കുന്നതിനായി പ്രവർത്തിക്കുന്ന സ്വദേശ് ഫൗണ്ടേഷൻ, പ്രധാന മന്ത്രിയുടെ PM കെയേഴ്സ് ഫണ്ട് എന്നിവയിൽ ഒന്നിലേക്കാണ് ലേലത്തുക മഹീന്ദ്ര സംഭാവന ചെയ്യുക. മേല്പ്പറഞ്ഞവയിൽ ആർക്ക് ലേലത്തുക സംഭാവന ചെയ്യണം എന്ന് വാഹന ഉടമയായ ആകാശ് മിന്ദയ്ക്ക് തീരുമാനിക്കാം എന്നാണ് റിപ്പോര്ട്ടുകള്.
മറ്റ് വാഹനങ്ങളെ അപേക്ഷിച്ച് ലേലത്തിലൂടെ സ്വന്തമാക്കുന്ന ഥാര് കുറച്ചു സ്പെഷ്യലായിരിക്കും. നമ്പര് വണ് ബാഡ്ജിങ്ങ് വാഹനത്തിന്റെ എക്സ്റ്റീരിയറില് നല്കുന്നതിനൊപ്പം ഡാഷ് ബോര്ഡിലും ലെതര് സീറ്റുകളിലും ഒന്ന് എന്ന് ആലേഖനം ചെയ്യുമെന്നാണ് നിര്മാതാക്കള് പറയുന്നു. ഒക്ടോബര് രണ്ട് മുതലാണ് രണ്ടാം തലമുറ ഥാറിന്റെ ബുക്കിങ്ങ് ആരംഭിക്കുന്നത്. ഓഗസ്റ്റ് 15-നാണ് മഹീന്ദ്രയുടെ രണ്ടാം തലമുറ ഥാര് ഇന്ത്യയില് അവതരിപ്പിച്ചത്. മഹീന്ദ്രയുടെ എംസ്റ്റാലിയന് ശ്രേണിയിലെ 2.0 ലിറ്റര് പെട്രോള് എന്ജിനും 2.2 എംഹോക്ക് ഡീസല് എന്ജിനുമാണ് ഥാറിന് കരുത്തേകുന്നത്. ആറ് സ്പീഡ് ഓട്ടോമാറ്റിക്, മാനുവല് ട്രാന്സ്മിഷനുകളും ഇതില് നല്കുന്നുണ്ട്. ടു വീല്, ഫോര് വീല് ഡ്രൈവ് മോഡലുകളും ഥാറിലുണ്ട്.
2020 ആഗസ്റ്റ് 15-ന് സ്വാതന്ത്രദിനത്തിലാണ് മഹീന്ദ്ര രണ്ടാം തലമുറ ഥാറിനെ അവതരിപ്പിച്ചത്. ഒക്ടോബര് 2ന് ഗാന്ധി ജയന്തി ദിനത്തിൽ വില പ്രഖ്യാപിച്ച് പുത്തൻ ഥാറിന്റെ ബുക്കിംഗും മഹീന്ദ്ര ആരംഭിക്കും. നിലവിലെ മോഡലിനെ അപേക്ഷിച്ച് രണ്ട് എന്ജിന് ഓപ്ഷനുകളിലും കൂടുതല് ട്രാന്സ്മിഷനുകളിലും എത്തുന്നതാണ് ഥാറിന്റെ ഈ വരവിലെ മറ്റൊരു സവിശേഷത. മഹീന്ദ്രയുടെ എംസ്റ്റാലിയന് ശ്രേണിയിലെ 2.0 ലിറ്റര് പെട്രോള് എന്ജിനും 2.2 എംഹോക്ക് ഡീസല് എന്ജിനുമാണ് ഥാറിന് കരുത്തേകുന്നത്. ഇതിനൊപ്പം ആറ് സ്പീഡ് ഓട്ടോമാറ്റിക്, മാനുവല് ട്രാന്സ്മിഷനുകളും ഇതില് നല്കുന്നുണ്ട്.
മുന്തലമുറ ഥാറില് നിന്ന് വലിയ മാറ്റങ്ങളുമായെത്തിയ പുതിയ മോഡലിന്റെ രൂപം ഐക്കണിക്ക് അമേരിക്കന് വാഹനം ജീപ്പ് റാംഗ്ളറിനോട് ഏറെ സാമ്യമുള്ളതാണ്. ഥാർ AX സീരീസ്, LX സീരീസ് എന്നി രണ്ട് വേരിയന്റുകളിൽ 2020 ഥാര് ലഭ്യമാകും. AX സീരീസ് കൂടുതൽ അഡ്വഞ്ചർ-ഓറിയന്റഡ് പതിപ്പാണ്, LX സീരീസ് കൂടുതൽ ടാർമാക്-ഓറിയന്റഡ് വേരിയന്റാണ്. പുതിയ ഥാറിന്റെ വില ഒക്ടോബർ രണ്ടിന് പ്രഖ്യാപിക്കും.
