ഇനിയാക്കിന്റെ ഇന്റീരിയര്‍ വിവരങ്ങളുമായി സ്കോഡ
ചെക്ക് ആഡംബര വാഹന നിര്‍മ്മാതാക്കളായ സ്‌കോഡയുടെ ഇനിയാക്ക് ഇലക്ട്രിക്ക് എസ്യുവിയുടെ ഇന്റരിയര്‍ ടീസർ ചിത്രം കമ്പനി പുറത്തുവിട്ടു.
ചെക്ക് ആഡംബര വാഹന നിര്‍മ്മാതാക്കളായ സ്‌കോഡയുടെ ഇനിയാക്ക് ഇലക്ട്രിക്ക് എസ്യുവിയുടെ ഇന്റരിയര്‍ ടീസർ ചിത്രം കമ്പനി പുറത്തുവിട്ടു. ഇന്റീരിയറുകൾ പൂർത്തിയാക്കാൻ ആദ്യമായി ഒലിവ് എക്സ്ട്രാക്റ്റ് ഉപയോഗിച്ച് ലെതർ ടാൻ ചെയ്‍ത വസ്തുക്കൾ ഉപയോഗിക്കുമെന്നാണ് കമ്പനി പറയുന്നത്.
ക്യാബിൻ നിർമ്മാണത്തിൽ ഒലിവ് എക്സ്ട്രാക്റ്റ് ഉപയോഗിച്ച് ലെതർ ടാൻ ചെയ്‍തതുപോലുള്ള മറ്റ് ഘടകങ്ങൾക്കും സുസ്ഥിര വസ്തുക്കൾ സ്കോഡ ഉപയോഗിക്കും. വലിയ ലഗേജ് ശേഷിയും ബാറ്ററികളും ഉണ്ടായിരുന്നിട്ടും താമസക്കാർക്ക് മതിയായ ഇടം ക്യാബിൻ വാഗ്ദാനം ചെയ്യുന്നു.
ഒരു ചെറിയ ഫ്രണ്ട് സെക്ഷനും നീളമേറിയ മേൽക്കൂര ലൈനും ഇന്റീരിയർ സ്പേസ് വാഗ്ദാനം ചെയ്യുമ്പോൾ ചലനാത്മക പുറംമോടിയാണ് സ്കോഡ ഒരുക്കുന്നത്. 13 ഇഞ്ച് സെൻട്രൽ സ്‌ക്രീനും ഹെഡ്-അപ്പ് ഡിസ്‌പ്ലേയുമാണ് എസ്യുവിയുടെ അകത്തളത്തിൽ അണിനിരക്കുന്നത്.
മാതൃ കമ്പനിയായ ഫോക്‌സ് വാഗണ്‍ ഗ്രൂപ്പിന്റെ എംഇബി പ്ലാറ്റ്‌ഫോമില്‍ നിര്‍മിക്കുന്ന ആദ്യ സ്കോഡ മോഡല്‍ കൂടിയാണ് ഇനിയാക്ക്. മൂന്ന് വ്യത്യസ്ത ബാറ്ററി ശേഷികളിലും അഞ്ച് പവര്‍ വേരിയന്റുകളിലുമായിരിക്കും സ്കോഡ ഇനിയാക്ക് വിപണിയിലെത്തുക.
സൂപ്പര്‍ബ് ഐവി, ഒക്ടാവിയ ആര്‍എസ് ഐവി, സിറ്റിഗോ ഐവി എന്നീ മോഡലുകള്‍ക്കൊപ്പം സ്‌കോഡയുടെ മ്ലാഡ ബോളെസ്ലാഫ് പ്ലാന്റിലായിരിക്കും ഇനിയാക്ക് നിര്‍മിക്കുന്നത്. വളരെക്കാലത്തിനുശേഷം റിയര്‍ വീല്‍ ഡ്രൈവ് (ആര്‍ഡബ്ല്യുഡി) സംവിധാനത്തില്‍ വരുന്ന ആദ്യ സ്കോഡ കാറാണ് ഇനിയാക്ക്. മുന്നിലെ ആക്‌സിലില്‍ മറ്റൊരു ഇലക്ട്രിക് മോട്ടോര്‍ നല്‍കി ഓള്‍ വീല്‍ ഡ്രൈവ് (എഡബ്ല്യുഡി) വേര്‍ഷനിലും സ്കോഡ ഇനിയാക്ക് ലഭിക്കും.
ഐവി50 (55 കിലോവാട്ട് അവര്‍, 340 കിമീ റേഞ്ച്), ഐവി60 (62 കിലോവാട്ട് അവര്‍, 390 കിമീ റേഞ്ച്), ഐവി80 (82 കിലോവാട്ട് അവര്‍, 500 കിമീ റേഞ്ച്) എന്നീ മൂന്ന് വേര്‍ഷനുകളില്‍ സ്കോഡ ഇനിയാക്ക് വിപണിയിലെത്തിക്കും. ഐവി80 അടിസ്ഥാനമാക്കിയാണ് 80, വിആര്‍എസ് എന്നീ രണ്ട് എഡബ്ല്യുഡി വകഭേദങ്ങള്‍ നിര്‍മിക്കുന്നത്. വിആര്‍എസ് എന്ന ഹൈ പെര്‍ഫോമന്‍സ് വകഭേദത്തിന് നൂറ് കിലോമീറ്റര്‍ വേഗമാര്‍ജിക്കാന്‍ 6.2 സെക്കന്‍ഡ് മതിയാകും. മണിക്കൂറില്‍ 180 കിലോമീറ്ററായിരിക്കും ടോപ് സ്പീഡ്. 460 കിലോമീറ്റര്‍ റേഞ്ച് ലഭിക്കും.
ജീവന്റെ ഉറവിടം എന്നര്‍ത്ഥം വരുന്ന ഐറിഷ് പേരായ ഇനിയ എന്ന വാക്കും സ്‌കോഡയുടെ നിലവിലുള്ള കംപസ്റ്റിയന്‍ എസ്‌യുവി നിരകളിലെ ‘ക്യു’ എന്ന അക്ഷരം കൂടി കടമെടുത്താണ് സ്കോഡ ബ്രാന്‍ഡിലുള്ള ഇവി മോഡലിന് ഇനിമായ ഇനിയാക് എന്ന പേര് നല്‍കിയിരിക്കുന്നത്. പേരിലെ ആദ്യ അക്ഷരം ഇലക്ട്രിക് എന്നതിനെ കൂടി സൂചിപ്പിക്കുന്നുവെന്നും കമ്പനി നേരത്തെ വ്യക്തമാക്കിയിരുന്നു. ഇനിയാക്കിന്റെ ആദ്യാവതരണം സെപ്‍തംബറില്‍ പ്രാഗില്‍ നടന്നേക്കും എന്നാണ് റിപ്പോര്‍ട്ടുകള്‍.
