ഇരുചക്ര വാഹന വിപണിയില് ഇടിവ്
രാജ്യത്തെ ഇരുചക്ര വാഹന വിപണിയില് ഇടിവ്
ദില്ലി: 2019 നവംബറിലെ വില്പ്പന കണക്കുകള് പുറത്തുവന്നപ്പോള് രാജ്യത്തെ ഇരുചക്ര വാഹന വിപണിയില് ഇടിവ്. പത്തു ശതമാനത്തിലേറെ ഇടിവാണ് രേഖപ്പെടുത്തിയിരിക്കുന്നത്. സുസുക്കി മോട്ടോർ സൈക്കിൾസ് ഒഴിച്ചുള്ള ഇരുചക്ര വാഹന കമ്പനികള്ക്കാണ് കനത്ത നഷ്ടം.
മിക്ക കമ്പനികള്ക്കും വില്പ്പന ഇടിഞ്ഞപ്പോള് സുസുക്കിക്ക് മാത്രം 15 ശതമാനം വർദ്ധന ഉള്ളതായാണ് റിപ്പോർട്ട്. ഹീറോ മോട്ടോ കോർപിനു വിൽപന 16 ശതമാനം ഇടിഞ്ഞു. ഹോണ്ടയുടെ വിൽപന 3.94 ലക്ഷത്തിൽനിന്ന് അഞ്ചുശതമാനം കുറഞ്ഞ് 3.73 ലക്ഷമാവുകയും ചെയ്തു.
10 ശതമാനമാണ് റോയൽ എൻഫീൽഡിന്റെ ഇടിവ്. ടിവിഎസ് മോട്ടോഴ്സിന്റെ വിൽപന 26.5 ശതമാനം കുറഞ്ഞ് 1.91 ലക്ഷമായി. ബജാജ് ഓട്ടോയുടേത് 2.05 ലക്ഷത്തിൽ നിന്നും 14 ശതമാനം കുറഞ്ഞ് 1.76 ലക്ഷമായി.