28 കിമി മൈലേജ്, മാരുതിയുടെ ഈ കാറിന് നോൺസ്റ്റോപ്പ് ബുക്കിംഗ്!
ഈ സെഗ്മെന്‍റിലെ മാരുതിയുടെ പുതുമുഖമായ ഗ്രാൻഡ് വിറ്റാരയ്ക്ക് വലിയ ഡിമാൻഡാണ്. കിയ സെൽറ്റോസ്, ടൊയോട്ട ഹൈറൈഡർ, സ്‌കോഡ കുഷാക്ക്, ഫോക്‌സ്‌വാഗൺ ടൈഗൺ, എംജി ആസ്റ്റർ തുടങ്ങിയ മോഡലുകളെ ഒഴിവാക്കി ഗ്രാൻഡ് വിറ്റാരയെ തേടി ധാരാളം ബുക്കിംഗുകൾ ലഭിക്കുന്നുണ്ട്. അത്തരമൊരു സാഹചര്യത്തിൽ, നിങ്ങൾ മാരുതി ഗ്രാൻഡ് വിറ്റാര വാങ്ങാൻ പദ്ധതിയിടുകയാണെങ്കിൽ, അതിന്റെ കാത്തിരിപ്പ് കാലയളവും നിങ്ങൾ അറിയേണ്ടതുണ്ട്.
രാജ്യത്തെ ഏറ്റവും വലിയ കമ്പനിയായ മാരുതി സുസുക്കി ഇപ്പോൾ എസ്‌യുവി സെഗ്‌മെന്റിൽ ശക്തമായി സാനിധ്യം അറിയിച്ചുകൊണ്ടിരിക്കുകയാണ്. ഈ സെഗ്മെന്‍റിലെ മാരുതിയുടെ പുതുമുഖമായ ഗ്രാൻഡ് വിറ്റാരയ്ക്ക് വലിയ ഡിമാൻഡാണ്. കിയ സെൽറ്റോസ്, ടൊയോട്ട ഹൈറൈഡർ, സ്‌കോഡ കുഷാക്ക്, ഫോക്‌സ്‌വാഗൺ ടൈഗൺ, എംജി ആസ്റ്റർ തുടങ്ങിയ മോഡലുകളെ ഒഴിവാക്കി ഗ്രാൻഡ് വിറ്റാരയെ തേടി ധാരാളം ബുക്കിംഗുകൾ ലഭിക്കുന്നുണ്ട്. ഇക്കാരണത്താൽ, അതിന്റെ കാത്തിരിപ്പിലും വലിയ കാലാവധിയുണ്ട്. ഈ വാഹനത്തിനായി 26 ആഴ്ച (ഏകദേശം 180 ദിവസം) കാത്തിരിപ്പ് കാലാവധിയും ഉണ്ട്. 10.70 ലക്ഷം രൂപയാണ് ഗ്രാൻഡ് വിറ്റാരയുടെ പ്രാരംഭ എക്‌സ് ഷോറൂം വില. അത്തരമൊരു സാഹചര്യത്തിൽ, നിങ്ങൾ മാരുതി ഗ്രാൻഡ് വിറ്റാര വാങ്ങാൻ പദ്ധതിയിടുകയാണെങ്കിൽ, അതിന്റെ കാത്തിരിപ്പ് കാലയളവും നിങ്ങൾ അറിയേണ്ടതുണ്ട്.
10.45 ലക്ഷം മുതൽ 19.65 ലക്ഷം രൂപ വരെയാണ് മാരുതി ഗ്രാൻഡ് വിറ്റാരയുടെ പ്രാരംഭ എക്‌സ് ഷോറൂം വില. ടൊയോട്ട മോട്ടോർ കോർപ്പറേഷനും സുസുക്കി മോട്ടോർ കോർപ്പറേഷനും ചേർന്നാണ് ഗ്രാൻഡ് വിറ്റാര വികസിപ്പിച്ചിരിക്കുന്നത്. ഇന്ത്യൻ വിപണിയിൽ ടൊയോട്ട തങ്ങളുടെ അർബൻ ക്രൂയിസർ ഹൈറൈഡറിനെ ഈ പ്ലാറ്റ്‌ഫോമിൽ ഒരുക്കിയിട്ടുണ്ട്. ഗ്രാൻഡ് വിറ്റാരയും അർബൻ ക്രൂയിസർ ഹൈറൈഡും ബിഡാദി പ്ലാന്റിൽ നിർമ്മിക്കുന്നു.
ഗ്രാൻഡ് വിറ്റാരയുടെ എഞ്ചിനും മൈലേജും
മാരുതി സുസുക്കിയും ടൊയോട്ടയും സംയുക്തമായി ഹൈറൈഡറും ഗ്രാൻഡ് വിറ്റാരയും വികസിപ്പിച്ചെടുത്തത്. ഹൈറൈഡറിനെപ്പോലെ ഗ്രാൻഡ് വിറ്റാരയ്ക്കും മൈൽഡ് ഹൈബ്രിഡ് പവർട്രെയിൻ ഉണ്ട്. 6,000 ആർപിഎമ്മിൽ 100 ബിഎച്ച്പി പവറും 4400 ആർപിഎമ്മിൽ 135 എൻഎം ടോർക്കും സൃഷ്ടിക്കുന്ന 1462 സിസി കെ15 എഞ്ചിനാണ് ഇത്. ഇതിന് മൈൽഡ് ഹൈബ്രിഡ് സിസ്റ്റം ഉണ്ട് കൂടാതെ 5-സ്പീഡ് മാനുവൽ അല്ലെങ്കിൽ 6-സ്പീഡ് ടോർക്ക് കൺവെർട്ടർ ഓട്ടോമാറ്റിക്കുമായി ജോടിയാക്കിയിരിക്കുന്നു. ഇതുവരെ AWD ഓപ്ഷനുള്ള ഒരേയൊരു എഞ്ചിൻ കൂടിയാണ് ഈ പവർട്രെയിൻ. സെഗ്‌മെന്റിൽ ഏറ്റവും കൂടുതൽ മൈലേജ് നൽകുന്ന കാർ കൂടിയാണിത്.
- സ്‍ട്രോംഗ് ഹൈബ്രിഡ് e-CVT - മൈലേജ് 27.97kmpl
- മൈൽഡ് ഹൈബ്രിഡ് 5-സ്പീഡ് MT - 21.11kmpl മൈലേജ്
- മൈൽഡ് ഹൈബ്രിഡ് 6-സ്പീഡ് AT - മൈലേജ് 20.58kmpl
- മൈൽഡ് ഹൈബ്രിഡ് 5-സ്പീഡ് MT ഓൾ ഗ്രിപ്പ് - 19.38 kmpl മൈലേജ്
മാരുതി ഗ്രാൻഡ് വിറ്റാരയുടെ സവിശേഷതകൾ
ഹൈബ്രിഡ് എഞ്ചിൻ:
മാരുതി ഗ്രാൻഡ് വിറ്റാരയിൽ ഹൈബ്രിഡ് എഞ്ചിൻ ലഭ്യമാകും. ഹൈബ്രിഡ് കാറുകളിൽ രണ്ട് മോട്ടോറുകൾ ഉപയോഗിക്കുന്നു. സാധാരണ ഇന്ധന എൻജിൻ ഉള്ള കാർ പോലെ പെട്രോൾ എഞ്ചിനാണ് ഇതിനുള്ളത്. രണ്ടാമത്തേത് ഇലക്ട്രിക് വാഹനങ്ങളിൽ കാണുന്ന ഒരു ഇലക്ട്രിക് മോട്ടോർ എഞ്ചിനാണ്. ഇവ രണ്ടിന്റെയും ശക്തിയാണ് വാഹനത്തെ ചിലിപ്പിക്കാൻ ഉപയോഗിക്കുന്നത്. കാർ ഇന്ധന എഞ്ചിനിൽ പ്രവർത്തിക്കുമ്പോൾ, അതിന്റെ ബാറ്ററിക്കും പവർ ലഭിക്കുന്നു, അതുവഴി ബാറ്ററി ഓട്ടോമാറ്റിക്കായി ചാർജ് ചെയ്യപ്പെടും. ആവശ്യമുള്ളപ്പോൾ അധിക ശക്തിയായി ഇത് ഒരു എഞ്ചിൻ പോലെ ഉപയോഗിക്കുന്നു.
"ഞാൻ തുടങ്ങാം.."ഇത്തരം ടൂവീലറുകള്‍ ഇന്ത്യയില്‍ ആദ്യം, എണ്ണക്കമ്പനികളുടെ നെഞ്ചുകീറാൻ ബജാജെന്ന സിംഹം!
ഇവി, ഡ്രൈവ് മോഡ്:
ഈ കാറിന് ഇവി മോഡ് ഉണ്ട്. ഇവി മോഡിൽ കാർ പൂർണമായും ഇലക്ട്രിക് മോട്ടോറിലൂടെയാണ് പ്രവർത്തിക്കുന്നത്. കാറിന്റെ ബാറ്ററി ഇലക്ട്രിക് മോട്ടോറിനും ഇലക്ട്രിക് മോട്ടോർ ചക്രങ്ങൾക്കും ഊർജ്ജം നൽകുന്നു. ഈ പ്രക്രിയ നിശബ്ദമായി നടക്കുന്നു. ഹൈബ്രിഡ് മോഡിൽ, കാർ എഞ്ചിൻ ഒരു ഇലക്ട്രിക് ജനറേറ്റർ പോലെ പ്രവർത്തിക്കുകയും ഇലക്ട്രിക് മോട്ടോർ കാറിന്റെ ചക്രങ്ങൾ ചലിപ്പിക്കുകയും ചെയ്യുന്നു.
ടയർ പ്രഷർ ഫീച്ചർ:
ടയർ പ്രഷർ പരിശോധിക്കുന്ന ഫീച്ചർ ഇതിലുണ്ടാകും. ഗ്രാൻഡ് വിറ്റാരയുടെ ഏത് ടയറിൽ എത്ര വായു ഉണ്ട് എന്നതിനെക്കുറിച്ചുള്ള പൂർണ്ണമായ വിവരങ്ങൾ കാറിന്റെ സ്ക്രീനിൽ ലഭിക്കും. ഏതെങ്കിലും ടയറിൽ വായു കുറവാണെങ്കിൽ, അതിനെക്കുറിച്ചുള്ള വിവരങ്ങൾ നിങ്ങൾക്ക് സ്വയമേവ ലഭിക്കും. ടയറുകളിലെ വായു സ്വമേധയാ പരിശോധിക്കാനും നിങ്ങൾക്ക് കഴിയും.
പനോരമിക് സൺറൂഫ്:
അടുത്തിടെ പുറത്തിറക്കിയ പുതിയ ബ്രെസ്സയിൽ മാരുതി പനോരമിക് സൺറൂഫ് നൽകി. ഈ ഫീച്ചറുള്ള കമ്പനിയുടെ ആദ്യ കാർ കൂടിയാണിത്. അത്തരമൊരു സാഹചര്യത്തിൽ ഇപ്പോൾ ഗ്രാൻഡ് വിറ്റാരയ്ക്കും പനോരമിക് സൺറൂഫ് ലഭിക്കുന്നു. ഓട്ടോമാറ്റിക് ഫീച്ചറോടുകൂടിയായിരിക്കും ഇത് വരിക. എന്നിരുന്നാലും, അതിന് താഴെയുള്ള ലെയർ സ്വമേധയാ തുറക്കേണ്ടതായി വന്നേക്കാം.
360 ഡിഗ്രി ക്യാമറ:
മാരുതി തങ്ങളുടെ കാറുകളുടെ പുതിയ മോഡലുകളിൽ 360 ഡിഗ്രി ക്യാമറയുടെ സവിശേഷത വാഗ്ദാനം ചെയ്യുന്നു. ഗ്രാൻഡ് വിറ്റാരയിലും ഈ ഫീച്ചർ ലഭ്യമാകും. ഇത് കാർ ഓടിക്കാൻ ഡ്രൈവറെ കൂടുതൽ സഹായിക്കും. ഇടുങ്ങിയ സ്ഥലങ്ങളിൽ കാർ പാർക്ക് ചെയ്യാൻ ഡ്രൈവറെ സഹായിക്കുക മാത്രമല്ല, അറിയാത്ത റോഡുകളിലെ ബുദ്ധിമുട്ടുകൾ ഒഴിവാക്കാനും ഇത് സഹായിക്കും. സ്ക്രീനിൽ കാറിന് ചുറ്റുമുള്ള കാഴ്ച നിങ്ങൾക്ക് കാണാൻ കഴിയും.
ഗ്രാൻഡ് വിറ്റാരയുടെ സുരക്ഷാ ഫീച്ചറുകൾ
വയർലെസ് ചാർജിംഗ്, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഓട്ടോമാറ്റിക് ക്ലൈമറ്റ് കൺട്രോൾ, വെന്റിലേറ്റഡ് ഫ്രണ്ട് സീറ്റുകൾ, ക്രമീകരിക്കാവുന്ന ഡ്രൈവർ സീറ്റ്, കണക്റ്റഡ് കാർ ടെക്‌നോളജി തുടങ്ങിയ സ്റ്റാൻഡേർഡ് ഫീച്ചറുകൾ പുതിയ വിറ്റാരയിലുണ്ടാകും. ഇതുകൂടാതെ, സുരക്ഷയ്ക്കായി, മൾട്ടിപ്പിൾ എയർബാഗുകൾ, എബിഎസ് വിത്ത് ഇബിഡി, ഇഎസ്ഇ, ഹിൽ ഹോൾഡ് അസിസ്റ്റ്, സ്പീഡ് അലർട്ട്, സീറ്റ് ബെൽറ്റ്, പാർക്കിംഗ് സെൻസർ, 360 ഡിഗ്രി ക്യാമറ തുടങ്ങി നിരവധി സുരക്ഷാ ഫീച്ചറുകൾ നൽകിയിട്ടുണ്ട്.
