മഹീന്ദ്ര XUV400 ഇലക്ട്രിക് എസ്‌യുവിക്ക് 2024 മോഡലിൽ വൻ കിഴിവ്! 4 ലക്ഷം രൂപ വരെ ലാഭിക്കാം. രണ്ട് ബാറ്ററി പായ്ക്കുകളുള്ള ഈ കാറിന് മികച്ച റേഞ്ചും അത്യാധുനിക ഫീച്ചറുകളുമുണ്ട്.

വരും ദിവസങ്ങളിൽ നിങ്ങൾ ഒരു പുതിയ ഇലക്ട്രിക് കാർ വാങ്ങാൻ പദ്ധതിയിടുകയാണെങ്കിൽ നിങ്ങൾക്കൊരു സന്തോഷവാർത്തയുണ്ട്. മഹീന്ദ്ര അവരുടെ അതിശയിപ്പിക്കുന്ന ഇലക്ട്രിക് എസ്‌യുവി XUV 400 ഇവിയുടെ 2024 മോഡലിന് ലക്ഷക്കണക്കിന് രൂപയുടെ കിഴിവ് വാഗ്ദാനം ചെയ്യുന്നു. 2025 ഏപ്രിലിൽ മഹീന്ദ്ര XUV 400 EV വാങ്ങുമ്പോൾ, ഉപഭോക്താക്കൾക്ക് പരമാവധി നാല് ലക്ഷം രൂപ വരെ ലാഭിക്കാൻ കഴിയും. കിഴിവ് സംബന്ധിച്ച കൂടുതൽ വിവരങ്ങൾക്ക് ഉപഭോക്താക്കൾക്ക് അടുത്തുള്ള ഡീലർഷിപ്പുമായി ബന്ധപ്പെടാം.

ഈ വാഹനത്തിന്‍റെ പവർട്രെയിനിനെക്കുറിച്ച് പറയുകയാണെങ്കിൽ, മഹീന്ദ്ര XUV400 ഇവിയിൽ, ഉപഭോക്താക്കൾക്ക് 2 ബാറ്ററി പായ്ക്കുകളുടെ ഓപ്ഷൻ ലഭിക്കും. ആദ്യത്തേതിൽ 34.5kWh ബാറ്ററിയും രണ്ടാമത്തേതിൽ 39.4kWh ബാറ്ററിയും സജ്ജീകരിച്ചിരിക്കുന്നു. കാറിന്റെ എഞ്ചിൻ പരമാവധി 150 bhp കരുത്തും 310 Nm പീക്ക് ടോർക്കും ഉത്പാദിപ്പിക്കാൻ കഴിവുള്ള ഒരു ഇലക്ട്രിക് മോട്ടോറുമായി ഘടിപ്പിച്ചിരിക്കുന്നു. 34.5kWh ബാറ്ററി പായ്ക്കുള്ള മോഡലിന് ഫുൾ ചാർജിൽ 375 കിലോമീറ്റർ സഞ്ചരിക്കാൻ കഴിയും. ഫുൾ ചാർജിൽ 39.4kWh ബാറ്ററി പായ്ക്ക് ഉള്ള മോഡലിന്റെ സാക്ഷ്യപ്പെടുത്തിയ റേഞ്ച് 456 കിലോമീറ്ററാണെന്ന് കണക്കാക്കപ്പെടുന്നു.

കാറിന്റെ ഇന്റീരിയറിൽ, 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 10.25 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, ഡ്യുവൽ സോൺ എസി, സൺറൂഫ്, വയർലെസ് ഫോൺ ചാർജിംഗ് തുടങ്ങിയ സവിശേഷതകൾ ഉപഭോക്താക്കൾക്ക് ലഭിക്കുന്നു. ഇതിനുപുറമെ, സുരക്ഷയ്ക്കായി 6-എയർബാഗുകൾ, ഇലക്ട്രോണിക് സ്റ്റെബിലിറ്റി പ്രോഗ്രാം, ടയർ പ്രഷർ മോണിറ്ററിംഗ് സിസ്റ്റം, റിയർ പാർക്കിംഗ് ക്യാമറ തുടങ്ങിയ സവിശേഷതകളും കാറിലുണ്ട്. മഹീന്ദ്ര XUV400 ഇവിയുടെ പ്രാരംഭ എക്സ്-ഷോറൂം വില ഉയർന്ന മോഡലിന് 16.74 ലക്ഷം മുതൽ 17.69 ലക്ഷം രൂപ വരെയാണ്.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.