Skoda Kushaq : സ്കോഡ കുഷാക്ക് വില 70,000 രൂപ വരെ വർധിപ്പിച്ചു
ഏറ്റവും ഉയർന്ന ശ്രേണിയിലുള്ള കുഷാക്ക് മോണ്ടെ കാർലോ പതിപ്പ് മെയ് 9 ന് അവതരിപ്പിക്കാൻ ഒരുങ്ങുന്നതിന് ദിവസങ്ങൾക്ക് മുമ്പാണ് വിലയിൽ വർദ്ധനവ്.
സ്കോഡയുടെ മുൻനിര കോംപാക്ട് എസ്‌യുവി കുഷാക്കിന്റെ വില വർധിപ്പിച്ചു. കമ്പനിയുടെ ഔദ്യോഗിക വെബ്‌സൈറ്റിൽ വില ലിസ്റ്റ് അപ്‌ഡേറ്റ് ചെയ്‍തതായിട്ടാണ് റിപ്പോര്‍ട്ടുകള്‍. ഇതനുസരിച്ച് ചില വകഭേദങ്ങൾക്ക് 70,000 രൂപ വരെ വർദ്ധനവ് കാണിക്കുന്നതായി ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു. ഹ്യുണ്ടായ് ക്രെറ്റ , കിയ സെൽറ്റോസ് എന്നിവയ്ക്ക് എതിരാളിയായി സ്കോഡ കഴിഞ്ഞ വർഷം ജൂണിൽ ആണ് കുഷാക്ക് എസ്‌യുവി പുറത്തിറക്കിയിയത്. ഏറ്റവും ഉയർന്ന ശ്രേണിയിലുള്ള കുഷാക്ക് മോണ്ടെ കാർലോ പതിപ്പ് മെയ് 9 ന് കമ്പനി അവതരിപ്പിക്കാൻ ഒരുങ്ങുന്നതിന് ദിവസങ്ങൾക്ക് മുമ്പാണ് വിലയിൽ വർദ്ധനവ്.
സ്കോഡ പുറത്തിറക്കിയ പുതിയ വില പട്ടിക പ്രകാരം, മാനുവൽ ട്രാൻസ്മിഷനോട് കൂടിയ 1.0 ലിറ്റർ TSI പെട്രോൾ എൻജിൻ നൽകുന്ന എൻട്രി ലെവൽ ആക്റ്റീവ് വേരിയന്റിന് കുഷാക്കിന് 30,000 രൂപ വില കൂടും. ലോഞ്ച് വില 10.49 ലക്ഷം രൂപ (എക്സ്-ഷോറൂം) ആയിരുന്നപ്പോൾ, വില നേരത്തെ 50,000 രൂപ മുതൽ 10.99 ലക്ഷം രൂപ വരെ (എക്സ്-ഷോറൂം) വർധിപ്പിച്ചിരുന്നു. മാനുവൽ വേരിയന്റുകളിൽ, കുഷാക്കിന്റെ 1.5 ലിറ്റർ സ്റ്റൈൽ വേരിയന്റിന് 70,000 രൂപ വർദ്ധനയോടെ 17.19 ലക്ഷം രൂപ (എക്സ്-ഷോറൂം) വിലവരും.
Skoda : മികച്ച വില്‍പ്പനയുംമായി സ്കോഡ ഇന്ത്യ
കുഷാക്കിന്റെ ഓട്ടോമാറ്റിക് വേരിയന്റുകളിൽ, 1.0 ലിറ്റർ ആംബിഷൻ വേരിയന്റിൽ നിന്നാണ് വില വർദ്ധനവ് ആരംഭിക്കുന്നത്. 25,000 രൂപ വർധിച്ച് 14.59 ലക്ഷം രൂപ (എക്സ്-ഷോറൂം) ഇതിന് ഇപ്പോൾ വിലവരും. ഡിസിടി ഗിയർബോക്സും ആറ് എയർബാഗുകളുമുള്ള 1.5 ലിറ്റർ സ്റ്റൈൽ വേരിയന്റിന് 18.79 ലക്ഷം രൂപ (എക്സ്-ഷോറൂം) വിലവരും. 60,000 രൂപയുടെ വർധനവാണ് ഉണ്ടായിരിക്കുന്നത് .
ഏറ്റവും പുതിയ വിലവർദ്ധനവ് ബാധിക്കാത്ത കുഷാക്ക് എസ്‌യുവിയുടെ ചില വകഭേദങ്ങൾ ആംബിഷൻ ക്ലാസിക് മാനുവൽ, ഓട്ടോമാറ്റിക് എന്നിവയാണ്. പുതിയ സ്കോഡ കുഷാക്ക് ആംബിഷൻ ക്ലാസിക് ട്രിം കഴിഞ്ഞ മാസം 12.69 ലക്ഷം രൂപ (എക്സ്-ഷോറൂം) പ്രാരംഭ വിലയിൽ അവതരിപ്പിച്ചു, കൂടാതെ അടിസ്ഥാന ആക്ടീവിനും ആംബിഷൻ വേരിയന്റിനുമിടയിൽ സ്ഥാനംപിടിച്ചു. ആംബിഷൻ ക്ലാസിക്കിന്റെ ഓട്ടോമാറ്റിക് പതിപ്പിന് 14.09 ലക്ഷം രൂപയാണ് വില (എക്സ്-ഷോറൂം).
സ്കോഡ കൊഡിയാക്ക് ഫെയ്‌സ്‌ലിഫ്റ്റില്‍ ഈ സംവിധാനവും
കുഷാഖ് എസ്‌യുവിയുടെ മോണ്ടെ കാർലോ എഡിഷൻ അടുത്തയാഴ്‍ച സ്കോഡ അവതരിപ്പിക്കും. നിലവിലുള്ള വേരിയന്റുകൾക്ക് മുകളിലായിരിക്കും പുതിയ വേരിയന്റ്. കുഷാക്ക് എസ്‌യുവിയുടെ മറ്റ് വേരിയന്റുകളിൽ വേറിട്ടുനിൽക്കാൻ കൂടുതൽ സ്‌പോർട്‌സ് എക്സ്റ്റീരിയർ ഡിസൈനും ഇന്റീരിയർ കളർ തീമും പോലുള്ള നിരവധി കോസ്‌മെറ്റിക് അപ്‌ഡേറ്റുകൾക്കൊപ്പം ഇത് വരുമെന്ന് പ്രതീക്ഷിക്കുന്നു. സ്ലാവിയയ്‌ക്കൊപ്പം കുഷാക്ക്, സമീപകാലത്ത് സ്കോഡയുടെ ഇന്ത്യയിലെ വിൽപ്പന പുനരുജ്ജീവിപ്പിക്കുന്നതിൽ പ്രധാന പങ്കുവഹിച്ചിട്ടുണ്ട്.
കുഷാക്കിന് പുതിയൊരു വേരിയന്‍റുമായി സ്കോഡ
കുഷാക്ക് ശ്രേണിയിൽ സ്കോഡ മറ്റൊരു പുതിയ വേരിയന്റ് കൂടി ചേർത്തതായി റിപ്പോര്‍ട്ട്. ആക്റ്റീവ് പീസ് എന്ന പേരുള്ള ഈ പുതിയ വേരിയന്റിന് നിലവിലെ ആക്റ്റീവ് വേരിയന്റിനേക്കാൾ ഒരു ലക്ഷം രൂപ വില കുറവാണ്. 9.99 ലക്ഷം രൂപയാണ് ഈ മോഡലിന്‍റെ വിലയെന്നും സ്‍പീക്കറുകള്‍ ഉള്ള ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം ഇതിന് ഇല്ല എന്നും മോട്ടോറോയിഡ്‍സ് റിപ്പോര്‍ട്ട് ചെയ്യുന്നു.
എങ്കിലും, ഒരു ആഫ്റ്റർ മാർക്കറ്റ് മ്യൂസിക് സിസ്റ്റം ഘടിപ്പിച്ചുകൊണ്ട് ഉപയോഗിക്കാവുന്ന സ്റ്റിയറിംഗ് മൗണ്ടഡ് ഓഡിയോ നിയന്ത്രണങ്ങളോടെയാണ് വാഹനം വരുന്നത്. 6-സ്പീഡ് മാനുവൽ ഗിയർബോക്സുമായി ഘടിപ്പിച്ച 1-ലിറ്റർ TSI എഞ്ചിനുമായാണ് ഈ വേരിയന്റ് വരുന്നത്.
ഡിസൈനിന്റെ കാര്യത്തിൽ, സ്കോഡ കുഷാക്ക് വളരെ ഷാര്‍പ്പായതും ആകർഷകവുമായ രൂപം നൽകുന്നു. പരമ്പരാഗത ബട്ടർഫ്ലൈ ഗ്രില്ലിന് ഇപ്പോൾ കട്ടിയുള്ളതും പിയാനോ ബ്ലാക്ക് ഫിനിഷും ലഭിക്കുന്നു. ഹെഡ്‌ലാമ്പുകൾ അവയുടെ മെലിഞ്ഞതും ആകർഷകവുമായ ഡിസൈൻ കൊണ്ട് ഗ്രില്ലിന് ഒരു കോൺട്രാസ്റ്റിംഗ് ലുക്ക് നൽകുന്നു. ബമ്പറിന് സിൽവർ സ്‌കഫ് പ്ലേറ്റ് ലഭിക്കുന്നത് പ്ലാസ്റ്റിക്ക് പൊതിഞ്ഞതാണ്. സൈഡ് പ്രൊഫൈൽ വളരെ ലളിതമാണ്, ഫെൻഡറിലെ ബാഡ്‍ജിൽ നിന്ന് ആരംഭിച്ച് കാറിന്റെ പിൻഭാഗത്തേക്ക് ഒരൊറ്റ പ്രതീക ലൈനും അലോയ് വീലുകളെ ഭംഗിയായി പൂർത്തീകരിക്കുന്ന വീൽ ആർച്ചുകളും നമുക്ക് കാണാൻ കഴിയും.
Skoda : മാർച്ചിൽ വമ്പന്‍ കച്ചവടവുമായി സ്കോഡ, സഹായിച്ചത് സ്ലാവിയ
പുറകുവശത്ത്, ബമ്പർ മുൻവശത്തേക്കാൾ അൽപ്പം വലുതാണ്. കാറിന്റെ വീതിയുമായി താരതമ്യപ്പെടുത്തുമ്പോൾ ടെയിൽഗേറ്റ് വളരെ ചെറുതാണ്. ടെയിൽലൈറ്റുകൾ ബൂട്ട് ലിഡിലേക്ക് ആഴത്തിൽ നീണ്ടുകിടക്കുന്നു. മധ്യഭാഗത്ത് 'സ്കോഡ' അക്ഷരങ്ങൾ കാണുന്നു. മൊത്തത്തിൽ, കാർ അതിന്റെ എതിരാളികളേക്കാൾ കൂടുതൽ ആകർഷകമായ ഡിസൈൻ വാഗ്ദാനം ചെയ്യുന്നു.
അകത്ത്, ഇരട്ട സ്‌പോക്ക് സ്റ്റിയറിംഗ് വീലും 10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും ഉള്ള പുതിയ സ്കോഡ ഇന്റീരിയറുകൾ കുഷാക്കിന് ലഭിക്കുന്നു. ലെതർ സീറ്റുകൾ വായുസഞ്ചാരമുള്ളതാണ്, ക്യാബിന് പ്രീമിയം ഫീൽ ഉണ്ട്.
രണ്ട് പെട്രോൾ TSI എഞ്ചിൻ ഓപ്ഷനുകളാണ് കുഷാക്ക് വാഗ്ദാനം ചെയ്യുന്നത്. 115PS പവറും 175 Nm ടോർക്കും പുറപ്പെടുവിക്കുന്ന 1.0L TSI എഞ്ചിൻ. ഈ യൂണിറ്റ് 5-സ്പീഡ് മാനുവൽ ട്രാൻസ്മിഷൻ അല്ലെങ്കിൽ 6-സ്പീഡ് ടോർക്ക് കൺവെർട്ടർ ഘടിപ്പിച്ചിരിക്കുന്നു. മറുവശത്ത്, 150PS പവറും 250 Nm ടോർക്കും പുറപ്പെടുവിക്കുന്ന 1.5L TSI എഞ്ചിനുണ്ട്. ഈ യൂണിറ്റ് 6-സ്പീഡ് മാനുവൽ ഗിയർബോക്‌സ് അല്ലെങ്കിൽ 7-സ്പീഡ് DSG എന്നിവയുമായി ഘടിപ്പിച്ചിരിക്കുന്നു.
