കൂട്ടത്തിലെ കൊമ്പനാര്? ടൂ വീലർ വിൽപ്പനയിൽ വൻ കുതിപ്പ്, റോയൽ എൻഫീൽഡ് ആറാമൻ, ഒന്നാമൻ പുലിക്കുട്ടി തന്നെ
യൂണിറ്റുകൾ വിറ്റ കാര്യത്തില്‍ പട്ടികയില്‍ ഒന്നമാത് ഹീറോ മോട്ടോകോര്‍പ് ആണെങ്കിലും ഹോണ്ട മോട്ടോർസൈക്കിൾ ആൻഡ് സ്‍കൂട്ടർ ഇന്ത്യയാണ് വളര്‍ച്ചയില്‍ ഒന്നാമത്. 728 ശതമാനം എന്ന അമ്പരപ്പിക്കുന്ന വാര്‍ഷിക വളര്‍ച്ചയാണ് കമ്പനി രേഖപ്പെടുത്തിയത്
2022 മെയ് മാസത്തിലെ മൊത്തം 246 ശതമാനം വാർഷിക വളർച്ച രേഖപ്പെടുത്തി രാജ്യത്തെ ഇരുചക്ര വാഹന വിപണി (Two-wheeler sales report May 2022). ആകെ11,88,937 യൂണിറ്റുകൾ ആണ് ഇക്കാലയളവില്‍ വിവധ കമ്പനികള്‍ വിറ്റഴിച്ചത് എന്ന് ഫിനാന്‍ഷ്യല്‍ എക്സ്പ്രസ് ഡ്രൈവ് റിപ്പോര്‍ട്ട് ചെയ്യുന്നു. 2021 മെയ് മാസത്തിൽ 3,43,336 യൂണിറ്റുകൾ വിറ്റഴിച്ച സ്ഥാനത്താണിത്. ഇരുചക്ര വാഹന വിഭാഗത്തിൽ പ്രതിമാസം എട്ട് ശതമാനം വളർച്ചയും രേഖപ്പെടുത്തി.
ഡ്രൈവിംഗിനിടെ ബ്രേക്ക് പോയാല്‍ ചെയ്യേണ്ടതും ചെയ്യരുതാത്തതുമായ കാര്യങ്ങള്‍
യൂണിറ്റുകൾ വിറ്റ കാര്യത്തില്‍ പട്ടികയില്‍ ഒന്നമാത് ഹീറോ മോട്ടോകോര്‍പ് ആണെങ്കിലും ഹോണ്ട മോട്ടോർസൈക്കിൾ ആൻഡ് സ്‍കൂട്ടർ ഇന്ത്യയാണ് വളര്‍ച്ചയില്‍ ഒന്നാമത്. 728 ശതമാനം എന്ന അമ്പരപ്പിക്കുന്ന വാര്‍ഷിക വളര്‍ച്ചയാണ് കമ്പനി രേഖപ്പെടുത്തിയത്. അതായത് ഹോണ്ട 3,20,844 യൂണിറ്റുകളുടെ വിൽപ്പന നടത്തിയാണ് 728 ശതമാനം വളർച്ച രേഖപ്പെടുത്തിയത്. അതേസമയം ഹീറോ മോട്ടോകോർപ്പ് 4,66,466 യൂണിറ്റുകൾ വിറ്റഴിച്ചു.
ഒന്നാം സ്ഥാനത്ത് ഹീറോ മോട്ടോകോർപ്പിനും രണ്ടാമത് ഹോണ്ടയ്ക്കും പിന്നാലെ ടിവിഎസ് 1,91,482 യൂണിറ്റ് വിൽപ്പനയിൽ മൂന്നാം സ്ഥാനത്തെത്തി. 268 ശതമാനം വളർച്ച ടിവിഎസ് രേഖപ്പെടുത്തി. 2021 മെയ് മാസത്തിൽ ടിവിഎസ് 52,084 യൂണിറ്റുകൾ വിറ്റു. ടിവിഎസിന്റെ പ്രതിമാസ വളർച്ച നോക്കുമ്പോൾ, വിൽപ്പനയിൽ ആറ് ശതമാനം വർധനയാണ് രേഖപ്പെടുത്തിയത്.
2022 മെയ് മാസത്തിൽ 96,102 യൂണിറ്റുകൾ വിറ്റഴിച്ച ബജാജ് 60,342 യൂണിറ്റുകൾ വിറ്റ 2021 മെയ് മാസത്തേക്കാൾ 59 ശതമാനം വളർച്ച രേഖപ്പെടുത്തി. യഥാക്രമം 60,518 യൂണിറ്റുകളും 53,525 യൂണിറ്റുകളും വിറ്റഴിച്ച് 384, 167 ശതമാനം വളർച്ച രേഖപ്പെടുത്തി സുസുക്കിയും റോയൽ എൻഫീൽഡും ബജാജിന് തൊട്ടുപിന്നാലെയുണ്ട്.
കൂടാതെ, മേൽപ്പറഞ്ഞ കമ്പനികളുടെ വിൽപ്പന നമ്പറുകൾ 2022 ഏപ്രിലുമായി താരതമ്യപ്പെടുത്തുമ്പോൾ, റോയൽ എൻഫീൽഡിന് പുറമെ എല്ലാം നല്ല വളർച്ച രേഖപ്പെടുത്തി. ഹീറോ മോട്ടോകോർപ്പും സുസുക്കിയും യഥാക്രമം 17 ശതമാനവും 11 ശതമാനവും ഉയർന്നപ്പോൾ റോയൽ എൻഫീൽഡിന് ഒരു ശതമാനത്തിന്റെ നേരിയ ഇടിവ് രേഖപ്പെടുത്തി.
റോയൽ എൻഫീൽഡ് വിൽക്കുന്നത് പോലെയുള്ള പ്രീമിയം മോഡലുകളെ അപേക്ഷിച്ച് ഉപഭോക്താക്കൾ കമ്മ്യൂട്ടർ മോട്ടോർസൈക്കിളുകളും സ്‍കൂട്ടറുകളും തെരഞ്ഞെടുക്കുന്നതായി ട്രെൻഡ് കാണിക്കുന്നു. ഇത് റോയല്‍ എൻഫീല‍ഡിനെക്കാൾ കൂടുതൽ വാഹനങ്ങള്‍ വിൽക്കാൻ സുസുക്കിയെ സഹായിക്കുന്നു. ഈ ആവശ്യം ഉണ്ടായിരുന്നിട്ടും, ലോകത്തിലെ ഏറ്റവും പഴയ മോട്ടോർസൈക്കിൾ നിർമ്മാതാക്കൾക്ക് 2021 മെയ് മാസത്തെ അപേക്ഷിച്ച് 167 ശതമാനം വളർച്ച രേഖപ്പെടുത്താൻ കഴിഞ്ഞു. 2021 മെയ് മാസത്തിൽ 20,073 യൂണിറ്റുകൾ വിറ്റപ്പോൾ 53,525 യൂണിറ്റുകൾ വിറ്റു.
അഞ്ച് വർഷത്തെ വാറന്‍റി കവറേജോടെ ഔഡി ഇന്ത്യയിൽ 15 വർഷം ആഘോഷിക്കുന്നു
2021 മെയ് മാസവുമായി താരതമ്യപ്പെടുത്തുമ്പോൾ, വിൽപ്പന പ്രവണത കാണിക്കുന്നത് ഇന്ത്യൻ വാഹന വിപണി വളർച്ചയ്ക്ക് സാക്ഷ്യം വഹിക്കുന്നുവെന്നും ചിപ്പ് ക്ഷാമത്തിന്‍റെ രൂക്ഷത അൽപ്പം കുറഞ്ഞുവെന്നുമാണ്. കൂടാതെ, ഓഫീസുകൾ സാവധാനം തുറക്കുകയും ജീവനക്കാരോട് അവരുടെ ഓഫീസുകളിൽ നിന്ന് ജോലി ചെയ്യാൻ ആവശ്യപ്പെടുകയും ചെയ്‍തതോടെ ഇരുചക്രവാഹനങ്ങളുടെ ആവശ്യം വർദ്ധിച്ചു. ഇതും ഉയര്‍ന്ന വിൽപ്പനയ്ക്ക് കാരണമാകുന്നു എന്നാണ് റിപ്പോര്‍ട്ടുകള്‍.
ഈ കിടിലന്‍ സുരക്ഷാ സംവിധാനമുള്ള ഇന്ത്യയിലെ ഏറ്റവും താങ്ങാവുന്ന അഞ്ച് കാറുകൾ
