കൊറിയന് ആധിപത്യം തകര്ക്കാന് പുതിയ തന്ത്രവുമായി മാരുതി!
കൊറിയന് കമ്പനികളുടെ ഇന്ത്യന് ആധിപത്യം തകർക്കാന് ബലേനോയെ അടിസ്ഥാനമാക്കി മാരുതിയുടെ പുതിയ തന്ത്രം
ഇന്ത്യൻ വിപണിക്കായി പുതിയൊരു കോംപാക്റ്റ് എസ്യുവിയുടെ പണിപ്പുരയിലാണ് മാരുതി സുസുക്കി എന്ന് റിപ്പോർട്ട്. ബലേനോ ഹാച്ച്ബാക്കിനെ അടിസ്ഥാനമാക്കിയാണ് വാഹനം എത്തുന്നതെന്നും പുതിയ മോഡലിന് YTB എന്ന രഹസ്യനാമം നൽകിയിട്ടുണ്ടെന്നും ഹിന്ദുസ്ഥാന് ടൈംസ് റിപ്പോര്ട്ട് ചെയ്യുന്നു.
ഇത് ഒരു കൂപ്പ് അല്ലെങ്കിൽ മിനി ക്രോസ്ഓവർ ആയി രൂപകൽപ്പന ചെയ്തേക്കാം. എർട്ടിഗയെ അടിസ്ഥാനമാക്കിയുള്ള എക്സ്എൽ 6 പോലെ, നിലവിലുള്ള ഒരു മോഡലിനെ അടിസ്ഥാനമാക്കി നൊപ്പം ഒരു പുതിയ ഉൽപ്പന്നം ഇറക്കുന്നതിനുള്ള സൂത്രവാക്യം രാജ്യത്തെ ഏറ്റവും വലിയ കാർ നിർമാതാവായ മാരുതിക്ക് അനുകൂലമാകുന്ന ഒരു തന്ത്രമാണെന്നും റിപ്പോര്ട്ടുകളുണ്ട്.
ഈ സെഗ്മെന്റില് ക്രെറ്റയുടെ വില്പ്പനയും എണ്ണത്തിൽ കുതിച്ചുയർന്നു. കിയയിൽ നിന്നുള്ള സെൽറ്റോസ് മറ്റൊരു വൻ വിജയമാണ്. എംപിവി സെഗ്മെന്റിൽ എക്സ് എൽ 6, എർട്ടിഗ എന്നിവയ്ക്ക് മികച്ച പ്രതികരണമാണെങ്കിലും കോംപാക്റ്റ് എസ്യുവി സെഗ്മെന്റിൽ എടുത്തു കാണിക്കാൻ മാരുതിക്ക് ഒന്നുമില്ല. ഹ്യുണ്ടായ് വെന്യു, കിയ സോണെറ്റ്, ടാറ്റ നെക്സോൺ, മഹീന്ദ്ര എക്സ് യു വി 300 എന്നിവയോട് ഏറ്റുമുട്ടാന് വിറ്റാര ബ്രെസ മാത്രമുള്ളതാണ് നിലവിൽ മാരുതിയുടെ എസ്യുവി ഉൽപ്പന്ന പ്രൊഫൈൽ. എല്ലാ ആകൃതിയിലും വലുപ്പത്തിലുമുള്ള എസ്യുവികൾക്കായുള്ള വർദ്ധിച്ചുവരുന്ന ആവശ്യം മാരുതിയുടെ കാർ പോർട്ട്ഫോളിയോ വികസിപ്പിക്കുന്നതിനുള്ള പ്രേരകശക്തിയായിരിക്കാം.
പുതിയ ബലേനോ അധിഷ്ഠിത മോഡലിലൂടെ സെഗ്മെന്റിലെ ഹ്യുണ്ടായിയുടെ ഉള്പ്പെടെയുള്ള കൊറിയന് കമ്പനികളുടെ ആധിപത്യം തകർക്കാമെന്നും മാരുതി കണക്കുകൂട്ടുന്നുണ്ടെന്നാണ് റിപ്പോര്ട്ടുകള്. വർഷങ്ങളായി മാരുതിയുടെ തർക്കമില്ലാത്ത ആധിപത്യത്തിനു പ്രാഥമിക കാരണം അവരുടെ ചെറിയ കാറുകളാണ്. താങ്ങാനാവുന്ന വിലയില് ഇവ മികച്ച മൈലേജ് വാഗ്ദാനം ചെയ്യുന്നു. ഇതേ തന്ത്രം തന്നെയായിരിക്കും മാരുതി ഈ സെഗ്മെന്റിലും പയറ്റുക.
അടുത്ത എസ്യുവി ബലേനോയെ അടിസ്ഥാനമാക്കിയുള്ളതാകാമെന്നതും മാരുതിക്ക് അനുകൂലമാകും. കാരണം ഈ സെഗ്മെന്റിലെ ശക്തമായ സാനിധ്യമാണ് ബലേനോ. മാത്രമല്ല കമ്പനിയുടെ നെക്സ ശൃംഖല വഴി പ്രീമിയം ഓഫറായും വാഹനം ലഭിക്കുന്നു. ഇതൊക്കെക്കൊണ്ടു തന്നെ ഏതുവിധേനയും, ഒരു പുതിയ കോംപാക്ട് എസ്യുവി മാരുതിക്ക് ഒരു വലിയ നേട്ടമായി മാറിയേക്കാം എന്നാണ് റിപ്പോര്ട്ടുകള്.