കാത്തിരിപ്പിനൊടുവില്‍ മാരുതി ഇഗ്‌നിസ് എത്തി
മാരുതി നെക്‌സയില്‍ എത്തിയാല്‍ ഇഗ്‌നിസ് സ്വന്തമാക്കാം. ഓട്ടോമാറ്റിക്ക്, മാന്വല്‍ വകഭേദങ്ങളില്‍ പെട്രോള്‍ ഡീസല്‍ പതിപ്പുകള്‍ ലഭിക്കും. 4.59 ലക്ഷം രൂപയാണ് അടിസ്ഥാന മോഡലിന് ദില്ലിയിലെ എക്‌സ് ഷോറൂം വില. കൂടിയ മോഡലിന് 7.8 ലക്ഷം രൂപയും.
1.2 ലീറ്റര്‍ പെട്രോള്‍ എന്‍ജിനും 1.3 ലീറ്റര്‍ മള്‍ട്ടി ജെറ്റ് ഡീസല്‍ എന്‍ജിനും ഇഗ്‌നിസിന് കരുത്ത് പകരും. പെട്രോള്‍ മോഡലില്‍ പ്രതിലിറ്ററിന് 20.89 കിലോമീറ്ററും ഡീസലില്‍ 26.8 കിലോമീറ്ററുമാണ് മാരുതി വാഗ്ദാനം ചെയ്യുന്ന മൈലേജ്.
ബലേനോ ഹാച്ച്ബാക്കിന്റെ അതേ പ്ലാറ്റ്‌ഫോമില്‍ നിര്‍മ്മിച്ചിരിക്കുന്ന ഇഗ്‌നിസില്‍ സുരക്ഷയ്ക്കായി എബിഎസ്, ഇബിഡി എയര്‍ബാഗ് എന്നിവ എല്ലാ മോഡലിലും ഉണ്ട്.
പതിനൊന്നായിരം രൂപ നല്‍കിയാല്‍ ഇഗ്‌നിസ് ബുക്ക് ചെയ്യാം. പെട്രോള്‍ പതിപ്പിന് ഏഴ് ആഴ്ച്ച വരെയും ഡീസല്‍ പതിപ്പിന് എട്ടാഴ്ച്ചവരെയുമാണ് കാത്തിരിപ്പ് പരിധി.
മഹീന്ദ്രയുടെ കെയുവി 100, ഉടന്‍ പുറത്തിറങ്ങുന്ന ടാറ്റ നെക്‌സണ്‍ തുടങ്ങിയ വാഹനങ്ങളുമായിട്ടായിരിക്കും വിപണിയില്‍ ഇഗ്‌നിസിന്റെ പ്രധാന മത്സരം.
അഞ്ച് ലക്ഷത്തി 30 ആയിരം രൂപയ്ക്ക് അടുത്താണ് ഇഗ്‌നിസ് അടിസ്ഥാന മോഡലിന്റെ കേരളത്തിലെ ഓണ്‍റോഡ് വില.
