2026 ജനുവരിയിൽ ഇന്ത്യയിലെ ചെറു എസ്യുവി വിപണിയിൽ ടാറ്റ മോട്ടോഴ്സ് ആധിപത്യം തുടർന്നു, നെക്സോണും പഞ്ചും ആദ്യ രണ്ട് സ്ഥാനങ്ങൾ നേടി. മാരുതി ബ്രെസ മൂന്നാം സ്ഥാനത്തെത്തിയപ്പോൾ, സ്കോഡ കൈലോക്ക് പോലുള്ള മോഡലുകൾ ഗണ്യമായ വളർച്ച രേഖപ്പെടുത്തി
2026 ജനുവരിയിലും ഇന്ത്യയിൽ ചെറു എസ്യുവികൾക്കുള്ള ആവശ്യം ശക്തമായി തുടർന്നു. ഈ മാസം ആകെ 121,150 യൂണിറ്റുകൾ വിറ്റു, മുൻ വർഷത്തേക്കാൾ 13.26% വർധന. എങ്കിലും 2025 ഡിസംബറുമായി താരതമ്യം ചെയ്യുമ്പോൾ വിൽപ്പനയിൽ നേരിയ ഇടിവ് രേഖപ്പെടുത്തി. 0.36 ശതമാനമാണ് ഇടിവ്. ഈ വിഭാഗത്തിൽ ടാറ്റ മോട്ടോഴ്സ് മുൻപന്തിയിൽ തുടർന്നു. 23,365 യൂണിറ്റുകളുമായി ടാറ്റ നെക്സോൺ പട്ടികയിൽ ഒന്നാമതെത്തി. മുൻ വർഷത്തേക്കാൾ 51.75 ശതമാനം ഗണ്യമായ വർധന. 19,257 യൂണിറ്റുകൾ വിറ്റഴിച്ച ടാറ്റ പഞ്ച് രണ്ടാം സ്ഥാനത്തെത്തി. ഈ രണ്ട് കാറുകളും ചേർന്ന് ടാറ്റയെ വിപണിയിലെ മുൻനിരയിലാക്കി.
17,486 യൂണിറ്റുകളുമായി മാരുതി ബ്രെസ മൂന്നാം സ്ഥാനത്തെത്തി. കഴിഞ്ഞ വർഷത്തെ അപേക്ഷിച്ച് ബ്രെസയുടെ വിൽപ്പന 18.57% വളർച്ച നേടി. പുതിയ മോഡൽ ഉടൻ പുറത്തിറങ്ങും. അതേസമയം, മാരുതി ആൾട്ടോ കെ10 ന്റെ വിൽപ്പന 13,353 യൂണിറ്റായി കുറഞ്ഞു. ഹ്യുണ്ടായി വെന്യുവും കിയ സോണറ്റും ശക്തമായ വളർച്ച കൈവരിച്ചു. വെന്യു 12,413 യൂണിറ്റുകൾ വിറ്റപ്പോൾ കിയ സോണറ്റ് 52.88% വിൽപ്പന വളർച്ച കൈവരിച്ചു, 10,998 യൂണിറ്റുകൾ വിറ്റു.
മഹീന്ദ്ര XUV3XO 8,845 യൂണിറ്റുകളും ഹ്യുണ്ടായി എക്സ്റ്റർ 5,621 യൂണിറ്റുകളും വിറ്റു. അടുത്ത മാസം പുതിയ എക്സ്റ്റർ മോഡൽ പുറത്തിറക്കാൻ ഹ്യുണ്ടായി തയ്യാറെടുക്കുന്നു. സ്കോഡ കൈലോക്കിന്റെ വിൽപ്പനയിൽ 159.26% ഗണ്യമായ വർധനവുണ്ടായി, 3,220 യൂണിറ്റുകൾ വിറ്റു. ടൊയോട്ട ടേസറിന്റെയും നിസ്സാൻ മാഗ്നൈറ്റിന്റെയും വിൽപ്പന ഏകദേശം 2,500 യൂണിറ്റുകൾ വീതമായിരുന്നു. മുൻ മാസത്തെ അപേക്ഷിച്ച് മാഗ്നൈറ്റ് 31.55% ശക്തമായ വളർച്ച കൈവരിച്ചു.
Related Articles
റെനോ കൈഗർ (703 യൂണിറ്റുകൾ), മാരുതി ജിംനി (591 യൂണിറ്റുകൾ) എന്നിവയാണ് പട്ടികയിൽ തൊട്ടുപിന്നിൽ. ജിംനിയിൽ ഉടൻ തന്നെ പുതിയ സുരക്ഷാ സവിശേഷതകൾ (ADAS) ലഭിക്കുമെന്ന് പ്രതീക്ഷിക്കുന്നു. കിയ സിറോസിന്റെ വിൽപ്പന കുത്തനെ കുറഞ്ഞു, 275 യൂണിറ്റുകൾ മാത്രം വിറ്റു. പക്ഷേ കമ്പനി ഉടൻ തന്നെ ഒരു ഇലക്ട്രിക് പതിപ്പ് പുറത്തിറക്കും. മൊത്തത്തിൽ, ടാറ്റ, മാരുതി, ഹ്യുണ്ടായ്, കിയ എന്നിവ ആധിപത്യം തുടരുന്നു, എന്നാൽ പുതിയ മോഡലുകളും സവിശേഷതകളും അവതരിപ്പിക്കുന്നതോടെ മത്സരം ശ്കതമാമാകുമെന്ന് പ്രതീക്ഷിക്കുന്നു.
