ഡെലിവറി ശൃംഖല 100 ശതമാനം ഇലക്ട്രിക്കാക്കാന്‍ സൊമാറ്റോ
ഓണ്‍ലൈന്‍ ഭക്ഷ്യവിതരണ ശൃംഖലയായ സൊമാട്ടോ ഡെലിവറി ഫ്ലീറ്റിലേക്ക് 100 ശതമാനം ഇലക്ട്രിക് (ഇവി) വാഹനങ്ങളെത്തിക്കാൻ തയ്യാറെടുക്കുന്നതായി റിപ്പോര്‍ട്ട്
ഓണ്‍ലൈന്‍ ഭക്ഷ്യവിതരണ ശൃംഖലയായ സൊമാട്ടോ ഡെലിവറി ഫ്ലീറ്റിലേക്ക് 100 ശതമാനം ഇലക്ട്രിക് (ഇവി) വാഹനങ്ങളെത്തിക്കാൻ തയ്യാറെടുക്കുന്നതായി റിപ്പോര്‍ട്ട്. 2030 ഓടെ ഇത് പ്രാവര്‍ത്തികമാക്കാനാണ് നീക്കം എന്ന് ഇക്കണോമിക്ക് ടൈംസ് റിപ്പോര്‍ട്ട് ചെയ്യുന്നു. നിലവിൽ കുറച്ച് ഇ-വി കമ്പനികളുമായി ചേര്‍ന്നു പ്രവര്‍ത്തിക്കുന്നുണ്ടെന്നും ഡെലിവറികള്‍ക്കായി സാധ്യമായ മൊബിലിറ്റി സൊല്യൂഷനിലേക്ക് വേഗത്തില്‍ മാറാന്‍ കഴിയുന്ന ബിസിനസ് മോഡലുകള്‍ സൃഷ്‍ടിക്കുന്നതിന് ഇത് സഹായകമാകുമെന്നും കമ്പനി അറിയിച്ചു.
100 ശതമാനം ഇവികൾ സ്വീകരിക്കുന്നത് എളുപ്പമല്ലെങ്കിലും ദീർഘകാലാടിസ്ഥാനത്തിൽ ഇത് അത്യാവശ്യമാണ് എന്ന് കമ്പനി പറയുന്നു. കുറച്ച് തടസങ്ങൾ കാരണം നിലവിലെ അഡോപ്ഷൻ നിരക്ക് മന്ദഗതിയിലാണെന്നും അദ്ദേഹം ചൂണ്ടിക്കാട്ടി. ഈ തടസങ്ങളിൽ പരിമിതമായ ബാറ്ററി ശ്രേണി, ചാർജിംഗ് ഇൻഫ്രാസ്ട്രക്ചറിന്റെ അഭാവം, ഉയർന്ന ഇനീഷ്യൽ ചെലവ്, പുതിയ സാങ്കേതികവിദ്യയിലുള്ള വിശ്വാസക്കുറവ് എന്നിവ ഉൾപ്പെടുന്നു. എങ്കിലും ഈ മേഖലയിലെ ദ്രുതഗതിയിലുള്ള മാറ്റങ്ങളും സർക്കാരിന്റെ പോസിറ്റീവ് മുന്നേറ്റവും കണക്കിലെടുത്ത് വരും കാലങ്ങളിൽ വേഗത്തിലുള്ള അഡോപ്ഷൻ നിരക്ക് കമ്പനി പ്രതീക്ഷിക്കുന്നു.
പൈലറ്റുമാരെ രൂപകൽപ്പന ചെയ്യുന്നതിനും സുസ്ഥിര ഡെലിവറി സൊല്യൂഷനുകളിലേക്ക് വേഗത്തിൽ മാറാൻ സഹായിക്കുന്ന ബിസിനസ് മോഡലുകൾ സൃഷ്‍ടിക്കുന്നതിനും കമ്പനി ഇതിനകം കുറച്ച് ഇവി നിർമ്മാതാക്കളുമായി പ്രവർത്തിക്കുന്നു. നിലവിൽ കുറച്ച് ഇ-വി കമ്പനികളുമായി ചേര്‍ന്നു പ്രവര്‍ത്തിക്കുന്നുണ്ടെന്നും ഡെലിവറികള്‍ക്കായി സാധ്യമായ മൊബിലിറ്റി സൊല്യൂഷനിലേക്ക് വേഗത്തില്‍ മാറാന്‍ കഴിയുന്ന ബിസിനസ് മോഡലുകള്‍ സൃഷ്‍ടിക്കുന്നതിന് ഇത് സഹായകമാകുമെന്നും കമ്പനി അറിയിച്ചു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്‍തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
