ബസ്സ് എന്ന് പേരിട്ടിരിക്കുന്ന തങ്ങളുടെ ആദ്യ ഇലക്ട്രിക് സ്കൂട്ടർ ഈ മാസം ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുകയാണ് കമ്പനി
സൈദ്ക ഗ്രൂപ്പിന്റെ പിന്തുണയുള്ള സ്റ്റെല്ല മോട്ടോ തിങ്കളാഴ്ച ഇലക്ട്രിക് ഇരുചക്രവാഹന മേഖലയിലേക്കുള്ള തങ്ങളുടെ ചുവടുവെപ്പ് ഔദ്യോഗികമായി പ്രഖ്യാപിച്ചു. ബസ്സ് എന്ന് പേരിട്ടിരിക്കുന്ന തങ്ങളുടെ ആദ്യ ഇലക്ട്രിക് സ്കൂട്ടർ ഈ മാസം ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുകയാണ് കമ്പനി. നിലവില്, കമ്പനിയുടെ വാഹന നിരയിൽ ഇലക്ട്രിക് ത്രീ-വീലറുകളും കാർഗോ ഉൽപ്പന്നങ്ങളും ഉൾപ്പെടുന്നു. ഇപ്പോൾ, അതിവേഗം വളരുന്ന ഇലക്ട്രിക് ഇരുചക്രവാഹന വിഭാഗത്തിൽ കൈകോർക്കാൻ കമ്പനി രാജ്യത്തേക്ക് പ്രവേശിക്കുകയാണ്. നിലവിൽ, ഇ-സ്കൂട്ടറിന്റെ വിലയെക്കുറിച്ചോ അതിന്റെ സവിശേഷതകളെക്കുറിച്ചോ കമ്പനി വിവരങ്ങൾ നൽകിയിട്ടില്ല.
സ്റ്റെല്ല മോട്ടോ തങ്ങളുടെ അതിവേഗ ഇലക്ട്രിക് സ്കൂട്ടറുകളും ബൈക്കുകളും വരും മാസങ്ങളിൽ പ്രഖ്യാപിക്കുമെന്ന് ബെംഗളൂരു ആസ്ഥാനമായുള്ള സൈദ്ക ഗ്രൂപ്പ് ഔദ്യോഗിക പ്രസ്താവനയിൽ അറിയിച്ചു. ഇതുകൂടാതെ, ഈ ഇലക്ട്രിക് വാഹനങ്ങളുടെ നിർമ്മാണം തമിഴ്നാട്ടിലെ ഹൊസൂരിലുള്ള കമ്പനി ഫാക്ടറിയിൽ നടത്തുമെന്നും കമ്പനി അറിയിച്ചു.
ബുക്കിംഗിന് പണം വേണ്ട, രണ്ടാംവരവില് അമ്പരപ്പിക്കാൻ എല്എംഎല്!
മികച്ച എഞ്ചിനീയറിംഗ് ഇലക്ട്രിക് ഇരുചക്ര വാഹനങ്ങളും 100 ശതമാനം ഇന്ത്യൻ എൽ5 ഇലക്ട്രിക് വാഹനങ്ങളും മിതമായ നിരക്കിൽ രൂപകൽപ്പന ചെയ്യുകയാണ് കമ്പനി ലക്ഷ്യമിടുന്നതെന്ന് വാര്ത്താക്കുറിപ്പിൽ സ്റ്റെല്ല മോട്ടോ പറയുന്നു. പ്രതിവർഷം 20,000 വാഹനങ്ങൾ നിർമ്മിക്കാൻ ശേഷിയുള്ള രണ്ട് നിർമ്മാണ യൂണിറ്റുകൾ പശ്ചിമ ബംഗാളിലെ ഹൗറയിലും തമിഴ്നാട്ടിലെ ഹൊസൂരിലും കമ്പനിക്ക് ഇതിനകം ഉണ്ട്.
കൂടാതെ, സ്റ്റെല്ല അതിന്റെ റീട്ടെയിൽ ഔട്ട്ലെറ്റുകൾ പ്രധാന നഗരങ്ങളിൽ തുറക്കാൻ ഉദ്ദേശിക്കുന്നു, കൂടാതെ വരും വർഷത്തിൽ 200 ഔട്ട്ലെറ്റുകൾ കൂട്ടിച്ചേർക്കാൻ ലക്ഷ്യമിടുന്നു, അതിൽ, കമ്പനിയുടെ കണക്കനുസരിച്ച്, 55 അംഗീകൃത ഡീലർമാരെ ഇതിനകം സ്ഥാപിച്ചു. 2023 സാമ്പത്തിക വർഷാവസാനത്തോടെ 10,000 വാഹനങ്ങൾ വിൽക്കാനാണ് കമ്പനി ലക്ഷ്യമിടുന്നതെന്ന് സ്റ്റെല്ല പറയുന്നു.
സ്റ്റെല്ല മോട്ടോയിൽ നിന്നുള്ള ഇലക്ട്രിക് സ്കൂട്ടറുകൾ താങ്ങാനാവുന്ന വിലയിൽ പുറത്തിറക്കിയാൽ, ബജാജ് ചേതക് ഇലക്ട്രിക്, ടിവിഎസ് ഐക്യൂബ്, ആതർ 450 സീരീസ്, ഓല എസ്1 സീരീസ്, പ്യുർഇവി, ബൗൺസ് ഇൻഫിനിറ്റി, ഒകിനാവ, ഹീറോ വിദ തുടങ്ങി വിവിധ ബ്രാൻഡുകളുടെ ഇലക്ട്രിക് ഇരുചക്രവാഹനങ്ങളുമായി മത്സരിക്കും.
ഓര്മ്മകള് ഓടിക്കളിക്കും നിരത്തുകളിലേക്ക് എല്എംഎല് തിരിച്ചെത്തുക ഇത്രയും മോഡലുകളുമായി!
“ഞങ്ങൾക്ക് എല്ലായ്പ്പോഴും ഓട്ടോമൊബൈൽ മേഖലയിൽ ശക്തമായ താൽപ്പര്യമുണ്ട്, കൂടാതെ ഇലക്ട്രിക് ഇരുചക്രവാഹന മേഖലയിലേക്ക് പ്രവേശിക്കുന്നതിൽ ഞങ്ങൾക്ക് ആവേശമുണ്ട്. ലക്ഷ്യബോധമുള്ളതും അങ്ങേയറ്റം സുരക്ഷിതവും മികച്ച നിലവാരമുള്ളതുമായ വൈദ്യുത വാഹനങ്ങൾ സൃഷ്ടിക്കുന്നതിന് ശക്തമായ ഗവേഷണ-വികസന, സാങ്കേതിക അടിസ്ഥാന സൗകര്യങ്ങൾ വികസിപ്പിക്കുന്നതിന് ഞങ്ങൾ കഴിഞ്ഞ കുറച്ച് വർഷങ്ങളായി ചെലവഴിച്ചു.." ഓട്ടോമൊബൈൽ വ്യവസായത്തിലെ കമ്പനിയുടെ പുരോഗതിയെക്കുറിച്ച് സംസാരിച്ച ജെയ്ഡ്ക ഗ്രൂപ്പ് ഡയറക്ടർ ഗോപക് ജെയ്ഡ്ക പറഞ്ഞു,
