പുതിയ സർവ്വീസ് പാക്കേജുമായി റോയല്‍ എന്‍ഫീല്‍ഡ്
ഇന്ത്യയിലെ ഉപഭോക്താക്കൾ‌ക്കായി പുതിയ സർവ്വീസ് പാക്കേജ് പ്രഖ്യാപിച്ച് ഐക്കണിക്ക് ഇരുചക്ര വാഹന നിര്‍മ്മാതാക്കളായ റോയൽ എൻ‌ഫീൽ‌ഡ്
ഇന്ത്യയിലെ ഉപഭോക്താക്കൾ‌ക്കായി പുതിയ സർവ്വീസ് പാക്കേജ് പ്രഖ്യാപിച്ച് ഐക്കണിക്ക് ഇരുചക്ര വാഹന നിര്‍മ്മാതാക്കളായ റോയൽ എൻ‌ഫീൽ‌ഡ്. 'സർവീസ് കെയർ 24' എന്ന പാക്കേജ് പ്രകാരം ആദ്യത്തെ സർവ്വീസ് സൗജന്യമായിരിക്കും എന്ന് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. തുടർന്ന് നാല് ജനറൽ സർവ്വീസുകളും രണ്ട് എഞ്ചിൻ ഓയിൽ മാറ്റങ്ങളും വാഗ്ദാനം ചെയ്യുന്നു.
ഈ പാക്കേജിനായി 2,499 രൂപയാണ് ഉടമ മുടക്കേണ്ടത്. എല്ലാ നികുതികളും ഉൾപ്പെടെയാണ് ഈ തുക. സർവ്വീസിനിടയിൽ കൂടുതൽ തകരാറുകൾ കണ്ടുപിടിച്ചാലും പുതിയ പദ്ധതി പ്രകാരം ഇളവുകളും ലഭിക്കും. അധിക അറ്റകുറ്റപ്പണികൾ വേണ്ടിവന്നാൽ വാഹനഭാഗങ്ങൾക്കും ലൂബ്രിക്കൻറുകൾക്കും അഞ്ച് ശതമാനം കിഴിവാണ് നൽകുക. ഇതോടൊപ്പം 20 ശതമാനം ലേബർ കോസ്റ്റും ലാഭിക്കാം. സേവനം ലഭിക്കുന്നതിനായി ഉപഭോക്താക്കൾക്ക് ഓൺലൈനിൽ രജിസ്റ്റർ ചെയ്യാം.
കോവിഡ് ലോക്ഡൗണിനുശേഷം സാധാരണ നിലയിലേക്ക് മടങ്ങിവരുന്ന വാഹന വിപണിക്ക് ഉണർവ്വ് പകരാനാണ് റോയൽ പുതിയ പദ്ധതി പ്രഖ്യാപിച്ചത്. പുതിയ സാമ്പത്തിക പദ്ധതികളിലൂടെ വാഹനം വാങ്ങുന്നവരെ ആകർഷിക്കാനും നിലവിലുള്ളവരെ നിലനിർത്താനുമാണ് മറ്റ് പല നിര്‍മ്മാതാക്കളെയും പോലെ റോയല്‍ എന്‍ഫീല്‍ഡിന്‍റെയും ശ്രമം.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
