ഒരുമിനിറ്റില്‍ ഓട്ടോ ഡ്രൈവറുടെ മുഖത്ത് യുവതി അടിച്ചത് 17 തവണ, പിന്നെ സംഭവിച്ചത്..!
ഡ്രൈവർ നിസ്സഹായനായി നിൽക്കുന്നതും വീഡിയോയിൽ കാണാം. സംഭവസ്ഥലത്ത് തടിച്ചുകൂടിയ കാഴ്ചക്കാരാരും യുവതിയെ തടയാൻ ശ്രമിച്ചില്ല
തന്റെ കാറില്‍ ഓട്ടോറിക്ഷ ഉരസി എന്നാരോപിച്ച് ഓട്ടോ ഡ്രൈവറെ ക്രൂരമായി മര്‍ദ്ദിച്ച് യുവതി. ഉത്തര്‍പ്രദേശിലെ നോയിഡയില്‍ നടന്ന സംഭവത്തിന്‍റെ വീഡിയോ ദൃശ്യങ്ങള്‍ സോഷ്യല്‍ മീഡിയയിലും ഇന്റർനെറ്റിലും വൈറലാകുകയാണ്.
ഉത്തർപ്രദേശിലെ നോയിഡ സെക്ടർ 110-ൽ ആണ് സംഭവം എന്നാണ് റിപ്പോര്‍ട്ടുകള്‍. വൈറലായ വീഡിയോയില്‍ ഓട്ടോ ഡ്രൈവറെ യുവതി ആവർത്തിച്ച് തല്ലുന്നത് കാണാം. ഒരു മിനിറ്റിനുള്ളിൽ യുവതി യുവാവിനെ 17 തവണയോളം തല്ലുന്നുണ്ട്. നോയിഡ സെക്ടർ 110 ഫേസ് 2 ഏരിയയിൽ വച്ച് വഴിയാത്രക്കാരാണ് വീഡിയോ ചിത്രീകരിച്ചത്.
ചെറിയ അപകടത്തിൽ രോഷാകുലയായ യുവതി കാറിൽ നിന്ന് ഇറങ്ങി, ഇ-റിക്ഷാ ഡ്രൈവറെ കോളറിൽ പിടിച്ച് ആക്രമിക്കാൻ തുടങ്ങുന്നതാണ് വീഡിയോയില്‍. അവര്‍ ഡ്രൈവറെ കോളറിൽ ചുറ്റി വലിച്ചു. അവൾ അവന്റെ പോക്കറ്റിൽ ഉണ്ടായിരുന്ന പണം തട്ടിയെടുക്കുകയും അവന്റെ ഷർട്ട് കീറാൻ ശ്രമിച്ചു. അവളുടെ കാറിലെ പോറലുകൾ കാണിക്കുകയും ചെയ്‍തു എന്നാണ് റിപ്പോര്‍ട്ടുകള്‍. കേടുപാടുകൾ കാണിക്കാൻ അവൾ ഇ-റിക്ഷാ ഡ്രൈവറെ കോളറിൽ പിടിച്ച് തന്റെ കാറിനടുത്തേക്ക് വലിച്ചിഴക്കുന്നു. റിക്ഷാ ഡ്രൈവറെ അധിക്ഷേപിച്ച് യുവതി ആക്രോശിക്കുന്നതും വീഡിയോയിൽ വ്യക്തമായി കേള്‍ക്കാം.
അതേസമയം ഇ-റിക്ഷാ ഡ്രൈവർ നിസ്സഹായനായി നിൽക്കുന്നതും വീഡിയോയിൽ കാണാം. സംഭവസ്ഥലത്ത് തടിച്ചുകൂടിയ കാഴ്ചക്കാരാരും യുവതിയെ തടയാൻ ശ്രമിച്ചില്ല. ഇ-റിക്ഷാ ഡ്രൈവർ ഒരു തരത്തിലുള്ള ചെറുത്തുനിൽപ്പും കാണിക്കുന്നുമില്ല. എന്നാൽ തന്നെ തല്ലരുതെന്ന് അയാൾ സ്ത്രീയോട് ആവശ്യപ്പെടുന്നതും കാണാം.
എന്നാല്‍ വീഡിയോ വൈറലായതോടെ ഇ-റിക്ഷാ ഡ്രൈവറെ തല്ലിയ യുവതിക്കെതിരെ നടപടിയെടുക്കണമെന്ന് സോഷ്യല്‍ മീഡിയയില്‍ പലരും ആവശ്യപ്പെട്ടു. ഇതോടെ വീഡിയോ പരിശോധിച്ച ശേഷം നോയിഡ പോലീസ് നടപടി സ്വീകരിച്ചു. മിറർ നൗവിന്റെ റിപ്പോർട്ട് അനുസരിച്ച്, ആഗ്ര സ്വദേശിയും നോയിഡയിൽ താമസിക്കുന്നതുമായ കിരൺ സിംഗ് ആണ് യുവതി എന്ന് തിരിച്ചറിഞ്ഞു. ഈ കേസിൽ ഇരയായ ഇ-റിക്ഷാ ഡ്രൈവർ മിഥുന്‍ യുവതിക്കെതിരെ പരാതിയും നൽകി. ഇതോടെ കിരൺ സിങ്ങിനെ നോയിഡ പൊലീസ് അറസ്റ്റും ചെയ്‍തു.
"ഈ കേസിൽ, ഇ ഡ്രൈവറുടെ പരാതിയിൽ, സ്ത്രീയെ പോലീസ് സ്റ്റേഷനിലേക്ക് കൊണ്ടുവന്നു. F റിക്ഷാ ഡ്രൈവറുടെ പരാതിയിൽ യുവതിക്കെതിരെ കേസെടുത്തു.. നിയമനടപടികൾ പുരോഗമിക്കുകയാണ്.." പൊലീസ് പറയുന്നു. അതേസമയം ഏതൊക്കെ വകുപ്പുകള്‍ അനുസരിച്ചാണ് യുവതിക്കെതിരെ കേസെടുത്തതെന്ന് പോലീസ് വെളിപ്പെടുത്തിയിട്ടില്ല. ഈ വീഡിയോയ്ക്ക് കീഴിൽ, ഭൂരിഭാഗം കമന്റുകളും സ്ത്രീക്കെതിരെ കർശന നടപടിയെടുക്കാൻ പോലീസിനോട് ആവശ്യപ്പെടുന്നു.
അതേസമയം ഇ-റിക്ഷാ ഡ്രൈവർ യുവതിയുടെ കാറിൽ ഇടിച്ചു എന്നതിന് തെളിവുകളൊന്നും ലഭ്യമല്ല. എന്നാല്‍ ഓട്ടോറിക്ഷ കാറിൽ ഉരസുകയോ ഇടിക്കുകയോ ചെയ്‍തിരുന്നെങ്കില്‍ പോലും, പ്രതികരിക്കാനുള്ള ശരിയായ മാർഗം ഇതായിരുന്നില്ല എന്നാണ് വീഡിയോ കാണുന്നവര്‍ പറയുന്നത്. ഇന്ത്യയിൽ ഇത്തരമൊരു സംഭവം റിപ്പോർട്ട് ചെയ്യുന്നത് ഇതാദ്യമല്ല. രാജ്യത്തിന്റെ വിവിധ ഭാഗങ്ങളിൽ നിന്ന് ദിവസേന നിരവധി റോഡുകളിലെ അതിക്രമ കേസുകൾ റിപ്പോർട്ട് ചെയ്യപ്പെടുന്നുണ്ട്. ഇത് ആരോഗ്യകരമായ ഒരു ശീലമല്ല. മറ്റ് റോഡ് ഉപയോക്താക്കളുമായി എന്തെങ്കിലും ഏറ്റുമുട്ടൽ ഒഴിവാക്കാൻ ശ്രമിക്കുന്നതാണ് നല്ലത്. നിങ്ങൾ അത്തരമൊരു സാഹചര്യത്തിലാണെങ്കിൽ, പോലീസുകാരെ വിളിക്കുക. നിങ്ങൾ കാറിലാണെങ്കിൽ പോലീസ് എത്തുന്നതുവരെ പുറത്തിറങ്ങരുത്. കഴിഞ്ഞ വർഷം ദില്ലിയിൽ നിന്നുള്ള ഒരു സ്ത്രീ ക്യാബ് ഡ്രൈവറെ തല്ലിയതിന് ക്യാമറയിൽ കുടുങ്ങിയിരുന്നു.
