നെഞ്ചോടുചേർത്തത് ഇത്രയും ലക്ഷം ടാക്സി ഡ്രൈവർമാർ, അമ്പരപ്പിച്ച് മാരുതി ടൂർ കാറുകൾ
ഈ വാണിജ്യ വാഹനങ്ങൾ ഉയർന്ന ഇന്ധനക്ഷമതയും വിശ്വാസ്യതയും വാഗ്ദാനം ചെയ്യുന്നുവെന്ന് കമ്പനി പറയുന്നു.
രാജ്യത്തെ ഫ്ലീറ്റ് ഉടമകൾക്കായുള്ള മാരുതി സുസുക്കിയുടെ വാണിജ്യ വാഹന ശ്രേണിയായ ടൂർ ശ്രേണി ഇന്ത്യയിൽ അഞ്ച് ലക്ഷം വിൽപ്പന എന്ന നാഴികക്കല്ല് പിന്നിട്ടു. മാരുതി സുസുക്കി ടൂർ ശ്രേണി ട്രാവൽ ആൻഡ് ടൂറിസം, ആപ്പ് അഗ്രഗേറ്ററുകൾ തുടങ്ങിയ സേവനങ്ങൾക്കിടയിൽ ജനപ്രിയമാണ്. ഈ വാണിജ്യ വാഹനങ്ങൾ ഉയർന്ന ഇന്ധനക്ഷമതയും വിശ്വാസ്യതയും വാഗ്ദാനം ചെയ്യുന്നുവെന്ന് കമ്പനി പറയുന്നു.
മാരുതി സുസുക്കി ടൂർ ശ്രേണിയിൽ അഞ്ച് മോഡലുകൾ ഉൾപ്പെടുന്നു. ടൂർ എച്ച്1 (ഓൾട്ടോ കെ10 പ്ലാറ്റ്‌ഫോമിനെ അടിസ്ഥാനമാക്കി), ടൂർ എച്ച്3 (വാഗൺ-ആർ പ്ലാറ്റ്‌ഫോമിനെ അടിസ്ഥാനമാക്കി), ടൂർ എസ് (ഡിസയർ പ്ലാറ്റ്‌ഫോമിനെ അടിസ്ഥാനമാക്കി), ടൂർ എം (എർട്ടിഗ പ്ലാറ്റ്‌ഫോമിനെ അടിസ്ഥാനമാക്കി), ടൂർ വി (ഇക്കോ പ്ലാറ്റ്‌ഫോമിനെ അടിസ്ഥാനമാക്കി). സ്പീഡ് ലിമിറ്റിംഗ് സിസ്റ്റം, ഗവൺമെൻ്റ് ചട്ടങ്ങൾ പാലിക്കൽ, സുരക്ഷിതമായ പ്രവർത്തനങ്ങൾ എന്നിവ ഉറപ്പാക്കൽ തുടങ്ങിയ അവശ്യ പ്രവർത്തനങ്ങളോടെയാണ് ടൂർ റേഞ്ച് വാഹനങ്ങൾ വരുന്നതെന്നും കമ്പനി പറയുന്നു.
ടൂർ ശ്രേണി സിഎൻജി പവർട്രെയിൻ എന്ന ഓപ്ഷനുമായാണ് വരുന്നത്. ഇത് പ്രവർത്തനച്ചെലവ് കുറയ്ക്കുന്നു. മാരുതി സുസുക്കി സ്മാർട്ട് ഫിനാൻസ് പ്രോഗ്രാമിലൂടെ മാരുതി ടൂർ ശ്രേണി എളുപ്പത്തിൽ വാങ്ങാം. ഈ ഫിനാൻസിംഗ് ഓപ്ഷൻ ടാക്സി ഉടമകൾക്ക് സൗകര്യപ്രദവും ആക്സസ് ചെയ്യാവുന്നതുമാണ്. ഇതുവഴി കുറഞ്ഞ പലിശ നിരക്കിൽ ടൂർ വാഹനങ്ങൾ സ്വന്തമാക്കാൻ സൗകര്യമൊരുക്കുന്നു. ഇത് ഫ്ലീറ്റ് മാനേജ്മെന്‍റ് ബിസിനസിലേക്ക് കടക്കാൻ വ്യക്തികളെ സഹായിക്കുന്നു. വ്യത്യസ്‌തവും വഴക്കമുള്ളതുമായ ഫിനാൻസിംഗ് ഓപ്‌ഷനുകൾ ഉപയോഗിച്ച്, ഭാവി വാങ്ങുന്നവർക്ക് നിരവധി ഫിനാൻസിംഗ് പങ്കാളികൾ മുഖേന അവരുടെ ലോൺ തുകയും ഡൗൺ പേയ്‌മെന്‍റും ഇഷ്‍ടാനുസൃതമാക്കാനും സാധിക്കും.
