മാരുതി സുസുക്കി, ഹ്യുണ്ടായ്, ടാറ്റ മോട്ടോഴ്സ്, മഹീന്ദ്ര, സ്കോഡ, സിട്രോൺ തുടങ്ങിയ കമ്പനികൾ ഈ പട്ടികയിൽ ഉൾപ്പെടുന്നു. ഇതാ ആ കമ്പനികളെയും അവർ നൽകുന്ന വിലക്കിഴിവുകളെയും കുറിച്ച് അറിയാം.
പുതുവർഷത്തിന് മുമ്പ് ബമ്പർ കിഴിവോടെ പുതിയ കാർ വാങ്ങാൻ നിങ്ങൾ ആഗ്രഹിക്കുന്നുവെങ്കിൽ, ഈ വാർത്ത നിങ്ങൾക്കുള്ളതാണ്. വാഹന മേഖലയിലെ വൻകിട കമ്പനികൾ തങ്ങളുടെ ജനപ്രിയ കാറുകൾക്ക് വർഷാവസാന ഡിസ്കൗണ്ടുകളുടെ രൂപത്തിൽ ബമ്പർ ഡിസ്കൗണ്ടുകൾ നൽകുന്നു. മാരുതി സുസുക്കി, ഹ്യുണ്ടായ്, ടാറ്റ മോട്ടോഴ്സ്, മഹീന്ദ്ര, സ്കോഡ, സിട്രോൺ തുടങ്ങിയ പല കമ്പനികളും ഈ പട്ടികയിൽ ഉൾപ്പെടുന്നു. ഇതാ ആ കമ്പനികളെയും അവർ നൽകുന്ന വിലക്കിഴിവുകളെയും കുറിച്ച് അറിയാം.
1. മാരുതി സുസുക്കി
ഇന്ത്യയിലെ ഏറ്റവും വലിയ കാർ വിൽപ്പനക്കാരനായ മാരുതി സുസുക്കി, അടുത്തിടെ പുറത്തിറക്കിയ മാരുതി സുസുക്കി ജിംനിയിൽ രണ്ടുലക്ഷം രൂപ വരെ കിഴിവ് വാഗ്ദാനം ചെയ്യുന്നു. അതേസമയം, ഏറ്റവും കൂടുതൽ വിറ്റഴിക്കപ്പെടുന്ന ഗ്രാൻഡ് വിറ്റാരയ്ക്ക് 25000 മുതൽ 30000 രൂപ വരെ കിഴിവും കമ്പനി നൽകുന്നുണ്ട്. ഇതിനുപുറമെ, ഏറ്റവും കൂടുതൽ വിറ്റഴിക്കപ്പെടുന്ന മാരുതി സുസുക്കി ഫ്രോങ്സിന് കമ്പനി 40,000 രൂപ വരെ കിഴിവ് നൽകുന്നു.
30 കിമീ മൈലേജ്, വില 6.81 ലക്ഷം; ഈ ടൊയോട്ട കാർ വാങ്ങാൻ കൂട്ടയിടി!
2. ഹ്യൂണ്ടായി
ഹ്യുണ്ടായ് അതിന്റെ പ്രീമിയം എസ്യുവി ടക്സണിൽ 1.5 ലക്ഷം രൂപ വരെ ക്യാഷ് കിഴിവ് വാഗ്ദാനം ചെയ്യുന്നു. ഹ്യുണ്ടായ് അതിന്റെ 7 സീറ്റർ എസ്യുവി അൽകാസറിന്റെ പെട്രോൾ വേരിയന്റിന് 35,000 രൂപ വരെയും ഡീസൽ വേരിയന്റിന് 20,000 രൂപ വരെയും കിഴിവ് വാഗ്ദാനം ചെയ്യുന്നു.
3. ടാറ്റ മോട്ടോഴ്സ്
ഇന്ത്യയിലെ മുൻനിര കാർ നിർമ്മാതാക്കളായ ടാറ്റ മോട്ടോഴ്സ് അതിന്റെ പ്രീ-ഫേസ്ലിഫ്റ്റ് ഹാരിയറിനും സഫാരിക്കും 1.5 ലക്ഷം രൂപ വരെ കിഴിവ് വാഗ്ദാനം ചെയ്യുന്നു. ഇതിനുപുറമെ ടാറ്റയുടെ ജനപ്രിയ ഇലക്ട്രിക് കാറായ നെക്സോൺ ഇവിക്ക് 2.6 ലക്ഷം രൂപ കിഴിവ് നൽകുന്നു.
4. മഹീന്ദ്ര
മഹീന്ദ്ര അതിന്റെ ഏറ്റവും പുതിയ XUV400 ഇവിയുടെ ടോപ്പ് വേരിയന്റിന് 4.2 ലക്ഷം രൂപ വരെ കിഴിവ് വാഗ്ദാനം ചെയ്യുന്നു. ഇതിനുപുറമെ, ഈ കാറിന്റെ ഇസി വേരിയന്റിന് കമ്പനി 1.7 ലക്ഷം രൂപ വരെ കിഴിവ് നൽകുന്നു. അതേസമയം, ബൊലേറോയ്ക്കും ബൊലേറോ നിയോയ്ക്കും 96000 രൂപയും 1.1 ലക്ഷം രൂപയും മഹീന്ദ്ര കിഴിവ് നൽകുന്നുണ്ട്.
5. സ്കോഡ
പ്രീമിയം സെഗ്മെന്റ് കാർ നിർമ്മാതാക്കളായ സ്കോഡ, അതിന്റെ മുൻനിര എസ്യുവിയായ കൊഡിയാകിന് 2.66 ലക്ഷം രൂപ കിഴിവ് വാഗ്ദാനം ചെയ്യുന്നു. ഇതിനുപുറമെ, സ്കോഡ അതിന്റെ കുഷാഖ് എസ്യുവിയിൽ 1.25 ലക്ഷം രൂപ വരെ കിഴിവ് വാഗ്ദാനം ചെയ്യുന്നു.
ശ്രദ്ധിക്കുക, മേൽപ്പറഞ്ഞ ഓഫറുകളും കിഴിവുകളുമെല്ലാം രാജ്യത്തെ വിവിധ ഭൂപ്രദേശങ്ങളെയും മോഡലുകളെയും സ്റ്റോക്കിനെയും വേരിയന്റുകളെയും നിറങ്ങളെയുമൊക്കെ അനുസരിച്ച് വ്യത്യാസപ്പെടാം. കൂടുതൽ വിവരങ്ങൾക്കായി നിങ്ങളുടെ തൊട്ടടുത്ത ഡീലറെ സമീപിക്കുക.
