കാലപ്പഴക്കം ചെന്ന ഡീസൽ വാഹനങ്ങൾക്കു പകരം പരിസ്ഥിതി സൗഹൃദ ഇലക്ട്രിക് വാഹനങ്ങൾ സ്ഥാപിക്കുക എന്ന ദൗത്യത്തിന്റെ ഭാഗമായാണ് ഈ ഇലക്ട്രിക് എസ്യുവികൾ ചേർത്തത് എന്ന് ഫിനാന്ഷ്യല് എക്സ്പ്രസ് ഡ്രൈവ് റിപ്പോര്ട്ട് ചെയ്യുന്നു.
ലോക പരിസ്ഥിതി ദിനത്തോടനുബന്ധിച്ച് 17 ടാറ്റ നെക്സോൺ ഇവികളെ കൊൽക്കത്ത പോലീസ് തങ്ങളുടെ ഔദ്യോഗിക വാഹനവ്യൂഹത്തിലേക്ക് ഉൾപ്പെടുത്തിയതായി റിപ്പോര്ട്ട്. കാലപ്പഴക്കം ചെന്ന ഡീസൽ വാഹനങ്ങൾക്കു പകരം പരിസ്ഥിതി സൗഹൃദ ഇലക്ട്രിക് വാഹനങ്ങൾ സ്ഥാപിക്കുക എന്ന ദൗത്യത്തിന്റെ ഭാഗമായാണ് ഈ ഇലക്ട്രിക് എസ്യുവികൾ ചേർത്തത് എന്ന് ഫിനാന്ഷ്യല് എക്സ്പ്രസ് ഡ്രൈവ് റിപ്പോര്ട്ട് ചെയ്യുന്നു.
തലകുത്തി മറിഞ്ഞ് ടിഗോര്, ടാറ്റയ്ക്ക് നന്ദി പറഞ്ഞ് ഉടമയും യാത്രികരും!
പോലീസ് അത്ലറ്റിക് ക്ലബ്ബിൽ കൊൽക്കത്ത പോലീസ് സംഘടിപ്പിച്ച ചടങ്ങില് ബോണറ്റിൽ നീല വരകളും വശങ്ങളിൽ കൊൽക്കത്ത പോലീസിന്റെ ബാഡ്ജിംഗും ഉള്ള ഇലക്ട്രിക് കാറുകളുടെ ഫ്ലാഗ് ഓഫ് ചെയ്തു. സിറ്റി പോലീസ് ഡിപ്പാർട്ട്മെന്റ് അതിന്റെ സോഷ്യൽ മീഡിയ പ്ലാറ്റ്ഫോമുകളിൽ ഫ്ലാഗ് ഓഫ് ചടങ്ങിന്റെ വീഡിയോയും പങ്കിട്ടു.
2021-ൽ കൊൽക്കത്ത പോലീസ്, നെക്സോണ് ഇവി വാടകയ്ക്കെടുക്കുന്നതിനായി ടാറ്റ മോട്ടോഴ്സുമായുള്ള പങ്കാളിത്തം പ്രഖ്യാപിച്ചിരുന്നു. പശ്ചിമ ബംഗാൾ സർക്കാർ ഇതിനായി 8.82 കോടി രൂപ കൊൽക്കത്ത പോലീസിന് അനുവദിച്ചു. ഗതാഗതത്തിനും പട്രോളിംഗിനും ഉപയോഗിക്കുന്ന ഡീസൽ വാഹനങ്ങൾ ക്രമേണ ഒഴിവാക്കുന്നതിനായി സെപ്റ്റംബറിൽ അവർ 226 നെക്സോൺ ഇവികൾ തങ്ങളുടെ വാഹന ശ്രേണിയില് ചേർത്തിരുന്നു. ഈ ഇലക്ട്രിക് എസ്യുവികൾ എട്ട് വർഷത്തേക്ക് പാട്ടത്തിനെടുത്തതായാണ് റിപ്പോര്ട്ടുകള്.
പാലത്തില് നിന്ന് മറിഞ്ഞ് നെക്സോണ്, പോറലുപോലുമില്ലാതെ കുടുംബം, മാസ്സാണ് ടാറ്റയെന്ന് ഉടമ!
ഇലക്ട്രിക് കാറുകൾ കൂടാതെ, നിലവിലെ ഇരുചക്രവാഹനങ്ങളെ ഇലക്ട്രിക് ബൈക്കുകളാക്കി മാറ്റാൻ കൊൽക്കത്ത പോലീസിന് 200 ഇലക്ട്രിക് കൺവേർഷൻ കിറ്റുകൾ ഉണ്ട്. വാഹന മലിനീകരണ പ്രശ്നം പരിഹരിക്കുന്നതിന് ചെലവ് കുറഞ്ഞ നടപടി ആവിഷ്കരിക്കുന്നതിനുള്ള മികച്ച രീതിയാണിത്.
2022 മെയ് മാസത്തിൽ 3,454 യൂണിറ്റുകൾ വിറ്റഴിച്ച ടാറ്റ നെക്സോണ് ഇവി ഇന്ത്യയിലെ ഏറ്റവും വിജയകരമായ ഇലക്ട്രിക് വാഹനമാണ്. കൂടാതെ, 15 ലക്ഷം രൂപയിൽ താഴെയുള്ള ഏക ഇലക്ട്രിക് എസ്യുവി കൂടിയാണിത്. വാഹനം ഒറ്റ ചാര്ജ്ജില് 300 കിലോമീറ്റർ റേഞ്ച് വാഗ്ദാനം ചെയ്യുന്നു എന്നാണ് ടാറ്റ പറയുന്നത്.
Tata Nexon EV Max : നെക്സോൺ ഇവി മാക്സ്, അറിയേണ്ടതെല്ലാം
ഇലക്ട്രിക് ഇരുചക്ര വാഹനമോ നാലു ചക്ര വാഹനമോ വാങ്ങുന്നവരെ സംസ്ഥാനത്ത് രജിസ്ട്രേഷൻ ഫീസ്, മോട്ടോർ വാഹനം, മറ്റ് നികുതികൾ എന്നിവ അടയ്ക്കുന്നതിൽ നിന്ന് ഒഴിവാക്കുമെന്ന് പശ്ചിമ ബംഗാൾ സർക്കാർ അടുത്തിടെ പ്രഖ്യാപിച്ചിരുന്നു. ഈ ആനുകൂല്യങ്ങൾ സിഎൻജി വാങ്ങുന്നവർക്കും വ്യാപിപ്പിക്കും. ഇളവുകൾക്ക് 2022 ഏപ്രിൽ 1 മുതൽ 2024 മാർച്ച് 31 വരെ സാധുതയുണ്ട്.
ടാറ്റ മോട്ടോഴ്സ് പാസഞ്ചർ വെഹിക്കിൾസിന്റെ ഇലക്ട്രിക് വാഹന ശ്രേണിയിൽ നിലവിൽ മൂന്ന് കാറുകൾ ഉൾപ്പെടുന്നു. അതായത് ടിഗോർ ഇവി, നെക്സൺ ഇവി, അടുത്തിടെ പുറത്തിറക്കിയ നെക്സൺ ഇവി മാക്സ്. ടാറ്റ ടിഗോർ ഇവിക്ക് 26kWh ലിഥിയം-അയൺ ബാറ്ററി ലഭിക്കുന്നു, കൂടാതെ ഒരു ചാർജിന് 306 കിലോമീറ്റർ ഡ്രൈവിംഗ് റേഞ്ച് അവകാശപ്പെടുന്നു. ഇതിന്റെ ഇലക്ട്രിക് മോട്ടോർ 75 hp & 170 Nm വികസിപ്പിക്കുന്നു, നിലവിൽ 12.49 ലക്ഷം രൂപയാണ് എക്സ്ഷോറൂം വില.
ടാറ്റ നെക്സോണ് ഇവിക്ക് 30.2kWh ലിഥിയം-അയൺ ബാറ്ററിയും നെക്സോണ് ഇവി മാക്സിന് 40.5kWh യൂണിറ്റും ലഭിക്കുന്നു. ഔട്ട്പുട്ടുകളെ സംബന്ധിച്ചിടത്തോളം, അവർ യഥാക്രമം 129 hp & 245 എന്എം, 143 hp & 250 Nm എന്നിവ വികസിപ്പിക്കുന്നു. നെക്സോൺ ഇവി ഒരു ചാർജിന് 312 കിലോമീറ്റർ റേഞ്ച് വാഗ്ദാനം ചെയ്യുമെന്ന് അവകാശപ്പെടുന്നു, അതേസമയം മാക്സ് പതിപ്പ് 437 കിലോമീറ്റർ ചാർജ് ചെയ്യുമെന്ന് റേറ്റുചെയ്യുന്നു. ഇവയുടെ എക്സ്ഷോറൂം വില യഥാക്രമം 14.79 ലക്ഷം, 17.74 ലക്ഷം രൂപ മുതലാണ്.
Tata Nexon EV : മൈലേജ് 437 കിമീ, അമ്പരപ്പിക്കും വില; പുത്തന് നെക്സോണ് അവതരിപ്പിച്ച് ടാറ്റ!
