ഫോക്‌സ്‌വാഗൺ പുതിയ മൂന്ന്-വരി എസ്‌യുവി അവതരിപ്പിച്ചു, 2025 ൽ ഇന്ത്യയിലും എത്തിയേക്കും
ഓൾസ്‌പേസിന്റെ പിൻഗാമിയായി ഫോക്‌സ്‌വാഗൺ പുതിയ മൂന്ന് നിര എസ്‌യുവി വെളിപ്പെടുത്തി. ഈ പുതിയ എസ്‌യുവി യൂറോപ്പ്, വടക്കേ അമേരിക്ക തുടങ്ങിയ മറ്റ് വിപണികൾക്കൊപ്പം ഇന്ത്യയിൽ 'ടെയ്‌റോൺ' എന്ന പേരിൽ വിൽക്കും.
ടിഗ്വാൻ ഓൾസ്‌പേസിന്റെ പിൻഗാമിയായി ഫോക്‌സ്‌വാഗൺ പുതിയ മൂന്ന് നിര എസ്‌യുവി വെളിപ്പെടുത്തി. ഈ പുതിയ എസ്‌യുവി യൂറോപ്പ്, വടക്കേ അമേരിക്ക തുടങ്ങിയ മറ്റ് വിപണികൾക്കൊപ്പം ഇന്ത്യയിൽ 'ടെയ്‌റോൺ' എന്ന പേരിൽ വിൽക്കും. എന്നിരുന്നാലും, അതിന്റെ ജനപ്രീതി കാരണം ഇത് യു‌എസ്‌എയിൽ 'ടിഗുവാൻ' നെയിംപ്ലേറ്റിനൊപ്പം മാത്രമേ വരൂ. കമ്പനി ഇതിനകം ചൈനയിൽ മാത്രം ടെറോൺ എന്ന എസ്‌യുവി വിൽക്കുന്നുണ്ട്, എന്നാൽ എസ്‌യുവിയുടെ വരാനിരിക്കുന്ന രണ്ടാം തലമുറ മൂന്ന്-വരി മോഡൽ ആഗോള വിപണിയിലെത്തും. അടുത്തിടെ പുറത്തിറക്കിയ പുതിയ 5 സീറ്റർ ടിഗ്വാനിൽ നിന്ന് തികച്ചും വ്യത്യസ്തമായിരിക്കും ഇത്. 2025-ന്റെ തുടക്കത്തോടെ സികെഡി റൂട്ട് വഴി ടെയ്‌റോൺ ഇന്ത്യയിലെത്തുമെന്ന് റിപ്പോർട്ടുകൾ ഉണ്ടെങ്കിലും ഇതുസംബന്ധിച്ച് ഔദ്യോഗിക സ്ഥിരീകരണം ഇതുവരെ ലഭിച്ചിട്ടില്ല.
ഡിസൈനിന്റെയും സ്റ്റൈലിംഗിന്റെയും കാര്യത്തിൽ, പുതിയ വിഡബ്ല്യു ടെയ്‌റോൺ എസ്‌യുവി, ടിഗ്വാൻ ഓൾസ്‌പേസിൽ നിന്ന് കാര്യമായി വ്യത്യാസപ്പെട്ടിരിക്കുന്നു, അതിന്റെ മുൻഗാമിയേക്കാൾ വലുതും വിശാലവുമാണ്. യൂറോപ്യൻ വിപണികൾക്കായി, ജർമ്മനിയിലെ ഫോക്‌സ്‌വാഗന്റെ വോൾഫ്‌സ്‌ബർഗ് പ്ലാന്റിലാണ് എസ്‌യുവി നിർമ്മിക്കുന്നത്.
എംക്യുബി-ഇവോ പ്ലാറ്റ്‌ഫോമിൽ നിർമ്മിച്ച പുതിയ ഫോക്‌സ്‌വാഗൺ ടെയ്‌റോൺ എസ്‌യുവി ആഗോള വിപണികൾക്കായി എസ്‌യുവി, കൂപ്പെ ബോഡി ശൈലികളിൽ വാഗ്ദാനം ചെയ്യും. എസ്‌യുവി വേരിയന്‍റിൽ അഞ്ച്, ഏഴ് എന്നിങ്ങനെ രണ്ട് സീറ്റിംഗ് കോൺഫിഗറേഷനുകൾ ഉണ്ടാകുമെന്നാണ് പ്രതീക്ഷിക്കുന്നത് . വാങ്ങുന്നവർക്ക് രണ്ട് എഞ്ചിൻ ഓപ്ഷനുകൾ തിരഞ്ഞെടുക്കാം - 2.0L ടർബോ പെട്രോളും 2.0L ഡീസൽ എന്നിവ. ഇവ രണ്ടും 48V മൈൽഡ് ഹൈബ്രിഡ് സാങ്കേതികവിദ്യയിൽ നിന്ന് പ്രയോജനം ചെയ്യും. ട്രാൻസ്‍മിഷൻ ചുമതലകൾ ഏഴ് സ്പീഡ് ഡിസിടി ഓട്ടോമാറ്റിക് ഗിയർബോക്‌സ് കൈകാര്യം ചെയ്യും. ഒപ്പം 2WD, AWD എന്നിവയ്‌ക്കുള്ള ഓപ്ഷനുകളും ഉണ്ടായിരിക്കാൻ സാധ്യതയുണ്ട്.
കൂടാതെ, 1.5L പെട്രോൾ എഞ്ചിനും 19.7kWh ബാറ്ററി പാക്കും ഉള്ള രണ്ട് പെട്രോൾ പ്ലഗ്-ഇൻ ഹൈബ്രിഡ് പതിപ്പുകൾ ലഭ്യമാകും. ഈ ഹൈബ്രിഡുകൾ : 204 ബിഎച്ച്പി, 272 ബിഎച്ച്പി എന്നിങ്ങനെ രണ്ട് പവർ ഔട്ട്പുട്ടുകൾ വാഗ്ദാനം ചെയ്യുന്നു. കൂടാതെ 100 കിലോമീറ്ററില്‍ അധികം ഇലകട്രിക്ക് റേഞ്ച് വാഗ്ദാനം ചെയ്യുന്നു. ഇത് ഡിസി ഫാസ്റ്റ് ചാർജിംഗിനെ പിന്തുണയ്ക്കുന്നു. കൂടാതെ പവർ ഡെലിവറിക്കായി 6-സ്പീഡ് ഡിഎസ്‍ജി ഗിയർബോക്സുമായി ജോടിയാക്കിയിരിക്കുന്നു. ഇന്ത്യയിൽ, ഫോക്‌സ്‌വാഗൺ ടെയ്‌റോൺ 2.0 ലിറ്റർ പെട്രോൾ എഞ്ചിൻ മാത്രമായി നൽകാനാണ് സാധ്യത. പ്രധാനമായി, എല്ലാ പവർട്രെയിനുകളും തുടക്കം മുതൽ തന്നെ കർശനമായ EU7 എമിഷൻ മാനദണ്ഡങ്ങൾ പാലിക്കുന്നതിനാണ് രൂപകൽപ്പന ചെയ്തിരിക്കുന്നത്.
