ഇപ്പോഴിതാ, നമ്മുടെ റോഡുകളിൽ പരീക്ഷിക്കുന്ന മഹീന്ദ്ര XUV300-ന്റെ ഇലക്ട്രിക് പതിപ്പിനെ കണ്ടെത്തിയതായി കാര്‍ ടോഖ് റിപ്പോര്‍ട്ട് ചെയ്യുന്നു. 

രാജ്യത്ത് ഇലക്ട്രിക് വാഹനങ്ങൾ ജനപ്രിയമാവുകയും കൂടുതൽ നിർമ്മാതാക്കൾ ഈ മേഖലയിലേക്ക് പ്രവേശിക്കുകയും ചെയ്യുന്ന സമായണിത്. നിലവിൽ ടാറ്റ നെക്‌സോൺ ഇവിയാണ് (Tata Nexon EV) ഇന്ത്യൻ വിപണിയിൽ ഏറ്റവുമധികം വിറ്റഴിക്കപ്പെടുന്ന ഇലക്ട്രിക്ക് കാര്‍. നെക്‌സോൺ ഇവിയുമായി മത്സരിക്കാൻ മഹീന്ദ്ര XUV300-ന്റെ ഇലക്ട്രിക് പതിപ്പിൽ പ്രവർത്തിക്കുകയാണെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു.

ഇപ്പോഴിതാ, നമ്മുടെ റോഡുകളിൽ പരീക്ഷിക്കുന്ന മഹീന്ദ്ര XUV300-ന്റെ ഇലക്ട്രിക് പതിപ്പിനെ കണ്ടെത്തിയതായി കാര്‍ ടോഖ് റിപ്പോര്‍ട്ട് ചെയ്യുന്നു. ടെസ്റ്റ് വാഹനത്തിന്‍റെ ചിത്രങ്ങൾ സോഷ്യല്‍ മീഡിയയില്‍ പ്രചരിക്കുന്നുണ്ട്. രണ്ട് വർഷം മുമ്പ് ഓട്ടോ എക്‌സ്‌പോയിൽ XUV300 എന്ന ഇലക്ട്രിക് വാഹന ആശയം മഹീന്ദ്ര പ്രദർശിപ്പിച്ചിരുന്നു. റേവ, ഇ2ഒ എന്നിവയുടെ രൂപത്തിൽ ഇലക്ട്രിക് വാഹനം അവതരിപ്പിച്ച ഇന്ത്യയിലെ ആദ്യത്തെ നിർമ്മാതാവാണ് മഹീന്ദ്രയെങ്കിലും, നിർമ്മാതാവിന് നിലവിൽ സ്വകാര്യ വാഹന വിഭാഗത്തിൽ ഇലക്ട്രിക് വാഹനമില്ല. എന്നാല്‍ XUV300 EV പുറത്തിറക്കുന്നതോടെ കാര്യങ്ങൾ മാറും.

ഇപ്പോള്‍ പുറത്തുവന്ന ചിത്രങ്ങൾ മറയ്‍ക്കപ്പെട്ട എസ്‌യുവിയെ വ്യക്തമായി കാണിക്കുന്നു. ബാഹ്യ രൂപകൽപ്പനയിൽ നിന്ന്, ഇത് മഹീന്ദ്ര XU300 ആണെന്ന് വ്യക്തമാണ്. ഇതൊരു ഇലക്ട്രിക് വാഹനമാണെന്ന് സ്ഥിരീകരിക്കുന്നത് ചിത്രങ്ങളിലൊന്നിലെ ഫ്രണ്ട് ഫെൻഡറിലെ ഒരു ലിഡ് ആണെന്ന് കാര്‍ ടോഖ് റിപ്പോര്‍ട്ട് ചെയ്യുന്നു. സാധാരണയായി, ഇലക്‌ട്രിക് കാറുകൾക്ക് ഫ്യുവൽ ലിഡ് കാണുന്ന സ്ഥലത്തോ മുൻ ഗ്രില്ലിലോ ചാർജിംഗ് പോർട്ട് ഉണ്ടായിരിക്കും. ഈ ടെസ്റ്റ് മ്യൂളിൽ, സ്ലോട്ട് ചാർജ് ചെയ്യുന്നതിനുള്ള ലിഡ് ഫ്രണ്ട് ഫെൻഡറിൽ സ്ഥാപിച്ചിരിക്കുന്നു, അത് വ്യത്യസ്തമാണ്.

ടെസ്റ്റിംഗ് പതിപ്പിന് സ്റ്റീൽ റിമ്മുകൾ ലഭിക്കുന്നു, എസ്‌യുവിയുടെ പിൻ രൂപകൽപ്പന ചെറുതായി പുനർരൂപകൽപ്പന ചെയ്‍തതായി തോന്നുന്നു. എക്‌സ്‌യുവി 300-ന്റെ ഇലക്ട്രിക് പതിപ്പിന് സാധാരണ പെട്രോൾ, ഡീസൽ എതിരാളികളെ അപേക്ഷിച്ച് അൽപ്പം നീളമുണ്ടാകാൻ സാധ്യതയുണ്ട്. എസ്‌യുവി പൂർണ്ണമായും പൊതിഞ്ഞതാണ്, ഈ എസ്‌യുവിയുടെ മുൻഭാഗം എങ്ങനെയുണ്ടെന്ന് ചിത്രങ്ങൾ കാണിക്കുന്നില്ല. എങ്കിലും, XUV300 EV-ക്ക് മഹീന്ദ്രയുടെ സിഗ്നേച്ചർ വെർട്ടിക്കൽ സ്ലാറ്റുകളോട് കൂടിയ കറുപ്പും ക്രോമും ഉള്ള പ്ലെയിൻ അല്ലെങ്കിൽ പൂർണ്ണമായും അടച്ച ഫ്രണ്ട് ഗ്രിൽ ലഭിക്കുമെന്നാണ് പ്രതീക്ഷിക്കുന്നത്.

XUV300 EV-യുമായി ബന്ധപ്പെട്ട വിവരങ്ങളൊന്നും മഹീന്ദ്ര ഇപ്പോൾ വെളിപ്പെടുത്തിയിട്ടില്ല. എന്നാൽ, 40 kWh ബാറ്ററി പാക്ക് ആയിരിക്കും ഇതിന് കരുത്ത് പകരുക, ഇത് ഏകദേശം 130 Bhp ഉൽപ്പാദിപ്പിക്കുകയും ഏകദേശം 300 കിലോമീറ്റർ ഡ്രൈവിംഗ് റേഞ്ച് ഉണ്ടായിരിക്കുകയും ചെയ്യും. മഹീന്ദ്ര XUV300 EV പുറത്തിറക്കുമ്പോൾ ടാറ്റ നെക്‌സോൺ EV, MG ZS EV എന്നിവയുമായി നേരിട്ട് മത്സരിക്കും. വാഹനത്തിന് തികച്ചും മത്സരാധിഷ്‍ഠിതമായി വില നിശ്ചയിച്ചേക്കാം.

മഹീന്ദ്ര അവരുടെ പുതിയ മോഡലുകൾക്ക് അടുത്തകാലത്തായി മത്സരാധിഷ്ഠിത വില വാഗ്ദാനം ചെയ്യുന്നത് പതിവാണ്. മഹീന്ദ്ര XUV300 EV യിലും ഇത് സംഭവിക്കുമെന്ന് പ്രതീക്ഷിക്കുന്നു. മഹീന്ദ്ര XUV300-ന്റെ ഇലക്ട്രിക് പതിപ്പ് 2023-ൽ വിപണിയിൽ അവതരിപ്പിക്കാൻ സാധ്യതയുണ്ട്. നിലവിൽ വാണിജ്യ വിഭാഗത്തിൽ മഹീന്ദ്ര ഇ-വെരിറ്റോ വാഗ്‍ദാനം ചെയ്യുന്നു. ഇതല്ലാതെ, നിർമ്മാതാവിന് അവരുടെ പോർട്ട്‌ഫോളിയോയിൽ മറ്റൊരു ഇലക്ട്രിക് വാഹനവുമില്ല. സാധാരണ KUV100 NXT യുടെ ഇലക്ട്രിക് പതിപ്പായ eKUV100 മഹീന്ദ്രയ്ക്കുണ്ട്. കെ‌യു‌വി 100 ന്റെ ഇലക്ട്രിക് പതിപ്പിന് 150 കിലോമീറ്റർ ഡ്രൈവിംഗ് റേഞ്ച് ഉണ്ട്. ചെറിയ ബാറ്ററി പായ്ക്ക് കാരണം സ്വകാര്യ ഉപഭോക്താക്കൾക്കായി മഹീന്ദ്ര eKUV100 അവതരിപ്പിക്കാതിരിക്കാനും ടാക്സി വിഭാഗത്തിലേക്ക് പരിമിതപ്പെടുത്താനും സാധ്യതയുണ്ട്. XUV300 ന് ശേഷം, ഇലക്ട്രിക് വിപണിയിലെ മറ്റ് പല നിർമ്മാതാക്കളും ഇപ്പോൾ ചെയ്യുന്നത് പോലെ മഹീന്ദ്രയും കൂടുതൽ ഇലക്ട്രിക് വാഹനങ്ങളുമായി വരുമെന്ന് പ്രതീക്ഷിക്കുന്നതായാണ് റിപ്പോര്‍ട്ടുകള്‍.