ഒരുകാലത്ത് കുറഞ്ഞ വിൽപ്പന നേരിട്ടിരുന്ന മഹീന്ദ്രയുടെ എംപിവി മറാസോ, വിൽപ്പനയിൽ 227% വാർഷിക വളർച്ച രേഖപ്പെടുത്തി. 2026 സാമ്പത്തിക വർഷത്തിന്റെ ആദ്യ പകുതിയിൽ 252 യൂണിറ്റുകൾ വിറ്റഴിച്ചു.
മഹീന്ദ്ര എന്ന കാർ ബ്രാൻഡിനെക്കുറിച്ച് ചിന്തിക്കുമ്പോൾ, സ്കോർപിയോ, ഥാർ, XUV700 പോലുള്ള ആകർഷകമായ എസ്യുവികളാണ് നമ്മുടെ മനസിൽ വരുന്നത്. ഈ എസ്യുവികളിൽ, മഹീന്ദ്രയുടെ ഒരേയൊരു എംപിവി (മൾട്ടി-പർപ്പസ് വെഹിക്കിൾ) മറാസോ ആണ്. വളരെക്കാലമായി കുറഞ്ഞ വിൽപ്പനയുമായി ബുദ്ധിമുട്ടുന്ന ഈ എംപിവി, 2026 സാമ്പത്തിക വർഷത്തിന്റെ ആദ്യ പകുതിയിൽ (ഏപ്രിൽ-സെപ്റ്റംബർ 2025) ശ്രദ്ധേയമായ വിൽപ്പന കണക്കുകൾ രേഖപ്പെടുത്തി എന്നാണ് പുതിയ റിപ്പോട്ടുകൾ.
227 ശതമാനം വിൽപ്പന വളർച്ച
കുറഞ്ഞ വിൽപ്പനയിലൂടെ വാർത്തകളിൽ ഇടം നേടിയരുന്ന മഹീന്ദ്ര മറാസോ ഇപ്പോൾ, 2026 സാമ്പത്തിക വർഷത്തിന്റെ ആദ്യ പകുതിയിൽ വാർഷികാടിസ്ഥാനത്തിൽ 227% വിൽപ്പന വളർച്ച രേഖപ്പെടുത്തി. 2025 സാമ്പത്തിക വർഷത്തിന്റെ ആദ്യ പകുതിയിൽ 77 യൂണിറ്റുകൾ മാത്രമുണ്ടായിരുന്ന മറാസോയുടെ വിൽപ്പന 252 യൂണിറ്റായി ഉയർന്നു. മുൻ കാലയളവിനെ അപേക്ഷിച്ച് 227% വാർഷികാടിസ്ഥാനത്തിൽ ഇത് വർദ്ധനയാണ്.
കഴിഞ്ഞ വർഷത്തെ വളരെ കുറഞ്ഞ വിൽപ്പന (77 യൂണിറ്റുകൾ)യുടെ പശ്ചാത്തലത്തിലാണ് ഈ വളർച്ചയുണ്ടായതെങ്കിലും, 252 യൂണിറ്റുകളുടെ വിൽപ്പനയാണ് മികച്ച 10 എംപിവികളിൽ ഒന്നായി ഇത് സ്ഥാനം നേടി. വിൽപ്പന പട്ടികയിൽ പത്താം സ്ഥാനത്താണ് നിലവിൽ മരാസോ. കമ്പനിയുടെ പോർട്ട്ഫോളിയോയിൽ പലപ്പോഴും അവഗണിക്കപ്പെടുന്ന മറാസോ വീണ്ടും വാങ്ങുന്നവരുടെ ശ്രദ്ധ ആകർഷിക്കുന്നുവെന്ന് ഇത് കാണിക്കുന്നു.
Related Articles
മഹീന്ദ്ര മറാസോ അതിന്റെ മികച്ച യാത്രാ സുഖം, ഗുണനിലവാരമുള്ള ഇന്റീരിയറുകൾ, 4-സ്റ്റാർ ജിഎൻസിഎപി സുരക്ഷാ റേറ്റിംഗ് എന്നിവയ്ക്ക് പേരുകേട്ടതാണ്. മാരുതി എർട്ടിഗയ്ക്കും ടൊയോട്ട ഇന്നോവ ക്രിസ്റ്റ/ഹൈക്രോസിനും ഇടയിൽ ഒരു സവിശേഷ സ്ഥാനം സൃഷ്ടിക്കാൻ ഇത് ശ്രമിക്കുന്നു. 227% വർദ്ധനവിന് ഏറ്റവും വലിയ കാരണം കഴിഞ്ഞ വർഷത്തെ നിരാശാജനകമായ വിൽപ്പനയാണ് (77 യൂണിറ്റുകൾ). താഴ്ന്ന അടിസ്ഥാന നിലവാരം കണക്കിലെടുക്കുമ്പോൾ, ഒരു ചെറിയ ശതമാനം വർദ്ധനവ് പോലും ഗണ്യമായി കാണപ്പെടുന്നു. ഉത്സവ സീസണിന് മുമ്പ് ആകർഷകമായ കിഴിവുകളും ഓഫറുകളും നൽകി മഹീന്ദ്ര തങ്ങളുടെ ഡീലർമാരുടെ പക്കൽ സൂക്ഷിച്ചിരിക്കുന്ന മറാസോയുടെ പഴയ സ്റ്റോക്ക് വേഗത്തിൽ വിറ്റഴിച്ചിരിക്കാൻ സാധ്യതയുണ്ട്. ഒപ്പം എംപിവി വിഭാഗത്തിലെ നികുതി ഇളവ് കൊണ്ടുവന്ന ഉത്തേജനം ജനപ്രീതി കുറഞ്ഞ മോഡലുകൾക്കും ഒരു പരിധിവരെ ഗുണം ചെയ്തിരിക്കാം.
1.5 ലിറ്റർ ഡീസൽ എഞ്ചിനാണ് മരാസോയുടെ ഹൃദയം. ഈ എഞ്ചിൻ 121 കുതിരശക്തിയും 300 ന്യൂട്ടൺ മീറ്റർ ടോർക്കും ഉത്പാദിപ്പിക്കുന്നു. ഇതിന് 6 സ്പീഡ് ഗിയർബോക്സുണ്ട്. ഈ കാറിന്റെ എല്ലാ വകഭേദങ്ങളിലും എയർബാഗുകൾ, എബിഎസ്, ഇബിഡി, സുരക്ഷയ്ക്കായി റിയർ പാർക്കിംഗ് സെൻസർ തുടങ്ങിയ സവിശേഷതകൾ ഉണ്ടായിരിക്കും. ഇതിന്റെ സവിശേഷതകളെക്കുറിച്ച് പറയുകയാണെങ്കിൽ, 7.0 ഇഞ്ച് ഇൻഫോടെയ്ൻമെന്റ് സിസ്റ്റം (ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റിയോടൊപ്പം), റിമോട്ട് കീലെസ് എൻട്രി, ഓട്ടോ ക്ലൈമറ്റ് കൺട്രോൾ, സെൻട്രൽ എസി, 17 ഇഞ്ച് അലോയി വീലുകൾ തുടങ്ങിയ സവിശേഷതകൾ മരാസോയിൽ ലഭിക്കുന്നു.