Asianet News MalayalamAsianet News Malayalam

കുറ്റവാളികള്‍ ഇനി പാടുപെടും, ആ കിടിലന്‍ കാറും ദുബായ് പൊലീസില്‍ ചേര്‍ന്നു!

പട്രോളിങ്ങ് കാറുകളുടെ ശ്രേണിയിലേക്ക് പുതിയ മെഴ്സിഡസ്-എ.എം.ജി. ജി.ടി. 63 എസിനെ കൂടി ചേര്‍ത്തിരിക്കുകയാണ് ദുബായ് പൊലീസ്

Mercedes AMG GT63s To Dubai Police Patrol Vehicle
Author
Dubai - United Arab Emirates, First Published Nov 26, 2019, 4:58 PM IST

ദുബായി പൊലീസിന്‍റെ വാഹനങ്ങള്‍ പലപ്പോഴും വാര്‍ത്തകളില്‍ ഇടം നേടുന്നത് അവയുടെ സ്‍മാര്‍ട്ട്നെസ് കൊണ്ടാണ്. പറക്കും ബൈക്ക് ഉള്‍പ്പെടെ അത്യാധുനിക സൗകര്യങ്ങളുള്ള പട്രോളിങ്ങ് വാഹനങ്ങളുടെ നീണ്ടനിര തന്നെയുണ്ട് ദുബായ് പൊലീസിന്.

ഇപ്പോഴിതാ പട്രോളിങ്ങ് കാറുകളുടെ ശ്രേണിയിലേക്ക് പുതിയ മെഴ്സിഡസ്-എഎംജി ജിടി 63 എസിനെ കൂടി ചേര്‍ത്തിരിക്കുകയാണ് ദുബായ് പൊലീസ്.  4.0 ലിറ്റര്‍ ട്വിന്‍ ടര്‍ബോ വി8 എഞ്ചിനാണ് ഈ കാറിന്‍റെ ഹൃദയം. ഒമ്പത് സ്‍പീഡ് ഓട്ടോമാറ്റിക്കാണ് ട്രാന്‍സ്‍മിഷന്‍. പൂജ്യത്തില്‍ നിന്നും 100 കിമീ വേഗമാര്‍ജ്ജിക്കാന്‍ വെറും 3.2 സെക്കന്‍ഡുകള്‍ മാത്രം മതി ഈ കാറിന്. മണിക്കൂറില്‍ 315 കിമീയാണ് പരമാവധിവേഗം. 

പുതിയ മെഴ്സിഡസ്-എഎംജി ജിടി 63 എസിന്‍റെ വരവോടെ പോലീസിലെ ആഡംബര പട്രോളിങ് വാഹനങ്ങളുടെ എണ്ണം 15 ആയെന്നാണ് റിപ്പോര്‍ട്ടുകള്‍. 

Follow Us:
Download App:
  • android
  • ios