2025 സെപ്റ്റംബർ 9 മുതൽ 14 വരെ ജർമ്മനിയിൽ നടക്കുന്ന മ്യൂണിക്ക് മോട്ടോർ ഷോയിൽ രണ്ടാം തലമുറ ഫോക്സ്വാഗൺ ടി-റോക്ക് എസ്യുവി അരങ്ങേറ്റും. ഹൈബ്രിഡ് പവർട്രെയിൻ അവതരിപ്പിക്കുന്ന ബ്രാൻഡിന്റെ ആദ്യ മോഡലായിരിക്കും ഇത്.
2025 സെപ്റ്റംബർ 9 മുതൽ 14 വരെ ജർമ്മനിയിൽ നടക്കാനിരിക്കുന്ന മ്യൂണിക്ക് മോട്ടോർ ഷോയിൽ ഔദ്യോഗിക അരങ്ങേറ്റത്തിന് മുന്നോടിയായി രണ്ടാം തലമുറ ഫോക്സ്വാഗൺ ടി-റോക്ക് എസ്യുവിയുടെ ടീസർ പുറത്തിറങ്ങി . ആഗോള വിപണികളിൽ, ഈ 5-ഡോർ, 5-സീറ്റർ എസ്യുവി 2026 ന്റെ രണ്ടാം പകുതിയിൽ വിൽപ്പനയ്ക്കെത്തും, കൂടാതെ ടൊയോട്ട കൊറോള ക്രോസ്, നിസാൻ കാഷ്കായ്, ഹ്യുണ്ടായി കോന, ടൊയോട്ട സി-എച്ച്ആർ തുടങ്ങിയ കാറുകളുമായി മത്സരിക്കുന്നത് തുടരും. 2026 ഫോക്സ്വാഗൺ ടി-റോക്കിന്റെ പ്രധാന പ്രത്യേകത, ശക്തമായ ഹൈബ്രിഡ് പവർട്രെയിൻ അവതരിപ്പിക്കുന്ന ബ്രാൻഡിന്റെ ആദ്യ മോഡലായിരിക്കും രണ്ടാം തലമുറ ഫോക്സ്വാഗൺ ടി-റോക്ക്.
ഹൈബ്രിഡ് പവർട്രെയിൻ വിശദാംശങ്ങൾ ഇതുവരെ വെളിപ്പെടുത്തിയിട്ടില്ല. എങ്കിലും ടൊയോട്ടയുടെ ആറ്റ്കിൻസൺ സൈക്കിൾ പെട്രോൾ-ഹൈബ്രിഡ് സിസ്റ്റത്തിന് സമാനമായ രീതിയിൽ ഇത് പ്രവർത്തിക്കുമെന്ന് പ്രതീക്ഷിക്കുന്നു. ഇതിനർത്ഥം ഫോക്സ്വാഗന്റെ ഹൈബ്രിഡ് പവർട്രെയിൻ ചക്രങ്ങൾ ഓടിക്കാൻ ഒരു പെട്രോൾ എഞ്ചിനുമായി ഒരു ഇലക്ട്രിക് മോട്ടോറും സംയോജിപ്പിക്കും എന്നാണ്. പുതിയ ഫോക്സ്വാഗൺ ഹൈബ്രിഡ് എസ്യുവിയിൽ 1.5 ലിറ്റർ, 4-സിലിണ്ടർ ടർബോചാർജ്ഡ് പെട്രോൾ എഞ്ചിൻ, 201bhp മുതൽ 268bhp വരെ പവറും 350 എൻഎം മുതൽ 400 എൻഎം വരെ ടോർക്കും ഉത്പാദിപ്പിക്കുന്ന ഒരു ഇലക്ട്രിക് മോട്ടോറും ഉപയോഗിക്കാമെന്ന് റിപ്പോർട്ടുകൾ സൂചിപ്പിക്കുന്നു.
തിരഞ്ഞെടുത്ത ആഗോള വിപണികളിൽ, നിലവിലെ തലമുറ ഫോക്സ്വാഗൺ ടി-റോക്ക് 1.4 ലിറ്റർ, 4-സിലിണ്ടർ ടർബോ പെട്രോൾ, 2.0 ലിറ്റർ, 4-സിലിണ്ടർ ടർബോ പെട്രോൾ എഞ്ചിൻ ഓപ്ഷനുകളിൽ ലഭ്യമാണ്. ആദ്യത്തെ എഞ്ചിൻ പരമാവധി 147 bhp കരുത്തും 250 Nm ടോർക്കും ഉത്പാദിപ്പിക്കുമ്പോൾ, രണ്ടാമത്തേത് 188 bhp കരുത്തും 320 Nm ടോർക്കും നൽകുന്നു. ഫ്ലാഗ്ഷിപ്പ് R വേരിയന്റിൽ 296 bhp കരുത്തും 2.0 L ടർബോചാർജ്ഡ് പെട്രോൾ എഞ്ചിനാണ് വരുന്നത്.
പുതിയ ടി-റോക്കിന് സമഗ്രമായ ഡിസൈൻ മാറ്റങ്ങളും ഫീച്ചർ അപ്ഗ്രേഡുകളും ഒരു പുതിയ ഹൈബ്രിഡ് പവർട്രെയിനും ലഭിക്കാൻ സാധ്യതയുണ്ട്. ചോർന്ന ചിത്രങ്ങൾ അനുസരിച്ച്, എസ്യുവിയിൽ ഹെഡ്ലാമ്പുകൾക്ക് താഴെയായി സ്ഥാപിച്ചിരിക്കുന്ന ഒരു വലിയ ഷഡ്ഭുജ ആകൃതിയിലുള്ള ഗ്രില്ലും ഇരുവശത്തും കറുത്ത നിറത്തിലുള്ള മധ്യഭാഗവും ബോഡി-കളർ ഘടകങ്ങളും ഉണ്ടായിരിക്കും.
ഹെഡ്ലാമ്പുകൾ മുമ്പത്തേക്കാൾ മെലിഞ്ഞതായിരിക്കും. മധ്യഭാഗത്ത് സിഗ്നേച്ചർ ലോഗോയുള്ള ഒരു സ്ലിം എൽഇഡി ലൈറ്റ് ബാർ ഉപയോഗിച്ച് ബന്ധിപ്പിച്ചിരിക്കും. മുന്നിലെയും പിന്നിലെയും ഓവർഹാങ്ങുകൾ നീളത്തിൽ ദൃശ്യമാകും. അതേസമയം ഫ്രണ്ട് ഫെൻഡറിലെ ക്രീസ് കൂടുതൽ വ്യക്തമാകും. ലൈറ്റ് ബാർ വഴി ബന്ധിപ്പിച്ചിരിക്കുന്ന പുതിയ ടെയിൽലാമ്പുകൾ, ചെറുതായി പരിഷ്കരിച്ച പിൻ ബമ്പർ എന്നിവയാണ് മറ്റ് ഡിസൈൻ ഹൈലൈറ്റുകൾ.
