2025 നവംബറിൽ ഹോണ്ട അമേസ് സെഡാന് 67,000 രൂപ വരെ കിഴിവ് പ്രഖ്യാപിച്ചു. 28 സുരക്ഷാ ഫീച്ചറുകളോടെ എത്തുന്ന പുതിയ മൂന്നാം തലമുറ അമേസ്, 1.2 ലിറ്റർ പെട്രോൾ എഞ്ചിനിലാണ് പ്രവർത്തിക്കുന്നത്. ഈ കിഴിവുകൾ വേരിയന്റുകൾക്കും സ്ഥലങ്ങൾക്കും അനുസരിച്ച് വ്യത്യാസപ്പെടാം.

2025 നവംബറിൽ തങ്ങളുടെ കാറുകൾക്ക് ജാപ്പനീസ് വാഹന ബ്രൻഡായ ഹോണ്ട കാർസ് ഇന്ത്യ കിഴിവുകൾ പ്രഖ്യാപിച്ചു. ഈ മാസം, കമ്പനി തങ്ങളുടെ പ്രീമിയം, ബെസ്റ്റ് സെല്ലിംഗ് അമേസ് സെഡാനിൽ 67,000 രൂപ വിലക്കിഴിവ് വാഗ്ദാനം ചെയ്യുന്നു. ഈ കാർ വാങ്ങുന്ന ഉപഭോക്താക്കൾക്ക് ലോയൽറ്റി, എക്സ്ചേഞ്ച്, കോർപ്പറേറ്റ്, ക്യാഷ് ഡിസ്കൗണ്ടുകൾ വാഗ്ദാനം ചെയ്യുന്നു. അമേസിന്റെ V, VX, ZX വേരിയന്റുകളിൽ ഈ കിഴിവ് ലഭ്യമാകും. ഇതിന്റെ പ്രാരംഭ എക്സ്-ഷോറൂം വില നിലവിൽ ₹6.97 ലക്ഷമാണ്.

മൂന്നാം തലമുറ അമേസിനാണ് കമ്പനി ഏറ്റവും വലിയ കിഴിവ് വാഗ്ദാനം ചെയ്യുന്നത്. ESC, ബ്ലൈൻഡ്-സ്പോട്ട് അസിസ്റ്റൻസിനുള്ള ലെയ്ൻ-വാച്ച് ക്യാമറ, എമർജൻസി സ്റ്റോപ്പ് സിഗ്നലുകൾ, സ്റ്റാൻഡേർഡായി ആറ് എയർബാഗുകൾ എന്നിവയുൾപ്പെടെ 28 സുരക്ഷാ സവിശേഷതകളോടെയാണ് പുതിയ അമേസ് വരുന്നത്. ഇന്ത്യൻ വിപണിയിൽ മാരുതി ഡിസയർ, ഹ്യുണ്ടായി വെർണ, ഹ്യുണ്ടായി ഓറ തുടങ്ങിയ മോഡലുകളുമായി അമേസ് നേരിട്ട് മത്സരിക്കുന്നു.

പുതിയ അമേസിന്റെ സവിശേഷതകളും സ്പെസിഫിക്കേഷനുകളും

V, VX, ZX എന്നീ മൂന്ന് വേരിയന്റുകളിലാണ് ഹോണ്ട പുതിയ അമേസ് പുറത്തിറക്കിയിരിക്കുന്നത്. അമേസ് ZX-ന്റെ മറ്റ് സവിശേഷതകളെ കുറിച്ച് പറയുകയാണെങ്കിൽ, എൽഇഡി പ്രൊജക്ടർ ഹെഡ്‌ലാമ്പുകൾ, അമേസ് സിവിടിയ്‌ക്കുള്ള പുഷ് ബട്ടൺ സ്റ്റാർട്ട്/സ്റ്റോപ്പ്, റിമോട്ട് സ്റ്റാർട്ട്, ഓട്ടോമാറ്റിക് ക്ലൈമറ്റ് കൺട്രോൾ, വയർലെസ് ചാർജിംഗ്, റിയർ എസി വെന്റുകൾ, റിയർവ്യൂ, ലെയ്ൻ-വാച്ച് ക്യാമറ, ഓട്ടോ ഹെഡ്‌ലാമ്പുകൾ, വൈപ്പറുകൾ തുടങ്ങിയ സവിശേഷതകളും ഇതിലുണ്ട്. പുതിയ എക്സ്റ്റീരിയർ, ഇന്റീരിയർ, ചില സെഗ്‌മെന്റ് ഫസ്റ്റ് സവിശേഷതകൾ എന്നിവയുടെ സഹായത്തോടെ, പുതിയ അമേസ് ഉപഭോക്താക്കൾക്കിടയിൽ ജനപ്രിയമായിക്കൊണ്ടിരിക്കുകയാണ്. അധിക ചിലവിൽ സീറ്റ് വെന്റിലേഷൻ, മസാജ് ഫംഗ്ഷൻ തുടങ്ങിയ സവിശേഷതകൾ നൽകുന്ന ഓപ്ഷണൽ സീറ്റ് കവറുകളും കമ്പനി ഉപഭോക്താക്കൾക്ക് ആക്‌സസറികളായി വാഗ്ദാനം ചെയ്യുന്നു.

പുതുക്കിയ മൂന്നാം തലമുറ അമേസിന് 1.2 ലിറ്റർ NA പെട്രോൾ എഞ്ചിനാണ് കരുത്ത് പകരുന്നത്. എല്ലാ വകഭേദങ്ങളിലും അഞ്ച് സ്‍പീഡ് മാനുവൽ, സിവിടി ഗിയർബോക്‌സ് ഓപ്ഷനുകൾ ലഭ്യമാണ്. പെട്രോൾ എഞ്ചിൻ 89 bhp കരുത്തും 110 Nm പീക്ക് ടോർക്കും ഉത്പാദിപ്പിക്കുന്നു. മൈലേജിന്റെ കാര്യത്തിൽ, മാനുവൽ വേരിയന്റ് 18.65 കിലോമീറ്റർ മൈലേജ് നൽകുന്നു. ഓട്ടോമാറ്റിക് വേരിയന്റ് 19.46 കിലോമീറ്റർ മൈലേജ് നൽകുന്നു. കമ്പനി ഇപ്പോൾ 360-ഡിഗ്രി ക്യാമറയും വാഗ്ദാനം ചെയ്യുന്നു.

ക്രാഷ് ടെസ്റ്റുകളിൽ പഴയ അമേസിന് 2-സ്റ്റാർ റേറ്റിംഗ് മാത്രമേ ലഭിച്ചുള്ളൂ. കർട്ടൻ എയർബാഗുകൾ, ഇഎസ്‍സി (ഇലക്ട്രോണിക് സ്റ്റെബിലിറ്റി കൺട്രോൾ) പോലുള്ള ചില സവിശേഷതകളില്ലാത്തതാണ് കുറഞ്ഞ റേറ്റിംഗിനുള്ള പ്രധാന കാരണം. അത്തരമൊരു സാഹചര്യത്തിൽ, പുതിയ അമേസിന് നിരവധി അധിക സുരക്ഷാ സവിശേഷതകൾ നൽകിയിട്ടുണ്ട്. ഇത് അഞ്ച് സ്റ്റാർ ക്രാഷ് റേറ്റിംഗ് നേടാൻ സഹായിക്കും. പുതിയ മോഡലിന് ഇഎസ്‍സി, ബ്ലൈൻഡ്-സ്പോട്ട് സഹായത്തിനുള്ള ലെയ്ൻ വാച്ച് ക്യാമറ, എമർജൻസി സ്റ്റോപ്പ് സിഗ്നൽ, സ്റ്റാൻഡേർഡ് ആറ് എയർബാഗുകൾ, അഞ്ച് യാത്രക്കാർക്കും 3-പോയിന്‍റ് സീറ്റ് ബെൽറ്റുകൾ, സീറ്റ് ബെൽറ്റ് റിമൈൻഡർ തുടങ്ങിയവ ഉൾപ്പെടെ 28 സുരക്ഷാ സവിശേഷതകൾ ലഭിക്കുന്നു.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.