രാജ്യത്ത് സെക്കന്ഡ് ഹാന്ഡ് വണ്ടികള് വിറ്റ് ലാഭം കൊയ്ത് മാരുതി
മാരുതി സുസുക്കിയുടെ യൂസ്ഡ് കാർ ബിസിനസ് സംരംഭമാണ് ട്രൂ വാല്യൂ. മികച്ച മുന്നേറ്റമാണ് രാജ്യത്ത് ഈ സംരംഭത്തിനെന്നാണ് റിപ്പോര്ട്ടുകള്. ട്രൂ വാല്യു വഴി 19 വര്ഷത്തിനിടെ 40 ലക്ഷം പ്രീ-ഉടമസ്ഥതയിലുള്ള കാറുകള് മാരുതി സുസുക്കി വിറ്റതായി ഫിനാന്ഷ്യല് എക്സ്പ്രസ് റിപ്പോര്ട്ട് ചെയ്യുന്നു. 2020-ലാണ് കമ്പനി ഈ നാഴികക്കല്ല് താണ്ടിയതെന്നാണ് റിപ്പോര്ട്ട്.
ഉപയോഗിച്ച കാര് ബിസിനസ്സിലേക്ക് 2001-ലാണ് കമ്പനി കടക്കുന്നത്. പിന്നീട് ട്രൂ വാല്യു 268 നഗരങ്ങളിലായി 550 ലധികം ഔട്ട്ലെറ്റുകളുടെ വിപുലമായ ശൃംഖല ഉപയോഗിച്ച് പാന്-ഇന്ത്യയിൽ പ്രവർത്തനം തുടങ്ങി.
ആളുകള് നിലവിലെ സാഹചര്യത്തില് വ്യക്തിഗത മൊബിലിറ്റിയിലേക്ക് ചുവടുമാറ്റം നടത്തികൊണ്ടിരിക്കുകയാണ്. പ്രീ-ഉടമസ്ഥതയിലുള്ള ബിസിനസ്സിലെ ശക്തമായ വില്പ്പനയ്ക്ക് കഴിഞ്ഞ കുറച്ച് വര്ഷങ്ങളായി വ്യക്തിഗത മൊബിലിറ്റിക്ക് ലഭിച്ച മുന്നേറ്റമാണ് വില്പ്പന ഉയരാൻ കാരണമെന്ന് കമ്പനി അറിയിച്ചു. ഒരു വര്ഷത്തെ വാറണ്ടിയും മൂന്നു സൗജന്യ സര്വീസുകളും ട്രൂ വാല്യു സര്ട്ടിഫൈഡ് കാറുകള്ക്ക് കമ്പനി നല്കുന്നു. 376 ചെക്ക് ഗുണനിലവാര വിലയിരുത്തല്, പുതുക്കല്, സര്ട്ടിഫിക്കേഷന് പ്രക്രിയ എന്നിവയ്ക്ക് ശേഷമാണ് കാറുകള് വില്ക്കുന്നത്.
രാജ്യത്തെ പ്രീ-ഉടമസ്ഥതയിലുള്ള കാര് വിപണി വളരെ അസംഘടിതമാണെന്നും, വിശ്വസനീയവും സുരക്ഷിതവും സുതാര്യവും, വില്പ്പന അനുഭവം നല്കുന്ന ബ്രാന്ഡുകള് വളരെ കുറവാണെന്നും മാരുതി സുസുക്കി ഇന്ത്യ ലിമിറ്റഡ് മാര്ക്കറ്റിംഗ് & സെയില്സ് എക്സിക്യൂട്ടീവ് ഡയറക്ടര് ശശാങ്ക് ശ്രീവാസ്തവ പറഞ്ഞു. പ്രീ-ഉടമസ്ഥതയിലുള്ള കാര് വാങ്ങുന്നവര്ക്ക് പുതിയ കാര് വാങ്ങുന്നവരുടെ അതേ അനുഭവം ലഭിക്കുന്നുണ്ടെന്ന് ഉറപ്പാക്കുന്നുണ്ടെന്നും അദ്ദേഹം കൂട്ടിച്ചേര്ത്തു.
നിലവില് രാജ്യത്തെ 280 നഗരങ്ങളിലായി 580ല് അധികം ട്രൂ വാല്യൂ യൂസ്ഡ് കാർ ഷോറൂമുകളാണു മാരുതിക്കുള്ളത്. കാറിന് വാറന്റിയും സർവീസ് പാക്കേജുകളുമൊക്കെയുണ്ട്. 376 കാര്യങ്ങൾ പരിശോധിച്ചാണ് കമ്പനി ട്രൂ വാല്യൂ സർട്ടിഫിക്കേഷൻ നൽകുന്നത്. ഡിജിറ്റലായതിനാല് കാറിന്റെ വിവരങ്ങളും ലഭ്യതയും ഉറപ്പാക്കിയശേഷം വാങ്ങാമെന്നതും ട്രൂ വാല്യുവിനെ ജനപ്രിയമാക്കുന്നു.
തടസ്സങ്ങളും ബുദ്ധിമുട്ടുമില്ലാതെ മികച്ച യൂസ്ഡ് കാറുകൾ സ്വന്തമാക്കാനുള്ള അവസരമാണു ട്രൂവാല്യൂ ലഭ്യമാക്കുന്നത്. ഉപയോഗിച്ച കാറുകൾ വാങ്ങാനുള്ള നടപടിക്രമം ലളിതമാക്കാൻ മാരുതി സുസുക്കി പരിഷ്കരിച്ച ട്രൂ വാല്യൂ മൊബൈൽ ആപ്ലിക്കേഷനും വെബ്സൈറ്റും അവതരിപ്പിച്ചിട്ടുണ്ട്. രാജ്യവ്യാപകമായി ട്രൂ വാല്യൂ ഷോറൂമുകളിൽ വിൽപ്പനയ്ക്കുള്ള കാറുകൾ കാണാനും ഇഷ്ടമുള്ള കാർ ടെസ്റ്റ് ഡ്രൈവ് ചെയ്യാനുള്ള അവസരവും മാരുതി സുസുക്കി ലഭ്യമാക്കുന്നുണ്ട്.
