Asianet News MalayalamAsianet News Malayalam

ഏറ്റവും വില കുറഞ്ഞ ഈ ഏഴ് സീറ്റർ കാറിന് ഇപ്പോൾ ബമ്പർ കിഴിവും, വില ആറുലക്ഷം മാത്രം

അടുത്ത ഏതാനും ദിവസങ്ങൾക്കുള്ളിൽ നിങ്ങൾ ഒരു പുതിയ 7 സീറ്റർ കാർ വാങ്ങാൻ പദ്ധതിയിടുകയാണെങ്കിൽ, നിങ്ങൾക്കൊരു സന്തോഷ വാർത്തയുണ്ട്. മാരുതി സുസുക്കി എർട്ടിഗയുമായി മത്സരിക്കുന്ന രാജ്യത്തെ ഏറ്റവും വിലകുറഞ്ഞ 7-സീറ്റർ കാറായ റെനോ ട്രൈബറിന് 2024 ജൂലൈ മാസത്തിൽ കമ്പനി ഒരു ബമ്പർ കിഴിവ് വാഗ്ദാനം ചെയ്യുന്നു

Renault Triber get massive discount in 2024 July
Author
First Published Jul 6, 2024, 4:32 PM IST

ഴിഞ്ഞ കുറച്ച് വർഷങ്ങളായി ഇന്ത്യൻ ഉപഭോക്താക്കൾക്കിടയിൽ സെവൻ  സീറ്റർ കാറുകളുടെ ഡിമാൻഡ് വർധിച്ചുവരികയാണ്. മാരുതി സുസുക്കി എർട്ടിഗ ഈ വിഭാഗത്തിൽ ആധിപത്യം തുടരുകയാണ്. അടുത്ത ഏതാനും ദിവസങ്ങൾക്കുള്ളിൽ നിങ്ങൾ ഒരു പുതിയ 7 സീറ്റർ കാർ വാങ്ങാൻ പദ്ധതിയിടുകയാണെങ്കിൽ, നിങ്ങൾക്കൊരു സന്തോഷ വാർത്തയുണ്ട്. മാരുതി സുസുക്കി എർട്ടിഗയുമായി മത്സരിക്കുന്ന രാജ്യത്തെ ഏറ്റവും വിലകുറഞ്ഞ 7-സീറ്റർ കാറായ റെനോ ട്രൈബറിന് 2024 ജൂലൈ മാസത്തിൽ കമ്പനി ഒരു ബമ്പർ കിഴിവ് വാഗ്ദാനം ചെയ്യുന്നു. ജൂലൈ മാസത്തിൽ റെനോ ട്രൈബർ വാങ്ങുന്നതിലൂടെ ഉപഭോക്താക്കൾക്ക് 40,000 രൂപ വരെ ലാഭിക്കാം. ഈ ഓഫറിൽ ക്യാഷ് ഡിസ്‌കൗണ്ട്, എക്‌സ്‌ചേഞ്ച് ബോണസ്, കോർപ്പറേറ്റ് ഡിസ്‌കൗണ്ട് എന്നിവയും ഉൾപ്പെടുന്നു. കിഴിവിനെക്കുറിച്ചുള്ള കൂടുതൽ വിവരങ്ങൾക്ക്, ഉപഭോക്താക്കൾക്ക് അവരുടെ അടുത്തുള്ള ഡീലർഷിപ്പുമായി ബന്ധപ്പെടാം. റെനോ ട്രൈബറിൻ്റെ സവിശേഷതകൾ, പവർട്രെയിൻ, വില എന്നിവയെക്കുറിച്ച് വിശദമായി നമുക്ക് പരിശോധിക്കാം.

റെനോ ട്രൈബറിന് 1.0 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിനാണുള്ളത്. കാറിൻ്റെ എഞ്ചിന് പരമാവധി 71 ബിഎച്ച്പി കരുത്തും 96 എൻഎം പരമാവധി ടോർക്കും സൃഷ്ടിക്കാൻ കഴിയും. കാറിൻ്റെ എഞ്ചിൻ 5-സ്പീഡ് മാനുവൽ, 5-സ്പീഡ് ഓട്ടോമാറ്റിക് ഗിയർബോക്‌സുമായി ഘടിപ്പിച്ചിരിക്കുന്നു. റെനോ ട്രൈബർ ലിറ്ററിന് 18 മുതൽ 19 കിലോമീറ്റർ വരെ മൈലേജ് നൽകുമെന്ന് കമ്പനി അവകാശപ്പെടുന്നു. റെനോ ട്രൈബറിൻ്റെ മുൻനിര മോഡലിന് ഇന്ത്യയിലെ പ്രാരംഭ എക്‌സ് ഷോറൂം വില ആറുലക്ഷം രൂപ മുതൽ 8.97 ലക്ഷം രൂപ വരെയാണ്.  

റെനോ ട്രൈബറിൻ്റെ ഇൻ്റീരിയറിൽ, ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റിയുള്ള 8 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം ലഭിക്കുന്നു. ഇതുകൂടാതെ, 7 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, വയർലെസ് ഫോൺ ചാർജർ, സ്റ്റിയറിംഗ് മൗണ്ടഡ് കൺട്രോളുകൾ, എസി വെൻ്റുകൾ, പുഷ് ബട്ടൺ സ്റ്റാർട്ട്-സ്റ്റോപ്പ്, കാർ ക്യാബിനിലെ സെൻ്റർ കൺസോളിൽ കൂൾഡ് സ്റ്റോറേജ് തുടങ്ങിയ സവിശേഷതകളും ഉപഭോക്താക്കൾക്ക് നൽകിയിട്ടുണ്ട്. ഇതുകൂടാതെ, സുരക്ഷയ്ക്കായി, റെനോ ട്രൈബറിന് നാല് എയർബാഗുകൾ, ടയർ പ്രഷർ മോണിറ്ററിംഗ് സിസ്റ്റമുള്ള റിയർ പാർക്കിംഗ് സെൻസർ എന്നിവയും നൽകിയിട്ടുണ്ട്.

ശ്രദ്ധിക്കുക, മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ പ്രാദേശിക ഡീലറെ സമീപിക്കുക. 

Latest Videos
Follow Us:
Download App:
  • android
  • ios