428 കിമീ മൈലേജ്, ആ കാറിന്റെ ബുക്കിംഗും ഇന്ത്യയില് തുടങ്ങി ചൈനീസ് കമ്പനി!
കഴിഞ്ഞ വര്ഷം ചൈനീസ് മോട്ടോര്ഷോയില് വാഹനം അവതരിപ്പിച്ചിരുന്നു.
ചൈനീസ് വാഹന നിര്മ്മാതാക്കളായ SAIC മോട്ടോഴ്സിന്റെ കീഴിലുള്ള മോറിസ് ഗാരേജിന്റെ രണ്ടാമത്തെ വാഹനം ഇ ഇസഡ്എസ് ഇലക്ട്രിക്ക് ഇന്ത്യയിലേക്ക് എത്താനൊരുങ്ങുകയാണ്. വാഹനത്തിന്റെ ബുക്കിങ് ആരംഭിച്ചെന്നും ഡിസംബര് 5-ന് ഈ വാഹനം ഇന്ത്യയിലെത്തുമെന്നാണ് പുതിയ റിപ്പോര്ട്ട്.
ഇസഡ് എക്സ് എസ്.യു.വിയെ അടിസ്ഥാനപ്പെടുത്തിയുള്ള ഇലക്ട്രിക് എസ്.യു.വിയാണ് ഇ ഇസഡ്എസ്. കഴിഞ്ഞ വര്ഷം അവസാനം ചൈനീസ് മോട്ടോര്ഷോയില് വാഹനം അവതരിപ്പിച്ചിരുന്നു. ബ്രിട്ടണില് ഇ ഇസഡ്എസ് വില്പ്പനയിലുണ്ട്. 19.60 ലക്ഷം രൂപയ്ക്കാണ് വാഹനം ബ്രിട്ടണില് വില്പ്പനയ്ക്കെത്തിച്ചത്. അടുത്ത വര്ഷമാണ് വാഹനം കമ്പനി വിപണിയിലെത്തിക്കുന്നത്.
44.5 കിലോവാട്ട് ബാറ്ററിയാണ് വാഹനത്തിന്റെ ഹൃദയം. 150 എച്ച്പി കരുത്താണ് ഇതുല്പ്പാദിപ്പിക്കുക. പൂജ്യത്തില് നിന്ന് 100 കിലോമീറ്റര് വേഗത്തിലെത്താന് 8.2 സെക്കന്റുകള് മാത്രം മതി. ഒറ്റ ചാര്ജില് 335 കിലോമീറ്റര് വരെ സഞ്ചരിക്കാം. 60 കിലോമീറ്റര് വേഗ പരിധിയില് സഞ്ചരിച്ചാല് 428 കിലോമീറ്റര് വരെ ചാര്ജ് നില്ക്കും എന്നാണ് കമ്പനി പറയുന്നത്.
അരമണിക്കൂറിനകം 80 ശതമാനം വരെ ചാര്ജാകുന്ന ഫാസ്റ്റ് ചാര്ജിങ് ടെക്നോളജിയും വാഹനത്തിലുണ്ടാകും. അതിവേഗ ബാറ്ററി ചാര്ജിങ് സാധ്യമാക്കുന്ന റാപിഡ് ചാര്ജിങ് സാങ്കേതികവിദ്യയ്ക്കൊപ്പം അഡ്വാന്സ്ഡ് എമര്ജന്സി ബ്രേക്കിങ്, ബ്ലൈന്ഡ് സ്പോട്ട് മോണിറ്ററിങ്, ലെയ്ന് കീപ് അസിസ്റ്റ്, അഡാപ്റ്റീവ് ക്രൂസ് കണ്ട്രോള് തുടങ്ങിയ ഉള്പ്പെട്ട എംജി പൈലറ്റ് ഡ്രൈവര് അസിസ്റ്റന്സ് സ്യൂട്ടും വാഹനത്തെ വേറിട്ടതാക്കും. ലോകത്തിലെ തന്നെ ഏറ്റവും വലിയ ബാറ്ററി നിര്മാതാക്കളായ സിഎടിഎല് ആയിരിക്കും ഈ വാഹനത്തിനുള്ള ബാറ്ററികള് നിര്മിക്കുക.