ഐ 20ക്ക് ആക്സസറി കിറ്റുകളുമായി ഹ്യുണ്ടായി
എസെൻഷ്യോ പാക്ക്, പ്രീമിയം പാക്ക്, റേഡിയൻറ് പാക്ക് എന്നിങ്ങനെ മൂന്ന് ആക്സസറി
കിറ്റുകൾ അവതരിപ്പിച്ചെന്നാണ് കാര് വാലെ റിപ്പോര്ട്ട് ചെയ്യുന്നത്
അടുത്തിടെയാണ് ദക്ഷിണ കൊറിയന് വാഹന നിര്മ്മാതാക്കളായ ഹ്യുണ്ടായി പുത്തന് i20യെ പുറത്തിറക്കിയത്. 6.79 ലക്ഷം രൂപ ആയിരുന്നു വാഹനത്തിന്റെ എക്സ്-ഷോറൂം വില. ഇപ്പോഴിതാ ഹ്യുണ്ടായി പുതിയ i20 -യ്ക്കായി ആക്സസറി കിറ്റുകൾ അവതരിപ്പിച്ചെന്നാണ് റിപ്പോര്ട്ടുകള്. എസെൻഷ്യോ പാക്ക്, പ്രീമിയം പാക്ക്, റേഡിയൻറ് പാക്ക് എന്നിങ്ങനെ മൂന്ന് ആക്സസറി കിറ്റുകൾ അവതരിപ്പിച്ചെന്നാണ് കാര് വാലെ റിപ്പോര്ട്ട് ചെയ്യുന്നത്.
ഡോർ സൈഡ് മോൾഡിംഗ്, ഡോർ വൈസറിൽ ക്രോം ടച്ച്, ബമ്പർ കോർണർ പ്രൊട്ടക്റ്ററുള്ള റിയർ ബൂട്ട് ലിഡ്, സ്റ്റാൻഡേർഡ് ബോഡി കവർ എന്നിവ ഉൾക്കൊള്ളുന്ന ബാഹ്യ ഹൈലൈറ്റുകൾ എസെൻഷ്യോ പായ്ക്കിൽ വാഗ്ദാനം ചെയ്യുന്നു. ബൂട്ട് മാറ്റ്, ക്യാബിനായി 3D മാറ്റുകൾ, കറുത്ത സ്റ്റിയറിംഗ് വീൽ കവർ, മുൻ സീറ്റുകൾക്ക് നെക്ക് റെസ്റ്റ് കുഷ്യൻ, ഒരു കാർ പെർഫ്യൂം ക്യാൻ എന്നിവയും ഉൾപ്പെടുന്നു. 11,450 രൂപയാണ് ഈ ബേസ് പായ്ക്കിന്റെ വില.
പ്രീമിയം പായ്ക്ക് 20,559 രൂപയ്ക്ക് ലഭ്യമാണ്. പ്രീമിയം പായ്ക്കിൽ എസെൻഷ്യോ പാക്കിൽ നിന്നുള്ള ചില ഘടകങ്ങളും ഉൾപ്പെടുന്നു, നാല് വിൻഡോകൾക്കും ബ്ലാക്ക് & റെഡ് നിറത്തിലുള്ള സ്റ്റിയറിംഗ് വീൽ കവർ, മടക്കാവുന്ന സൺ ബ്ലൈൻഡറുകൾ, സ്റ്റാൻഡേർഡ് റേഞ്ച് സീറ്റ് കവറുകൾ, ഇരട്ട ലെയർ മാറ്റുകൾ എന്നിവ ലഭിക്കുന്നു.
25,552 രൂപയാണ് റേഡിയൻറ് പായ്ക്കിന്റെ വില. ഒവിആർഎമ്മുകൾ, ഹെഡ്ലൈറ്റുകൾ, ടെയിൽലാമ്പുകൾ, ഡ്യുവൽ-ടോൺ ഡോർ സ്കഫ് പ്ലേറ്റുകൾ എന്നിവയിൽ ബാഹ്യ ബോഡിക്ക് ക്രോം ഇൻസേർട്ടുകൾ നൽകുന്നു. ഇന്റീരിയറുകൾക്ക് പ്രീമിയം റേഞ്ച് സീറ്റ് കവറുകൾ, ഡിസൈനർ കാർപ്പറ്റ് മാറ്റുകൾ, ഒരു കാർ കെയർ കിറ്റ് എന്നിവയും ലഭിക്കും.
ഈ പ്രത്യേക കിറ്റുകൾ ഇന്ത്യയിലുടനീളമുള്ള എല്ലാ ഹ്യുണ്ടായി ഡീലർഷിപ്പുകളിലും ലഭ്യമാണ്.