ജനപ്രിയ മോഡലായ ടിഗ്വാന് ഒരു പെർഫോമൻസ് പതിപ്പിനെക്കൂടി അവതരിപ്പിച്ച് ഫോക്സ് വാഗണ്‍. ടിഗുവാൻ R എന്നറിയപ്പെടുന്ന പുതിയ മോഡൽ ശക്തമായ 315 bhp കരുത്ത് ഉത്പാദിപ്പിക്കുന്ന എഞ്ചിനിലാണ് എത്തുന്നതെന്ന് ഗാഡിവാഡി റിപ്പോര്‍ട്ട് ചെയ്യുന്നു.  ജർമനിയിൽ ഫോക്‌സ്‌വാഗണ്‍ ടിഗുവാൻ R-നായി 56,703.53 യൂറോയാണ് മുടക്കേണ്ടത്. അതായത് ഏകദേശം 50.05 ലക്ഷം രൂപ.

315 bhp പവർ ഉത്പാദിപ്പിക്കുന്ന EA888 evo4, 4 സിലിണ്ടർ ടർബോചാർജ്ഡ് എഞ്ചിനാണ് എസ്‌യുവിയുടെ പ്രധാന ഹൃദയം. ഈ എഞ്ചിന്‍ 2,100 മുതൽ 5,350 rpm വരെ 420 Nm ടോര്‍ക്ക് സൃഷ്ടിക്കാൻ ശേഷിയുള്ളതാണ്. 4.9 സെക്കൻഡിനുള്ളിൽ 0-100 
കിലോമീറ്റർ വേഗത കൈവരിക്കാൻ വാഹനത്തിനു സാധിക്കും.പുതിയ ഓൾ-വീൽ ഡ്രൈവ് സംവിധാനം ഉൾക്കൊള്ളുന്ന ടിഗുവാൻ R-ന് പരമാവധി 250 കിലോമീറ്റർ വേഗത കൈവരിക്കാനാകുമെന്നും കമ്പനി അവകാശപ്പെടുന്നു. വരാനിരിക്കുന്ന ഈ പുതിയ സ്പോർട്സ് കാർ പെർഫോമൻസും വേരിയബിളും സംയോജിച്ച എസ്‌യുവിയാണ്.

ക്യാബിനകത്ത് ഇന്റഗ്രേറ്റഡ് ഹെഡ് നിയന്ത്രണങ്ങളും, പ്രീമിയം സ്‌പോർട്‌സ് സീറ്റുകളും, ഇന്റഗ്രേറ്റഡ് ലാപ് ടൈമറിനൊപ്പം ഇഷ്‌ടാനുസൃതമാക്കിയ ഡിജിറ്റൽ കോക്ക്പിറ്റും കാർബൺ ഗ്രേയിലെ R-നിർദ്ദിഷ്ട അലങ്കാരങ്ങളും ഉൾപ്പെടുത്തിയിട്ടുണ്ട്. 18 ഇഞ്ച് ശക്തമായ ബ്രേക്ക് സിസ്റ്റവും ഉൾക്കൊള്ളുന്ന വിപുലീകൃത സാങ്കേതിക R ഉപകരണങ്ങളും കമ്പനി വാഗ്ദാനം ചെയ്യുന്നു. 

പുതിയ ഓൾ-വീൽ-ഡ്രൈവ് സംവിധാനത്തോടെയുള്ള R-പെർഫോമൻസ് ടോർഖ് വെക്ടറിംഗിനൊപ്പം 4 മോഷൻ ഗിയർബോക്സും അവതരിപ്പിക്കുന്നു. ഫോക്സ്‍വാഗൺ ആദ്യമായി രണ്ട് മൾട്ടിപ്ലേറ്റ് ക്ലച്ചുകളുള്ള ഒരു റിയർ ഫൈനൽ ഡ്രൈവും വാഹനത്തിൽ സജ്ജമാക്കിയിട്ടുണ്ട്. സ്റ്റൈലിംഗിന്റെ കാര്യത്തിൽ ബ്ലാക്ക് വീൽ ഹൗസിംഗ് എക്സ്റ്റൻഷനുകൾ, ഹൈ-ഗ്ലോസ് ബ്ലാക്ക്, മാറ്റ് ക്രോംഡ് ഒ‌ആർ‌വി‌എം, ഹൈ-ഗ്ലോസ് ബ്ലാക്ക് റിയർ ഡിഫ്യൂസർ, 20 ഇഞ്ച് മിസാനോ അലോയ് വീലുകൾ, എയറോഡൈനാമിക് ഘടകങ്ങളുള്ള പുതിയ R ഡിസൈൻ ബമ്പറുകളാണ് ടിഗുവാന്റെ പെർഫോമൻസ് വേരിയന്റിന്റെ ഡിസൈൻ സവിശേഷതകൾ.