അള്ട്രോസ് ഡാര്ക്ക് എഡിഷൻ ഇപ്പോൾ മിഡ് ലെവൽ XT ട്രിമ്മിൽ ലഭ്യമാണെന്നും ഇതിന്റെ വില 7.96 ലക്ഷം രൂപയിൽ ആരംഭിക്കുന്നു എന്നും ഓട്ടോ കാര് ഇന്ത്യ റിപ്പോര്ട്ട് ചെയ്യുന്നു
ഹാച്ച്ബാക്കിന്റെ രണ്ടാം വാർഷികത്തോടനുബന്ധിച്ച് ടാറ്റ മോട്ടോഴ്സ് (Tata Motors) ആൾട്രോസിന്റെ ഡാർക്ക് എഡിഷൻ ശ്രേണി വിപുലീകരിച്ചു. അള്ട്രോസ് ഡാര്ക്ക് എഡിഷൻ ഇപ്പോൾ മിഡ് ലെവൽ XT ട്രിമ്മിൽ ലഭ്യമാണെന്നും ഇതിന്റെ വില 7.96 ലക്ഷം രൂപയിൽ ആരംഭിക്കുന്നു എന്നും ഓട്ടോ കാര് ഇന്ത്യ റിപ്പോര്ട്ട് ചെയ്യുന്നു (എക്സ്-ഷോറൂം, ദില്ലി). കൂടുതൽ ഫീച്ചറുകളും പുതിയ എഞ്ചിൻ ഓപ്ഷനും ഉപയോഗിച്ച് കാർ നിർമ്മാതാവ് ടോപ്പ്-സ്പെക്ക് ഡാർക്ക് XZ+ അപ്ഡേറ്റ് ചെയ്തിട്ടുണ്ട്.
ടാറ്റ അള്ട്രോസ് XT ഡാർക്ക് എഡിഷൻ: എന്താണ് പുതിയത്?
7.96 ലക്ഷം രൂപ പ്രാരംഭ വിലയുള്ളഅള്ട്രോസ് XT ഡാർക്ക് പെട്രോളിന് സാധാരണ അള്ട്രോസ് XT പെട്രോളിനേക്കാൾ 46,000 രൂപ കൂടുതലാണ്. അധിക പണത്തിന്, അള്ട്രോസ് XT ഡാർക്ക് എഡിഷൻ കോസ്മോ ഡാർക്ക് എക്സ്റ്റീരിയർ പെയിന്റ്, ഇരുണ്ട നിറമുള്ള ഹൈപ്പർസ്റ്റൈൽ വീലുകൾ (അലോയികൾ അല്ല), ഡാർക്ക് എക്സ്റ്റീരിയർ ബാഡ്ജിംഗ്, ഒരു കറുത്ത ഇന്റീരിയർ തീം, സുഷിരങ്ങളുള്ള ലെതറെറ്റ് സീറ്റുകൾ, ഉയരം ക്രമീകരിക്കാവുന്ന ഡ്രൈവർ സീറ്റ്, മുൻ സീറ്റ് ബെൽറ്റുകളും പിൻ ഹെഡ്റെസ്റ്റുകളും, ലെതർ പൊതിഞ്ഞ സ്റ്റിയറിങ്ങും ഗിയർ ലിവര് തുടങ്ങിയവ ലഭിക്കും.
പുതിയ അള്ട്രോസ് XTഡാർക്ക് 86hp, 1.2-ലിറ്റർ നാച്ചുറലി ആസ്പിറേറ്റഡ് പെട്രോൾ യൂണിറ്റ് അല്ലെങ്കിൽ കൂടുതൽ ശക്തമായ 110hp, 1.2-ലിറ്റർ ടർബോ-പെട്രോൾ എഞ്ചിൻ എന്നിവയിൽ ലഭ്യമാണ്. ഇവ രണ്ടിനും 5-സ്പീഡ് മാനുവൽ ഗിയർബോക്സ് മാത്രമേ ലഭിക്കൂ. അള്ട്രോസ് XT ഡാര്ക്ക് ടര്ബോ പെട്രോളിന്റെ വിലകൾ ഇതുവരെ പ്രഖ്യാപിച്ചിട്ടില്ല, എന്നാൽ സ്റ്റാൻഡേർഡ് അള്ട്രോസ് XT ഐ ടര്ബോയേക്കാൾ (8.10 ലക്ഷം രൂപ) 40,000-50,000 രൂപയുടെ വർദ്ധനവ് പ്രതീക്ഷിക്കുന്നു.
ടാറ്റ അള്ട്രോസ് XZ പ്ലസ് ഡാർക്ക് എഡിഷൻ: എന്താണ് പുതിയത്?
ഈ അപ്ഡേറ്റിനൊപ്പം, സ്റ്റാൻഡേർഡ് മോഡലിൽ നിന്ന് അള്ട്രോസ് XZ+ ഡാർക്കിലേക്ക് വരുമ്പോള് 90hp, 1.5 ലിറ്റർ ഡീസൽ എഞ്ചിൻ ഓപ്ഷനും ടാറ്റ ചേർത്തു. അള്ട്രോസ് XZ പ്ലസ് നേരത്തെ രണ്ട് പെട്രോൾ എഞ്ചിനുകളിൽ മാത്രമേ ലഭ്യമായിരുന്നുള്ളൂ. എന്നിരുന്നാലും, അള്ട്രോസ് XZ പ്ലസ് ഡാർക്ക് ഡീസലിന്റെ വില ടാറ്റ ഇതുവരെ വെളിപ്പെടുത്തിയിട്ടില്ല. സ്റ്റാൻഡേർഡ് അള്ട്രോസ് XZ പ്ലസ് ഡീസൽ വില 9.70 ലക്ഷം രൂപയാണ് (എക്സ്-ഷോറൂം, ദില്ലി). അതിനാൽ ഡാർക്ക് പതിപ്പിന് ഏകദേശം 40,000-50,000 രൂപ കൂടുതൽ വില പ്രതീക്ഷിക്കാം.
കൂടാതെ, XZ+ ഡാർക്ക് ട്രിമ്മിൽ ചില സവിശേഷതകൾ ചേർക്കാനും ഈ അവസരം ടാറ്റാ മോട്ടോഴ്സ് ഉപയോഗിച്ചു. എല്ലാഅള്ട്രോസ് XT പ്ലസ് ഡാര്ക്ക് മോഡലുകൾക്കും ഇപ്പോൾ ബ്രേക്ക് സ്വേ കൺട്രോൾ, ടയർ പ്രഷർ മോണിറ്ററിംഗ് സിസ്റ്റം തുടങ്ങിയ അധിക സുരക്ഷാ ഫീച്ചറുകൾ ലഭിക്കും.
നിലവിലെ അള്ട്രോസ്; എഞ്ചിൻ, ഗിയർബോക്സ് ഓപ്ഷനുകൾ
ടാറ്റ അള്ട്രോസ് മൂന്ന് എൻജിൻ ഓപ്ഷനുകളിൽ ലഭ്യമാണ്. 86hp, 113Nm, 1.2-ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ, ഒരു 110hp, 140Nm 1.2-ലിറ്റർ ടർബോ-പെട്രോൾ എഞ്ചിന് ഒപ്പം 90hp, 200Nm, 1.5-ലിറ്റർ ഡീസൽ എഞ്ചിന് എന്നിവയാണവ. മൂന്ന് എഞ്ചിനുകളും അഞ്ച് സ്പീഡ് മാനുവൽ ഗിയർബോക്സിൽ സ്റ്റാൻഡേർഡായി ലഭ്യമാണ്. അള്ട്രോസിൽ ഇപ്പോഴും ഓട്ടോമാറ്റിക് ഗിയർബോക്സ് ഓപ്ഷൻ ഇല്ല. അതേസമയം അതിന്റെ എല്ലാ എതിരാളികളും ഓട്ടോമാറ്റിക് ഗിയർബോക്സ് വാഗ്ദാനം ചെയ്യുന്നു. അതുകൊണ്ടുതന്നെ അൾട്രോസിനായിഒരു ഡ്യുവൽ ക്ലച്ച് ഓട്ടോമാറ്റിക് ഗിയർബോക്സിന്റെ പണിപ്പുരയിലാണെന്ന് കഴിഞ്ഞ കുറച്ചുകാലമായി ടാറ്റാ മോട്ടോഴ്സ് എന്ന് റിപ്പോര്ട്ടുകള് ഉണ്ട്. എന്നാല് വാഹനം ലോഞ്ച് ചെയ്യുന്നത് തീയ്യതി കമ്പനി ഇതുവരെ വ്യക്തമാക്കിയിട്ടില്ല.
ടാറ്റ അള്ട്രോസ് എതിരാളികൾ
അൾട്രോസിന്റെ റേഞ്ച് വിപുലീകരണം അതിന്റെ ഏറ്റവും വലിയ എതിരാളികളിലൊന്നായ മാരുതി സുസുക്കി ബലേനോയെ അതിന്റെ ഫെയ്സ്ലിഫ്റ്റ് അവതരിപ്പിക്കുന്നതിന് തൊട്ടുമുമ്പാണ് എന്നത് ശ്രദ്ധേയമാണ്. ബലേനോയെ കൂടാതെ, മറ്റ് പ്രീമിയം ഹാച്ച്ബാക്കുകളായ പുതിയ ഹ്യുണ്ടായ് i20, മാരുതി സുസുക്കി ബലേനോ, ടൊയോട്ട ഗ്ലാൻസ, ഹോണ്ട ജാസ്, ഫോക്സ്വാഗൺ പോളോ തുടങ്ങിയ ഇന്ത്യന് വിപണിയിലെ മറ്റ് പ്രീമിയം ഹാച്ച്ബാക്കുകളുമായും ടാറ്റാ അൾട്രോസ് മത്സരിക്കുന്നു.
