ടാറ്റയുടെ ഈ വിലകുറഞ്ഞ കാർ കൂടുതൽ പരിഷ്‌കരിച്ചു, ഒറ്റ ചാർജിൽ 315 കിമീ ഓടും!
ഏതൊക്കെ പുതിയ ഫീച്ചറുകൾ ഉപയോഗിച്ചാണ് ഈ ഇവി അപ്‌ഡേറ്റ് ചെയ്തതെന്ന് വിശദമായി അറിയാം.
ടാറ്റ മോട്ടോഴ്‌സ് 2024 മോഡൽ വർഷത്തേക്ക് ചില പുതിയ ഫീച്ചറുകളോടെ ടിയാഗോ ഇവിയെ അപ്‌ഡേറ്റ് ചെയ്‌തു. ചെറിയ സൗന്ദര്യവർദ്ധക മാറ്റങ്ങളും മെച്ചപ്പെടുത്തലുകളും ഇതിൽ ഉൾപ്പെടുന്നു. നിലവിലുള്ള ഉപഭോക്താക്കളിൽ നിന്ന് ലഭിച്ച ഫീഡ്‌ബാക്ക് അടിസ്ഥാനമാക്കിയാണ് ഈ സുപ്രധാന അപ്‌ഡേറ്റുകൾ കമ്പനി വരുത്തിയിരിക്കുന്നത്. ഇതിനുപുറമെ, ഇലക്ട്രിക് ഹാച്ച്ബാക്കിൻ്റെ എക്സ്-ഷോറൂം വില 7.99 ലക്ഷം രൂപ മുതലാണ് ആരംഭിക്കുന്നത്. ഏതൊക്കെ പുതിയ ഫീച്ചറുകൾ ഉപയോഗിച്ചാണ് ഈ ഇവി അപ്‌ഡേറ്റ് ചെയ്തതെന്ന് വിശദമായി അറിയാം.
പുതിയ 2D ലോഗോ
കാറിൻ്റെ പുറംഭാഗം സൂക്ഷ്മമായി പരിശോധിച്ചാൽ, സാധാരണ ക്രോം ടാറ്റയുടെ ലോഗോ ഇനി ഇല്ലെന്ന് വ്യക്തമാകും. ഇത് മാറ്റി പുതിയ 2D ടാറ്റ ലോഗോ നൽകി, മുൻ ഗ്രില്ലിലും ടെയിൽഗേറ്റിലും സ്റ്റിയറിംഗ് വീലിലും പോലും ഇത് കാണാൻ കഴിയും.
ഓട്ടോ-ഡിമ്മിംഗ് ഐആർവിഎം
2024 ടാറ്റ ടിയാഗോ ഇവിക്ക് ഇപ്പോൾ ഒരു ഓട്ടോ-ഡിമ്മിംഗ് ഐആർവിഎം ലഭിക്കുന്നു. ടോപ്പ്-സ്പെക്ക് 'XZ+ ടെക് ലക്സ്' വേരിയൻ്റിൽ ഈ ഫീച്ചർ ലഭ്യമാണ്.
യുഎസ്ബി പോർട്ട്
യുഎസ്ബി ടൈപ്പ് സി ചാർജിംഗ് പോർട്ട് ഉപയോഗിച്ച് ടാറ്റ മോട്ടോഴ്‌സ് ഇവി അപ്‌ഡേറ്റ് ചെയ്തിട്ടുണ്ട്. XZ+ മുതൽ ആരംഭിക്കുന്ന എല്ലാ വേരിയൻ്റുകളിലും ഇത് ഇപ്പോൾ ലഭ്യമാകും.
പുതുക്കിയ ഗിയർ നോബ്
ടിയാഗോ ഇവിയുടെ എല്ലാ വകഭേദങ്ങളും ഇപ്പോൾ ഒരു പുതിയ ഗിയർ സെലക്ടർ നോബുമായി വരുന്നു.
ബാറ്ററി
രണ്ട് ബാറ്ററി പാക്ക് ഓപ്ഷനുകളിലാണ് ടാറ്റ ടിയാഗോ ഇവി അവതരിപ്പിച്ചിരിക്കുന്നത്. ഇത് 19.2kWh ബാറ്ററിയും 24kWh യൂണിറ്റും പായ്ക്ക് ചെയ്യുന്നു. നേരത്തെ 250 കിലോമീറ്ററായിരുന്നു ദൂരപരിധി. മറ്റൊന്നിൻ്റെ പരമാവധി ദൂരപരിധി 315 കിലോമീറ്ററാണ്. ആണ്. 60 ബിഎച്ച്പി പവറും 105 എൻഎം ടോർക്കും ഉൽപ്പാദിപ്പിക്കുന്ന ഒരൊറ്റ ഇലക്ട്രിക് മോട്ടോറാണ് ഈ ഹാച്ച്ബാക്കിന് കരുത്തേകുന്നത്. അതേസമയം വലിയ ബാറ്ററിയിൽ കൂടുതൽ ശക്തമായ മോട്ടോർ വരുന്നു. ഇത് 74 ബിഎച്ച്പി പവറും 114 എൻഎം ടോർക്കും സൃഷ്‍ടിക്കുന്നു.
