അമ്പരപ്പിക്കും മൈലേജുമായി പുത്തന്‍ എര്‍ടിഗ, ഇന്നോവയുടെ ഭാവി ഭയന്ന് ടൊയോട്ട!
ടൊയോട്ടയുടെ ഇന്നോവ ക്രിസ്റ്റക്കും മഹീന്ദ്രയുടെ മരാസോക്കുമൊക്കെ കനത്തവെല്ലുവിളി സൃഷ്‍ടിക്കുന്ന എര്‍ടിഗയുടെ പുത്തന്‍ പതിപ്പു കൂടി വിപണിയില്‍
മാരുതി സുസുക്കിയുടെ എര്‍ടിഗ എം പി വി സെഗ്മെന്‍റില്‍ മികച്ച വില്‍പ്പന നേടി മുന്നേറുകയാണ്. ടൊയോട്ടയുടെ ഇന്നോവ ക്രിസ്റ്റക്കും മഹീന്ദ്രയുടെ മരാസോക്കുമൊക്കെ കനത്തവെല്ലുവിളി സൃഷ്‍ടിക്കുന്ന വാഹനത്തിന്‍റെ സിഎന്‍ജി മോഡല്‍ കൂടി അവതരിപ്പിച്ചിരിക്കുകയാണ് ഇപ്പോള്‍ മാരുതി.
എര്‍ടിഗ സിഎന്‍ജി, എര്‍ടിഗ ടൂര്‍എം എന്നീ വേരിയന്റുകളാണ് സിഎന്‍ജി ഹൃദയവുമായി എത്തുക. 26.20 മൈലേജാണ് വാഹനത്തിന് കമ്പനി വാഗ്‍ദാനം ചെയ്യുന്ന മൈലേജ്. 8.83 ലക്ഷം രൂപ മുതലാണ് വാഹനത്തിന്‍റെ പ്രാരംഭംവില.
എര്‍ടിഗ പെട്രോള്‍ മോഡലിലെ 1.5 ലിറ്റര്‍ എന്‍ജിനാണ് ഈ വാഹനത്തിന്‍റെയും ഹൃദയം. പെട്രോള്‍ എന്‍ജിന്‍ 103.26 ബിഎച്ച്പി പവറും 138 എന്‍എം ടോര്‍ക്കും ഉത്പാദിപ്പിക്കുമ്പോള്‍ സിഎന്‍ജിന്‍ എഞ്ചിന്‍ 91 ബിഎച്ച്പി കരുത്തും 122 എന്‍എം ടോര്‍ക്കും സൃഷ്‍ടിക്കും. അഞ്ച് സ്‍പീഡ് മാനുവല്‍ ഗിയര്‍ബോക്സാണ് ട്രാന്‍സ്‍മിഷന്‍.
ഇന്‍റലിജെന്റ് ഇഞ്ചക്ഷന്‍ സിസ്റ്റം എന്ന സംവിധാനമാണ് സിഎന്‍ജി മോഡലില്‍. 60 ലിറ്ററാണ് ഫ്യുവല്‍ ടാങ്ക്. വാഹനത്തിലെ ഓട്ടോ ഫ്യൂവല്‍ സ്വിച്ചിന്റെ സഹായത്തോടെ സിഎന്‍ജിയില്‍ നിന്നും പെട്രോളിലേക്ക് മാറാനും സാധിക്കും.
സിഎന്‍ജി എഞ്ചിന്‍ നല്‍കിയതൊഴിച്ചാല്‍ റെഗുലര്‍ എര്‍ടിഗയില്‍ നിന്ന് ലുക്കിലും ഫീച്ചറുകളിലും മറ്റു മാറ്റങ്ങളൊന്നുമില്ല വാഹനത്തിന്. ടാക്‌സിക്ക് പുറമെ, സ്വകാര്യ ആവശ്യങ്ങള്‍ക്കും വാഹനത്തിന്‍റെ സിഎന്‍ജി പതിപ്പ് എത്തുമെന്നാണ് റിപ്പോര്‍ട്ടുകള്‍.
2012 ജനുവരിയിലാണ് ആദ്യ എര്‍ടിഗയെ മാരുതി അവതരിപ്പിച്ചത്. 2018 ഇന്തോനേഷ്യ മോട്ടോര്‍ ഷോയില്‍ ഇന്നോവ ക്രിസ്റ്റയുടെ രൂപഭാവങ്ങളോടെ അവതരിപ്പിച്ച എര്‍ട്ടിഗയുടെ പുതുതലമുറയെ 2018 നവംബറിലാണ് വിപണിയിലെത്തിക്കുന്നത്.
- Maruti Ertiga CNG
- Maruti Ertiga CNG Launched
- Maruti Ertiga CNG Price
- Maruti Ertiga CNG Review
- Maruti Ertiga CNG Mileage
- Ertiga CNG
- Ertiga Tour M CNG
- Ertiga Tour M CNG Price
- Ertiga Tour M CNG Review
- പുത്തന്‍ എര്‍ടിഗ
- എര്‍ടിഗ സിഎന്‍ജി
- എര്‍ടിഗ ടൂര്‍എം
- എര്‍ടിഗ ടൂര്‍എം സിഎന്‍ജി
- എര്‍ടിഗ ടൂര്‍എം സിഎന്‍ജി വില
- എര്‍ടിഗ സിഎന്‍ജി വില
- Toyota Innova
- Maruti Ertiga Vs Toyota Innova
- ഇന്നോവ
