എഐഎസ്-156 ഭേദഗതി 3 കംപ്ലയിന്റ് ബാറ്ററി പാക്ക്, അടുത്ത തലമുറ മോട്ടോർ, നൂതന കണക്റ്റിവിറ്റി സവിശേഷതകൾ തുടങ്ങിയ പരിഷ്കാരങ്ങളാണ് സ്കൂട്ടറില് വരുത്തിയിരിക്കുന്നത്. കൃത്യമായ പൊസിഷനിംഗ്, മികച്ച ഡ്രൈവിംഗ് അനുഭവം, എളുപ്പത്തിലുള്ള സർവീസ് എന്നിവയ്ക്കായി നവീകരിച്ച എൻകോഡർ അധിഷ്ഠിത മോട്ടോറുമായിട്ടാണ് സ്കൂട്ടർ ഇപ്പോൾ വരുന്നതെന്നും കമ്പനി പറയുന്നു.
ഇലക്ട്രിക് ഇരുചക്രവാഹന നിർമ്മാതാക്കളായ ഒകിനാവ ഓട്ടോടെക് തങ്ങളുടെ മുൻനിര ഇലക്ട്രിക് സ്കൂട്ടർ മോഡലായ ഓഖി-90ന്റെ പുതിയ പതിപ്പിനെ അവതരിപ്പിച്ചു. എഐഎസ്-156 ഭേദഗതി 3 കംപ്ലയിന്റ് ബാറ്ററി പാക്ക്, അടുത്ത തലമുറ മോട്ടോർ, നൂതന കണക്റ്റിവിറ്റി സവിശേഷതകൾ തുടങ്ങിയ പരിഷ്കാരങ്ങളാണ് സ്കൂട്ടറില് വരുത്തിയിരിക്കുന്നത്. കൃത്യമായ പൊസിഷനിംഗ്, മികച്ച ഡ്രൈവിംഗ് അനുഭവം, എളുപ്പത്തിലുള്ള സർവീസ് എന്നിവയ്ക്കായി നവീകരിച്ച എൻകോഡർ അധിഷ്ഠിത മോട്ടോറുമായിട്ടാണ് സ്കൂട്ടർ ഇപ്പോൾ വരുന്നതെന്നും കമ്പനി പറയുന്നു.
ബിൽറ്റ്-ഇൻ നാവിഗേഷൻ സിസ്റ്റം, ബ്ലൂടൂത്ത് കണക്റ്റിവിറ്റി, കോൾ, നോട്ടിഫിക്കേഷൻ അലേർട്ടുകൾ, ടൈം ഡിസ്പ്ലേ, മ്യൂസിക് നോട്ടിഫിക്കേഷനുകൾ എന്നിവയുള്ള നിറമുള്ള ഡിജിറ്റൽ സ്പീഡോമീറ്ററും നവീകരിച്ച ഓഖി-90-ൽ ഉണ്ട്. കൂടാതെ, ഇലക്ട്രിക് സ്കൂട്ടർ മൊബൈൽ ആപ്ലിക്കേഷൻ കണക്റ്റിവിറ്റി വാഗ്ദാനം ചെയ്യുന്നു. തത്സമയ ബാറ്ററി എസ്ഒസി നിരീക്ഷണം, തത്സമയ വേഗ നിരീക്ഷണം, ഓൺ/ഓഫ് അറിയിപ്പുകൾ എന്നിവയും ഉണ്ട്.
2023 ഓഖി-90 സ്കൂട്ടറിന് 175 എംഎം ഗ്രൗണ്ട് ക്ലിയറൻസാണ് ഉള്ളത്. ഓട്ടോ-കട്ട് ഫംഗ്ഷനോടുകൂടിയ മൈക്രോ ചാർജറും റീജനറേറ്റീവ് എനർജിയുള്ള ഇലക്ട്രോണിക്-അസിസ്റ്റഡ് ബ്രേക്കിംഗ് സിസ്റ്റവും (ഇ-എബിഎസ്) ഇതിലുണ്ട്. മണിക്കൂറിൽ 80 മുതല് 90 കിലോമീറ്റർ വേഗത കൈവരിക്കാൻ കഴിയുന്ന വാഹനത്തിന് 160 കിലോമീറ്റർ വരെ ചാർജ് ചെയ്യാം.
ജിപിഎസ് സെൻസിംഗ്, റിയൽ-ടൈം പൊസിഷനിംഗ്, ജിയോ ഫെൻസിങ്, ടേൺ-ബൈ-ടേൺ നാവിഗേഷൻ അസിസ്റ്റൻസ് എന്നിവയാണ് ഇലക്ട്രിക് സ്കൂട്ടറിൽ നിലവിലുള്ള ചില പ്രധാന സവിശേഷതകൾ. ഓകിനാവ കണക്ട് ആപ്പ് വഴി ഏത് മൊബൈലിലേക്കും സ്കൂട്ടർ ബന്ധിപ്പിക്കാൻ കഴിയും. അത് വിദൂരമായി നിയന്ത്രിക്കാൻ ഉപയോഗിക്കാം.
"ഇതെന്താ ഷോറൂമോ..?" ധോണിയുടെ ബൈക്ക് കണ്ട് ഞെട്ടി വെങ്കിടേഷ് പ്രസാദ്!
മെച്ചപ്പെട്ട സുരക്ഷയ്ക്കും ഉപയോഗക്ഷമതയ്ക്കുമായി ഇന്റലിജന്റ് ഫീച്ചറുകൾ നൽകുന്ന വ്യത്യസ്ത സെൻസറുകളുടെ സംയോജനമാണ് സ്കൂട്ടറിന് ലഭിക്കുന്നത്. ഇടുങ്ങിയ പാർക്കിംഗ് സ്ഥലങ്ങളിൽ നിന്ന് പുറത്തുകടക്കുമ്പോൾ എളുപ്പത്തിൽ പിന്നിലേക്ക് നീക്കാനും ഈ സവിശേഷത അനുവദിക്കുന്നു. സ്കൂട്ടര് പാർക്ക് ചെയ്തിരിക്കുമ്പോൾ വൈബ്രേഷനുകൾ മനസിലാക്കാനും അത് തകരാറിലാണോ എന്ന് കണ്ടെത്താനും കഴിയും. അത്തരം സന്ദർഭങ്ങളിൽ, ഒരു ആന്റി-തെഫ്റ്റ് അലാറം മുഴങ്ങുന്നു.
ഓഖി-90 2022 ൽ ആണ് ആദ്യമായി രാജ്യത്ത് അവതരിപ്പിക്കുന്നത്. നവീകരിച്ച ഓഖി-90 ഇലക്ട്രിക് സ്കൂട്ടറിന്റെ ഡെലിവറി ഈ വർഷം സെപ്റ്റംബർ മുതൽ ആരംഭിക്കും.
