കേന്ദ്രം പച്ചക്കൊടി കാട്ടി, 400 കിമീ ദൂരം ഇനി വെറും മൂന്നുമണിക്കൂറില്‍ ഓടിയെത്താം!
രാജ്യത്തെ ഈ രണ്ട് വ്യാവസായിക നഗരങ്ങളെ തമ്മില്‍ ബന്ധിപ്പിക്കുന്ന പുതിയ എക്സ്പ്രസ് വേയ്ക്ക് കേന്ദ്രം അംഗീകാരം നൽകിയതായും ഇത് യാത്രാ സമയം പകുതിയായി കുറയ്ക്കുമെന്ന് വാഗ്‍ദാനം ചെയ്യുന്നു എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
നാനൂറോളം കിലോമീറ്ററുകള്‍ തമ്മില്‍ ദൂരമുള്ള രാജ്യത്തെ രണ്ട് നഗരങ്ങളുടെ ഇടയിലുള്ള റോഡ് യാത്രയ്ക്ക് വെറും മൂന്നു മണിക്കൂര്‍ മാത്രമെടുക്കുക. കേള്‍ക്കുമ്പോള്‍ തന്നെ പല യാത്രികര്‍ക്കും അദ്ഭുതം തോന്നുന്നുണ്ടാകും. എന്നാല്‍ കാറ്റിന്‍റെ വേഗതയിലുള്ള ആ റോഡ് യാത്ര യാതാര്‍തഥ്യമാകാന്‍ ഒരുങ്ങുകയാണ്. ഉത്തര്‍പ്രദേശിലെ ഗാസിയാബാദിനും കാൺപൂരിനും ഇടയിലുള്ള യാത്രാസമയാണ് താമസിയാതെ കാറ്റിന്‍റെ വേഗതയിലേക്ക് ചുരുങ്ങുന്നത്.
Ola : അഞ്ച് നഗരങ്ങളിലെ ഈ കച്ചവടം ഒല അടച്ചുപൂട്ടുന്നു!
ഉത്തർപ്രദേശിലെ ഈ രണ്ട് വ്യാവസായിക നഗരങ്ങളെ ബന്ധിപ്പിക്കുന്ന പുതിയ എക്സ്പ്രസ് വേയ്ക്ക് കേന്ദ്രം അംഗീകാരം നൽകിയതായും ഇത് യാത്രാ സമയം പകുതിയായി കുറയ്ക്കുമെന്ന് വാഗ്‍ദാനം ചെയ്യുന്നു എന്നും ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. വരാനിരിക്കുന്ന ഗാസിയാബാദ്-കാൺപൂർ ഗ്രീൻഫീൽഡ് ഇക്കണോമിക് കോറിഡോറിന് ഏകദേശം 380 കിലോമീറ്റർ നീളമുണ്ട്. ഇത് രണ്ട് നഗരങ്ങൾക്കിടയിലുള്ള യാത്രാ സമയം മൂന്ന് മണിക്കൂറായി കുറയ്ക്കും.
ഗാസിയാബാദ്-കാൺപൂർ ഗ്രീൻഫീൽഡ് ഇടനാഴി ഗാസിയാബാദ്, ഹാപൂർ, ബുലന്ദ്ഷഹർ, അലിഗഡ്, കസ്ഗഞ്ച്, ഫറൂഖാബാദ്, കണ്ണൗജ്, ഉന്നാവോ, കാൺപൂർ എന്നിവ ഉൾപ്പെടുന്ന ഒമ്പത് ജില്ലകളിലൂടെ കടന്നുപോകും. നിലവിൽ കാൺപൂരിനെയും ഗാസിയാബാദിനെയും ബന്ധിപ്പിക്കുന്ന യമുന എക്‌സ്‌പ്രസ്‌വേയിൽ സഞ്ചരിക്കുന്ന യാത്രക്കാർക്ക് ഏകദേശം ആറ് മണിക്കൂർ എടുക്കും. അതേസമയം NH-9 ൽ യാത്ര ചെയ്യുന്നവർക്ക് കുറഞ്ഞത് എട്ട് മണിക്കൂറെങ്കിലും എടുക്കും.
“2019 സെപ്റ്റംബറിൽ കേന്ദ്ര റോഡ് ഗതാഗത, ഹൈവേ മന്ത്രി നിതിൻ ഗഡ്കരി ഗാസിയാബാദിനെ കാൺപൂരുമായി ബന്ധിപ്പിക്കുന്ന ഒരു സാമ്പത്തിക ഇടനാഴി പ്രഖ്യാപിച്ചു. രണ്ട് വ്യാവസായിക നഗരങ്ങൾക്കിടയിലുള്ള യാത്രാ സമയം കുറയ്ക്കുക എന്നതായിരുന്നു ആശയം. കഴിഞ്ഞ ആഴ്ച വ്യാഴാഴ്ചയാണ് ഇടനാഴിക്ക് മന്ത്രാലയം അനുമതി നൽകിയത്. 2025-ഓടെ ഇത് പൂർത്തിയാകാൻ സാധ്യതയുണ്ട്. ഈ ഗാസിയാബാദ്-കാൻപൂർ ഗ്രീൻഫീൽഡ് ഇടനാഴിയുടെ നീളം 380 കിലോമീറ്ററായിരിക്കും.." ഒരു മുതിർന്ന എൻഎച്ച്എഐ ഉദ്യോഗസ്ഥനെ ഉദ്ധരിച്ച് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
പദ്ധതി പ്രകാരം വരാനിരിക്കുന്ന ഗ്രീൻഫീൽഡ് ഇടനാഴി നാലുവരി എക്സ്പ്രസ് വേ ആയിരിക്കും. കലുങ്കുകളിലും അടിപ്പാതകളിലും ആറുവരിപ്പാതയാക്കി നീട്ടും. ഭാവിയിൽ എട്ടുവരിപ്പാതയാക്കാൻ സ്ഥലം വിട്ടുനൽകും.
“ഇത് അഭൂതപൂർവമായ സാമ്പത്തിക നേട്ടങ്ങൾ കൊണ്ടുവരും. ഇടനാഴി യാത്രാ സമയവും ചെലവും കുറയ്ക്കും. അത് നമ്മുടെ ലാഭത്തിൽ വലിയ സ്വാധീനം ചെലുത്തും. ഈ ഹൈവേ 30 വർഷം മുമ്പ് നിർമ്മിക്കേണ്ടതായിരുന്നു.." വ്യവസായികയും ഗാസിയാബാദ് ഇൻഡസ്ട്രീസ് ഫെഡറേഷന്റെ മുൻ വൈസ് പ്രസിഡന്റുമായ എസ് കെ മഹേശ്വരി പറഞ്ഞതായി ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
ഈ വണ്ടികള്‍ രജിസ്റ്റര്‍ ചെയ്യണമെങ്കില്‍ ഇനി കീശ കീറും, ഇതാ അറിയേണ്ടതെല്ലാം!
പുതിയ ഗാസിയാബാദ്-കാൺപൂർ ഗ്രീൻഫീൽഡ് ഇക്കണോമിക് കോറിഡോർ ഉത്തർപ്രദേശിന്റെ സംസ്ഥാനത്തിന്റെ വിവിധ ഭാഗങ്ങളെ ബന്ധിപ്പിക്കുന്ന ഹൈവേകളുടെയും എക്സ്പ്രസ് വേകളുടെയും ശ്രദ്ധേയമായ പട്ടികയിലേക്ക് ചേർക്കും. യമുന എക്‌സ്‌പ്രസ്‌വേ കൂടാതെ, ദില്ലിv-മീററ്റ് എക്സ്പ്രസ് വേ, ആഗ്രയെയും ലക്‌നൗവിനെയും ബന്ധിപ്പിക്കുന്ന താജ് എക്‌സ്‌പ്രസ്‌വേ, പൂർവാഞ്ചൽ എക്‌സ്‌പ്രസ്‌വേ തുടങ്ങിയ ഹൈസ്പീഡ് എക്സ്പ്രസ് വേകളും വരാനിരിക്കുന്ന മറ്റു പലതും സംസ്ഥാനത്തിനുണ്ട്.
ഈ വണ്ടികള്‍ ലൈംഗികബന്ധത്തിനുള്ള ഒളിയിടമാകുമോ?!
