Asianet News MalayalamAsianet News Malayalam

റോയൽ എൻഫീൽഡിന് അനുഗ്രഹമായി ഈ ബുള്ളറ്റ്

കഴിഞ്ഞ മാസം ആഭ്യന്തര വിപണിയിലെ വിൽപ്പന 75,137 യൂണിറ്റായിരുന്നു, 2022 നവംബറിൽ വിറ്റ 65,760 യൂണിറ്റുകളിൽ നിന്ന് 14.26 ശതമാനം വർധന. എന്നിരുന്നാലും, 2023 ഒക്ടോബറിൽ വിറ്റ 80,958 യൂണിറ്റുമായി താരതമ്യം ചെയ്യുമ്പോൾ 7.19 ശതമാനം ഇടിവാണ് ഇത്.

Royal Enfield Bullet 350 sales report in 2023 November
Author
First Published Dec 17, 2023, 5:55 PM IST

രാജ്യത്തെ ഐക്കണിക്ക് ഇരുചക്ര വാഹന ബ്രാൻഡായ റോയൽ എൻഫീൽഡ് ആഭ്യന്തര വിൽപ്പനയിലും കയറ്റുമതിയിലും മികച്ച വാർഷിക വളർച്ച രേഖപ്പെടുത്തി. ആഭ്യന്തര, ആഗോള വിപണികളിലെ വിൽപ്പനയെ സംബന്ധിച്ചിടത്തോളം, 350 സിസി സെഗ്‌മെന്റിൽ കമ്പനി ആധിപത്യം നിലനിർത്തി. അതേസമയം 650 ഇരട്ടകളും ഗണ്യമായ വളർച്ചയ്ക്ക് സാക്ഷ്യം വഹിച്ചു.

കഴിഞ്ഞ മാസം ആഭ്യന്തര വിപണിയിലെ വിൽപ്പന 75,137 യൂണിറ്റായിരുന്നു, 2022 നവംബറിൽ വിറ്റ 65,760 യൂണിറ്റുകളിൽ നിന്ന് 14.26 ശതമാനം വർധന. എന്നിരുന്നാലും, 2023 ഒക്ടോബറിൽ വിറ്റ 80,958 യൂണിറ്റുമായി താരതമ്യം ചെയ്യുമ്പോൾ 7.19 ശതമാനം ഇടിവാണ് ഇത്.

റോയൽ എൻഫീൽഡ് ക്ലാസിക് 350 യുടെ വിൽപ്പന 2022 നവംബറിൽ വിറ്റ 26,702 യൂണിറ്റിൽ നിന്ന് 13.34 ശതമാനം വർധിച്ച് 30,264 യൂണിറ്റായി. ക്ലാസിക് 350 2023 നവംബറിൽ 40.28 ശതമാനം വിഹിതത്തോടെ 3,562 യൂണിറ്റുകളുടെ വോളിയം വളർച്ച രേഖപ്പെടുത്തി. എന്നിരുന്നാലും പ്രതിമാസ വിൽപ്പന 2023 ഒക്ടോബറിൽ വിറ്റ 31,897 യൂണിറ്റുകളിൽ നിന്ന് 5.12 ശതമാനം കുറഞ്ഞു.

ബുള്ളറ്റ് 350 ആണ് അക്ഷരാര്‍ത്ഥത്തിൽ കമ്പനിക്ക് രക്ഷകനായത്. 2022 നവംബറിൽ വിറ്റ 12,381 യൂണിറ്റുകളിൽ നിന്ന് 2023 നവംബറിൽ 17,450 യൂണിറ്റുകളായി വർധിച്ചു. 40.94 ശതമാനമാണ് വർധന. 2023 ഒക്ടോബറിൽ വിറ്റ 14,296 യൂണിറ്റുകളിൽ നിന്ന് 22.06 ശതമാനം വളർച്ചയോടെ പ്രതിമാസ വിൽപ്പനയും മികച്ചതായിരുന്നു. പ്രതിമാസ അടിസ്ഥാനത്തിൽ അതിന്‍റെ വിഹിതം 17.66 ശതമാനത്തിൽ നിന്ന് 23.22 ശതമാനമായി ഉയർന്നു.

ഹണ്ടർ 350 വിൽപന 2023 ഒക്‌ടോബറിൽ 9.06 ശതമാനവും പ്രതിമാസ വിൽപന 20.05 ശതമാനവും കുറഞ്ഞ് 14,176 യൂണിറ്റിലെത്തി. അതേസമയം മെറ്റിയോർ 350 വിൽപന 4.64 ശതമാനം വർധിച്ച് 8,051 യൂണിറ്റിലെത്തി. നവംബറിൽ വിറ്റ 7,69202 യൂണിറ്റുകളിൽ നിന്നാണ് ഈ വളർച്ച. ഹിമാലയൻ വിൽപ്പന 14.47 ശതമാനം ഇടിഞ്ഞു. ഹിമാലയന്‍റെ പ്രതിമാസ വിൽപ്പന 38.38 ശതമാനം ഇടിഞ്ഞ് 1,814 യൂണിറ്റിലെത്തി.

ഇന്ത്യൻ വിപണിയുടെ ഏറ്റവും വലിയ ആവശ്യം തൊട്ടറിഞ്ഞ് ചൈനീസ് കമ്പനി; ടെസ്‌ലയെ പോലും വെല്ലുവിളിക്കുന്ന വീരൻ

കഴിഞ്ഞ മാസം 1,270 യൂണിറ്റ് സൂപ്പർ മെറ്റിയോർ വിറ്റു. ആഭ്യന്തര വിപണിയിൽ റോയൽ എൻഫീൽഡ് 650 ഇരട്ടകൾക്ക് ഡിമാൻഡ് വർധിച്ചു. 2022 നവംബറിൽ വിറ്റ 1,274 യൂണിറ്റിൽ നിന്ന് 65.78 ശതമാനം വർധിച്ച് 2,112 യൂണിറ്റായി. 2023 ഒക്ടോബറിൽ വിറ്റ 1,746 യൂണിറ്റുകളെ അപേക്ഷിച്ച് പ്രതിമാസ വിൽപ്പനയിൽ 20.96 ശതമാനം വളർച്ചയുണ്ടായി.

അതേസമയം കമ്പനിയുടെ പ്രതിമാസ കയറ്റുമതി നഷ്‍ടത്തിലാണ്. 2023 നവംബറിൽ റോയൽ എൻഫീൽഡ് 80,251 യൂണിറ്റുകളുടെ മൊത്തം വിൽപ്പന (ആഭ്യന്തരവും കയറ്റുമതിയും) രേഖപ്പെടുത്തി. ആഭ്യന്തര വിപണിയിൽ 75,137 യൂണിറ്റുകൾ വിറ്റപ്പോൾ 5,114 യൂണിറ്റുകൾ കയറ്റുമതി ചെയ്‍തു. 

youtubevideo

Follow Us:
Download App:
  • android
  • ios