PM Modi Maybach : സ്‍ഫോടനത്തിലും തകരില്ല, വില 12 കോടി; ഇതാ മോദിയുടെ പുത്തന്‍ കാറിന്‍റെ വിശേഷങ്ങള്‍!
പ്രധാനമന്ത്രി നരേന്ദ്ര മോദിയുടെ വാഹന വ്യൂഹത്തില്‍ പുതിയൊരു കിടിലന്‍ വാഹനം. എന്താണ് ഈ കാറിന്‍റെ പ്രത്യേകതകള്‍? ഇതാ ചില രസകരമായ വിവരങ്ങള്‍
സുരക്ഷാ പ്രധാനമായ മോഡലുകളാല്‍ ഏറെ ശ്രദ്ധേയമാണ് നമ്മുടെ പ്രധാനമന്ത്രി നരേന്ദ്ര മോദിയുടെ (Narendra Modi) വാഹനവ്യൂഹം. ഇപ്പോഴിതാ ഈ വാഹന വ്യൂഹത്തിന്‍റെ ഭാഗമായി പുതിയൊരു കിടിലന്‍ മോഡല്‍ എത്തിയിരിക്കുകയാണെന്നാണ് റിപ്പോര്‍ട്ടുകള്‍. ജര്‍മ്മന്‍ ആഡംബര വാഹന നിര്‍മ്മാതാക്കളായ മേഴ്‍സിഡസ് ബെന്‍സിന്‍റെ മെയ്ബാക്ക് S650 (Mercedes-Maybach S650) എന്ന കവചിത വാഹനം ആണ് ഇതെന്ന് കാര്‍ ടോഖ്, എച്ച്‍ടി ഓട്ടോ തുടങ്ങിയ ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. റഷ്യന്‍ പ്രസിഡന്റ് പുടിനെ സ്വാഗതം ചെയ്യുന്നതിനിടെ ഹൈദരാബാദ് ഹൗസിൽ ആണ് ആദ്യം കവചിതമായ പുതിയ മേബാക്ക് 650 ല്‍ നരേന്ദ്ര മോദിയെ കണ്ടത്. എന്താണ് ഈ കാറിന്‍റെ പ്രത്യേകതകള്‍? ഇതാ രസകരമായ ചില വിവരങ്ങള്‍
രണ്ടരക്കോടിയുടെ വണ്ടി വാങ്ങി കസ്റ്റമൈസേഷന് ഒന്നരക്കോടി പിന്നെയും മുടക്കി സൂപ്പര്‍താരം!
കിടിലന്‍ സുരക്ഷ
2019-ൽ പുറത്തിറങ്ങിയ മേഴ്‍സിഡസ് ബെന്‍സിന്‍റെ മെയ്ബാക്ക് S650 ഗാർഡിന്റെ പുതിയ ഫെയ്‌സ്‌ലിഫ്റ്റഡ് മോഡലാണിത്. ഇതിന് VR10 പ്രൊട്ടക്ഷൻ ലെവൽ ലഭിക്കുന്നു. ഇത് ഒരു പ്രൊഡക്ഷൻ കാറിൽ നൽകിയിട്ടുള്ള ഏറ്റവും ഉയർന്ന പരിരക്ഷയാണ്. ഈ വാഹനത്തിന്റെ കവചിത ബോഡിയാണ് മെഴ്‌സിഡസ്-മെയ്ബാക്ക് എസ്650 ഗാർഡിനെ ഇത്രമാത്രം സവിശേഷമാക്കുന്നത്. 2010-ലെ എക്‌സ്‌പ്ലോഷൻ പ്രൂഫ് വെഹിക്കിൾ (ഇആർവി) റേറ്റിംഗോടെയാണ് ഇത് വരുന്നത്. അതായത്, രണ്ട് മീറ്റർ അകലത്തിൽ നിന്ന് 15 കിലോഗ്രാം ടിഎൻടി സ്‌ഫോടനത്തിൽ നിന്ന് യാത്രക്കാരെ സംരക്ഷിക്കുന്നു.
S600 ഗാർഡിനെപ്പോലെ, S650 ഗാർഡും ഡയറക്‌ടീവ് BRV 2009 പതിപ്പ് 2 അനുസരിച്ച് VR10 പരിരക്ഷണം നൽകുന്നു. ലോകത്തെ ഏതൊരു സിവിലിയൻ വാഹനത്തിലും നൽകുന്ന ഏറ്റവും ഉയർന്ന പരിരക്ഷയാണിത്. VR10 റേറ്റിംഗ് അർത്ഥമാക്കുന്നത് വാഹനത്തിന്റെ ബോഡിക്കും ജനാലകൾക്കും കഠിനമായ സ്റ്റീൽ കോർ ബുള്ളറ്റുകളെ നേരിടാൻ കഴിയും എന്നാണ്. യാത്രക്കാർക്ക് കാറിൽ കൂടുതൽ പിന്നിലേക്ക് ഇരിക്കാനും ലെഗ് റൂം വർദ്ധിപ്പിക്കാനും കഴിയുന്ന തരത്തിലാണ് പിൻസീറ്റുകൾ സ്ഥാപിച്ചിരിക്കുന്നത്.
ഈ ലിമോസിൻ കാബിൻ പോളികാർബണേറ്റ് കൊണ്ട് പൊതിഞ്ഞതാണ്, സ്ഫോടനങ്ങളിൽ നിന്ന് യാത്രക്കാരെ സംരക്ഷിക്കാൻ കനത്ത കവചിതമായ താഴത്തെ ഭാഗമുണ്ട്. ഗ്യാസ് ആക്രമണമുണ്ടായാൽ സജീവമാകുന്ന ഒരു പ്രത്യേക എയർ വിതരണ സംവിധാനം ഉണ്ട്. പ്രത്യേകവും സുരക്ഷിതവുമായ ആശയവിനിമയ സംവിധാനവുമുണ്ട്. കാബിൻ ഹൈ-ടെക് മാത്രമല്ല, സീറ്റ് മസാജറും, റീപോസിഷൻ ചെയ്യാവുന്ന പിൻസീറ്റുകളുമുള്ള ആഡംബരപൂർണവുമാണ്.
ആദ്യം 1.13 കോടി, ഇപ്പോള്‍ 2.43 കോടി; 2021ല്‍ മാത്രം യുവതാരം വാങ്ങിയത് കോടികളുടെ വണ്ടികള്‍!
മേബാക്ക് എസ്650 ഗാർഡിന് പുറം ബോഡി ഘടനയ്ക്കും ഇടയിൽ പ്രത്യേക സംയോജിത സ്റ്റീൽ ലഭിക്കുന്നു, ഇത് സംരക്ഷണം കൂടുതൽ മെച്ചപ്പെടുത്തുന്നു. ലിമോസിൻ ജനാലകൾക്ക് ഉള്ളിൽ പോളികാർബണേറ്റ് കോട്ടിംഗും ബോഡിയുടെ അടിഭാഗത്ത് നേരിട്ടുള്ള സ്ഫോടനങ്ങളെ നേരിടാൻ കനത്ത കവചവും ലഭിക്കുന്നു.
പരിക്കേറ്റാല്‍ സ്വയം ദ്വാരങ്ങൾ അടയ്ക്കുന്ന ഒരു പ്രത്യേക മെറ്റീരിയൽ ഉപയോഗിച്ച് ഇന്ധന ടാങ്ക് പൂശിയിരിക്കുന്നു. AH-64 അപ്പാച്ചെ ടാങ്ക് ആക്രമണ ഹെലികോപ്റ്ററുകൾക്കായി ബോയിംഗ് ഉപയോഗിക്കുന്ന അതേ മെറ്റീരിയലാണ് ഇത് നിർമ്മിച്ചിരിക്കുന്നത്. കനത്ത കവചിത കാർ 6.0 ലിറ്റർ V12 ട്വിൻ ടർബോചാർജ്‍ഡ് എഞ്ചിനിൽ നിന്നാണ് കരുത്ത് ഉല്‍പ്പാദിപ്പിക്കുന്നത്. അത് പരമാവധി 523 Bhp കരുത്തും 830 Nm പീക്ക് ടോർക്കും സൃഷ്ടിക്കുന്നു. സംരക്ഷിത സംവിധാനം കാരണം വലിയ ഭാരം വഹിക്കുന്നുണ്ടെങ്കിലും, മണിക്കൂറിൽ 160 കിലോമീറ്റർ വേഗതയിൽ ഓടാൻ ഈ ലിമോസിന് കഴിയും.
വില
മെഴ്‌സിഡസ് കഴിഞ്ഞ വർഷം 10.5 കോടി രൂപ വിലയിലാണ് -മെയ്ബാക്ക് S600 ഗാർഡിനെ ഇന്ത്യയിൽ അവതരിപ്പിച്ചത്. എസ്650ന് 12 കോടിയില്‍ അധികം വില വരും. പ്രധാനമന്ത്രി ഉൾപ്പെടെ രാജ്യത്തെ പ്രധാന വ്യക്തികളുടെ സുരക്ഷ പരിപാലിക്കുന്ന സ്‌പെഷ്യൽ പ്രൊട്ടക്ഷൻ ഗ്രൂപ്പിന് ഇറക്കുമതി നികുതിയൊന്നും നൽകേണ്ടതില്ല എന്നതിനാൽ, അന്തിമ വിലയും വളരെ കുറവായിരിക്കും.
പ്രധാനമന്ത്രിയുടെ കാറുകൾ തിരഞ്ഞെടുക്കുന്നത് ആര്?
സാഹചര്യവും സുരക്ഷയും വിലയിരുത്തി എസ്‍പിജിയാണ് പ്രധാനമന്ത്രിയുടെ വാഹനങ്ങള്‍ തെരെഞ്ഞെടുക്കുന്നത്. റേഞ്ച് റോവർ, ലാൻഡ് ക്രൂയിസർ, ബിഎംഡബ്ല്യു 7-സീരീസ് തുടങ്ങി വിവിധ വാഹനങ്ങള്‍ പ്രധാനമന്ത്രി നരേന്ദ്ര മോദിയുടെ വാഹനവ്യൂഹത്തില്‍ ഉണ്ട്. ഈ വാഹനവ്യൂഹത്തിൽ രണ്ട് മെഴ്‌സിഡസ്-മെയ്ബാക്ക് S650 ഗാർഡുകളുണ്ട് എന്നും റിപ്പോര്‍ട്ടുകള്‍ ഉണ്ട്.
