MG ഗ്ലോസ്റ്റർ എസ്‌യുവിക്ക് വൻ കിഴിവ് പ്രഖ്യാപിച്ച് കമ്പനി. 5.5 ലക്ഷം രൂപ വരെ കിഴിവ് ലഭിക്കും. മാർച്ച് 31 വരെ ഈ ഓഫർ ലഭ്യമാണ്.

എംജി കമ്പനിയുടെ ഏറ്റവും വിലയേറിയതും ആഡംബരപൂർണ്ണവുമായ കാറാണ് ഗ്ലോസ്റ്റർ. ഈ എസ്‌‍യുവിയുടെ വിൽപ്പന കഴിഞ്ഞ മൂന്നു മാസമായി സ്ഥിരമായി നിലനിർത്തുന്നു. എങ്കിലും, ഈ കാറിന്റെ 100 യൂണിറ്റുകൾ മാത്രമേ എല്ലാ മാസവും വിൽക്കുന്നുള്ളൂ. കഴിഞ്ഞ മാസം 102 വാങ്ങുന്നവരെ ലഭിച്ചു. ഇത്തരമൊരു സാഹചര്യത്തിൽ, വിൽപ്പന വർദ്ധിപ്പിക്കുന്നതിനായി കമ്പനി ഈ മാസം ഗ്ലോസ്റ്റർ എസ്‍യുവിക്ക് 5.50 ലക്ഷം രൂപയുടെ വമ്പിച്ച കിഴിവ് വാഗ്ദാനം ചെയ്യുന്നു. ഇതിന്റെ എക്സ്-ഷോറൂം വില 38.80 ലക്ഷം രൂപയിൽ നിന്ന് ആരംഭിക്കുന്നു. മാർച്ച് 31 വരെ ഉപഭോക്താക്കൾക്ക് ഈ ഓഫറിന്റെ ആനുകൂല്യം ലഭിക്കും.

എംജി ഗ്ലോസ്റ്റർ സവിശേഷതകൾ
എംജി ഗ്ലോസ്റ്റർ 2WD, 4WD ഓപ്ഷനുകളിൽ വാങ്ങാം. ഇന്റർനെറ്റ് ഇൻസൈഡ് ബാഡ്ജിംഗ് മെറ്റൽ ബ്ലാക്ക്, മെറ്റൽ ആഷ് നിറങ്ങളിൽ ഹൈലൈറ്റ് ചെയ്തിരിക്കുന്നു. റൂഫ് റെയിലുകൾ, സ്മോക്ക്ഡ് ബ്ലാക്ക് ടെയിൽലൈറ്റുകൾ, വിൻഡോ സറൗണ്ടുകൾ, ഫെൻഡറുകൾ, ഫോഗ് ഗാർണിഷ് എന്നിവയിലേക്കും ഡാർക്ക് തീം മുന്നോട്ട് കൊണ്ടുപോകുന്നു. ഈ പ്രീമിയം എസ്‌യുവിക്ക് ചുവന്ന തുന്നലുകളുള്ള ഇരുണ്ട നിറത്തിലുള്ള ലെതറെറ്റ് സീറ്റ് അപ്ഹോൾസ്റ്ററി ലഭിക്കുന്നു.

ഈ പ്രീമിയം എസ്‌യുവിയിൽ ഡ്യുവൽ പനോരമിക് ഇലക്ട്രിക് സൺറൂഫ്, 12-വേ പവർ അഡ്ജസ്റ്റ് ചെയ്യാവുന്ന ഡ്രൈവർ സീറ്റ്, ഡ്രൈവർ സീറ്റ് മസാജ്, വെന്റിലേഷൻ സവിശേഷതകൾ കൂടാതെ സാൻഡ്, ഇക്കോ, സ്‌പോർട്, നോർമൽ, റോക്ക്, സ്നോ, മഡ് തുടങ്ങിയ ഓൾ-ടെറൈൻ റൈഡിംഗ് മോഡുകളും ഉണ്ട്. ബ്ലാക്ക്‌സ്റ്റോം വേരിയന്റിലും ഗ്ലോസ്റ്റർ വാങ്ങാം.

സുരക്ഷയ്ക്കായി, ഗ്ലോസ്റ്ററിൽ അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം (ADAS) നൽകിയിട്ടുണ്ട്, അതിൽ അഡാപ്റ്റീവ് ക്രൂയിസ് കൺട്രോൾ (ACC), ഓട്ടോമാറ്റിക് എമർജൻസി ബ്രേക്കിംഗ് (AEB), ഓട്ടോമാറ്റിക് പാർക്കിംഗ് അസിസ്റ്റ്, ഫോർവേഡ് കൊളിഷൻ വാണിംഗ് (FCW), ലെയ്ൻ ഡിപ്പാർച്ചർ വാണിംഗ് (LDW), ബ്ലൈൻഡ് സ്പോട്ട് ഡിറ്റക്ഷൻ (BCD), ഡോർ ഓപ്പൺ വാണിംഗ് (DOW), റിയർ ക്രോസ് ട്രാഫിക് അലേർട്ട് (RCTA), ലെയ്ൻ ചേഞ്ച് അസിസ്റ്റ് (LCA), ഡ്രൈവർ ഫാറ്റിഗ് റിമൈൻഡർ സിസ്റ്റം എന്നിവ ഉൾപ്പെടുന്നു.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.