Asianet News MalayalamAsianet News Malayalam

തന്നെ മുറിച്ചയാളെ മരം മുകളിലേക്ക് വലിച്ചെറിഞ്ഞു, പ്രകൃതിയുടെ പ്രതികാരമെന്ന് മഹീന്ദ്ര മുതലാളി!

പ്രകൃതി മനുഷ്യരോട് ഉചിതമായ രീതിയിൽ പ്രതികാരം ചെയ്യും എന്ന് ഓര്‍മ്മപ്പെടുത്തിക്കൊണ്ട് മഹീന്ദ്ര ആൻഡ് മഹീന്ദ്ര മേധാവി പങ്കിട്ട ഒരു വീഡിയോ സോഷ്യല്‍ മീഡിയയില്‍ വൈറലാകുന്നു

The person who cut the tree was tossed upward by the tree, the Mahindra boss said that nature's revenge!
Author
First Published Aug 24, 2022, 12:33 PM IST

രാജ്യത്തെ പ്രമുഖ എസ്‍യുവി നിര്‍മ്മാതാക്കളായ മഹീന്ദ്ര ആൻഡ് മഹീന്ദ്രയുടെ ചെയര്‍മാന്‍ ആനന്ദ് മഹീന്ദ്ര എന്ന സോഷ്യയല്‍ മീഡിയയില്‍ സജീവമാണ്. തന്‍റെ രസകരവും കൌതുകകരവുമായ ട്വീറ്റുകളിലൂടെയും വീഡിയോകളിലൂടെയും തന്‍റെ ട്വിറ്റര്‍ അനുയായികൾക്കിടയിൽ അദ്ദേഹം അറിയപ്പെടുന്നു. അദ്ദേഹത്തിന്റെ പോസ്റ്റുകൾ അദ്ദേഹത്തിന്റെ അനുയായികളും ആരാധകരും ആകാംക്ഷയോടെ കാത്തിരിക്കുന്ന ഒന്നാണ്. അവ ഒരേ സമയം വിവരദായകവും രസകരവുമാണ്.  ഇപ്പോഴിതാ പ്രകൃതി മനുഷ്യരോട് ഉചിതമായ രീതിയിൽ പ്രതികാരം ചെയ്യും എന്ന് ഓര്‍മ്മപ്പെടുത്തിക്കൊണ്ട് അദ്ദേഹം പങ്കിട്ട ഒരു വീഡിയോ സോഷ്യല്‍ മീഡിയയില്‍ വൈറലാണ്. 

"എല്ലാത്തിനും കാരണം ചൈന.." തുറന്നടിച്ച് മഹീന്ദ്ര മുതലാളി, അവരുടെ നഷ്‍ടം ഇന്ത്യ നേട്ടമാക്കാനും ആഹ്വാനം!

ചെയ്യുന്നതിനൊക്കെ മനുഷ്യർക്ക് തിരികെ നൽകുന്നതിന് പ്രകൃതിക്ക് അതിന്റേതായ മാർഗമുണ്ട് എന്നാണ് മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര കഴിഞ്ഞ ദിവസം പങ്കിട്ട ഒരു വീഡിയോയിലൂടെ ഓര്‍മ്മിപ്പിക്കുന്നത്. മരത്തിൽ ഇരിക്കുന്ന കൊമ്പ് മുറിക്കുന്ന ഒരു വിഡ്ഢിയുടെ കഥ നിങ്ങൾ എപ്പോഴെങ്കിലും കേട്ടിട്ടുണ്ടോ? ആനന്ദ് മഹീന്ദ്ര പങ്കിട്ട ഏറ്റവും പുതിയ വീഡിയോ ഈ സാങ്കൽപ്പിക കഥയുടെ യഥാർത്ഥ ജീവിത പതിപ്പ് നൽകുന്നു എന്നാണ് സോഷ്യല്‍ മീഡിയ പറയുന്നത്. എന്നാൽ ഒരേയൊരു വ്യത്യാസം വീഡിയോയിൽ ഉൾപ്പെട്ടിരിക്കുന്ന ആളുകൾ ഒരു ശാഖയിൽ ഇരിക്കുകയായിരുന്നില്ല എന്നതാണ്. വൈറൽ ക്ലിപ്പ് ഒരു കാട്ടിൽ മരം മുറിക്കുന്ന മൂന്ന് പേരടങ്ങുന്ന സംഘത്തെ കാണിക്കുന്നു. ആനന്ദ് മഹീന്ദ്ര പങ്കുവെച്ച വീഡിയോയിൽ മൂന്ന് പേർ കാട്ടിൽ നിൽക്കുന്നതാണ്. വെട്ടിയ ഭാഗം പൂർത്തിയാക്കിയ ശേഷം, സംഘം വമ്പന്‍ മരത്തെ താഴേക്ക് തള്ളിയിടാൻ ശ്രമിക്കുന്നു.

എന്നാല്‍, മനുഷ്യനിർമിത നാശത്തിന് പ്രതികാരം ചെയ്യാൻ പ്രകൃതിക്ക് അതിന്റേതായ വഴിയുണ്ടെന്ന് അവർ മനസ്സിലാക്കുന്നത് ഈ നിമിഷത്തിലാണ്. അവർ വെട്ടിമാറ്റാൻ തിരഞ്ഞെടുത്ത മരം പാറക്കെട്ടുകളുടെ അരികിലായിരുന്നു. താഴേക്ക് തള്ളിയ വലിയ മരം അതിന്റെ മുകൾഭാഗം സമീപത്തുള്ള മറ്റ് മരങ്ങളുടെ ശിഖരങ്ങളിൽ കുടുങ്ങിയതിനെ തുടർന്ന് മുറിക്കുന്നവരുടെ ദിശയിലേക്ക് തിരിച്ചുവന്നു. ഇതോടെ മരത്തിന്റെ തള്ളലിൽ സംഘത്തിലെ ഒരാൾ മുകളിലേക്ക് തെറിച്ചുവീണു. വീഴ്ച മാരകമാണെന്ന് തോന്നുന്നില്ല. പക്ഷേ അതൊരു ദുരന്തമാണെന്ന് ഉറപ്പ്. 

ബുക്ക് ചെയ്‍ത വണ്ടി എന്ന് കിട്ടുമെന്ന് താരം, തന്‍റെ ഭാര്യ പോലും ക്യൂവിലാണെന്ന് മഹീന്ദ്ര മുതലാളി!

ക്ലിപ്പ് മ ശ്രദ്ധയിൽപ്പെട്ട ഉടന്‍ ആനന്ദ് മഹീന്ദ്ര അത് തന്റെ അനുയായികള്‍ക്കായി ട്വിറ്ററില്‍ പങ്കിടുകയായിരുന്നു. നിങ്ങൾ മരങ്ങൾ മുറിച്ചാൽ, അവർ വെറുതെ കിടക്കില്ല എന്നാണ് ക്ലിപ്പ് പങ്കു വച്ചുകൊണ്ട് ആനന്ദ് മഹീന്ദ്ര തമാശയായി പറഞ്ഞത്. പെട്ടെന്ന് തന്നെ മഹീന്ദ്രയുടെ ട്വീറ്റ് വൈറലായി. മൈക്രോ-ബ്ലോഗിംഗ് ആപ്ലിക്കേഷനിൽ വീഡിയോ 227.5 ആയിരത്തിലധികം ലൈക്കുകളും 6500-ലധികം ലൈക്കുകളും നേടി. 

നിരവധി പേരാണ് മഹീന്ദ്രയുടെ ഈ ക്ലിപ്പിന് കമന്‍റുകളുമായി എത്തിയത്. കമന്റ് വിഭാഗത്തിലെ ഭൂരിപക്ഷം പേരും ആനന്ദ് മഹീന്ദ്രയോട് യോജിച്ചു. ക്ലിപ്പിനോട് പ്രതികരിക്കുമ്പോൾ ഒരു ഉപയോക്താവ് ചോദിച്ചു, “സർ, നിങ്ങൾ ഗംഭീരനാണ്. ഈ രസകരമായ വീഡിയോകൾ എവിടെയാണ് നിങ്ങൾ കണ്ടെത്തുന്നത്?"

“ഒരു മരം നടൂ, അവർ തിരികെ നൽകും.. ഒരു മരം മുറിക്കൂ, അവർ അപ്പോഴും തിരികെ നൽകും.." മറ്റൊരാള്‍ എഴുതി 

“എന്നോട് വഴക്കുണ്ടാക്കരുത്. പ്രകൃതിക്ക് അതിന്റേതായ നർമ്മബോധമുണ്ട്.." വേറൊരാൾ പറഞ്ഞു

അതിനിടെ ദയവായി മരം സംരക്ഷിക്കൂ. ദയവായി പ്രകൃതിയെ രക്ഷിക്കാനും പലരും കുറിച്ചു

അതേസമയം ഈ സംഭവം നടന്നത് എവിടെ ആണെന്നോ മരം മുറിക്കുന്നതിൽ ഏർപ്പെട്ടിരിക്കുന്ന ആളുകള്‍ ആരൊക്കെ ആണെന്നോ തുടങ്ങിയ കാര്യങ്ങള്‍ സംബന്ധിച്ച് ഇതുവരെ വ്യക്തതയൊന്നും ഇല്ല.

ഇന്ത്യയില്‍ 130 ശതമാനം വളര്‍ച്ചയുമായി ജീപ്പ്, അമ്പരന്ന് വാഹനലോകം!

Follow Us:
Download App:
  • android
  • ios