ബജാജ് ഓട്ടോ ലിമിറ്റഡിന്റെ ആദ്യ ഹൈ കപ്പാസിറ്റി മോട്ടോര് സൈക്കിള് ഡോമിനര് 400ന്റെ പുതിയ മോഡലിന്റെ ചിത്രങ്ങള് പുറത്ത്. ചുവന്ന നിറത്തിലുള്ള ഡൊമിനറിന്റെ ചിത്രങ്ങളാണ് പുറത്ത് വന്നിരിക്കുന്നത്.
റേസിംഗ് റെഡ് നിറമാണ് പുത്തന് ഡോമിനറിന്റെ പ്രധാന ആകര്ഷണം. കൂടാതെ കോസ്മറ്റിക് അപ്ഡേറ്റുകളും മോഡലിനെ വേറിട്ടതാക്കുന്നു. വേറിട്ട നിറത്തിനൊപ്പം ഹാന്ഡില്ബാറിന് ലഭിച്ച സില്വര് ടച്ച്, പെരിമീറ്റര് ഫ്രെയിം, ഫൂട്ട്പെഗ് അസംബ്ലി, സ്വിംഗ്ആം, സ്പ്ലിറ്റ് ഗ്രാബ് റെയിലുകള് എന്നിവയും സില്വര് ആക്സന്റുമൊക്കെ പുതിയ ഡൊമിനറിന്റെ പ്രത്യകതകളാണ്.
എന്നാല് എഞ്ചിനില്കാര്യമായ മാറ്റങ്ങളില്ലെന്നാണ് റിപ്പോര്ട്ടുകള്. നിലവിലുള്ള 373 സിസി ഫ്യൂവല് ഇഞ്ചക്ടഡ്, ലിക്വിഡ്-കൂള്ഡ് എഞ്ചിന് തന്നെയാവും വാഹനത്തിന് കരുത്ത് പകരുക. 34.5 bhp കരുത്തും 35 Nm torque ഉം ഉത്പാദിപ്പിക്കുന്ന ഈ എഞ്ചിനില് 6 സ്പീഡ് ഗിയര്ബോക്സാണ് ട്രാന്സ്മിഷന്. റോയല് എന്ഫീല്ഡുകള്, മഹീന്ദ്ര മോജോ, കെടിഎം ഡ്യൂക്ക് 390 എന്നിവരാണ് പുതിയ ഡോമിനാര് 400 ന്റെ പ്രധാന എതിരാളികള്.
2016 ഡിസംബര് 15ന് അരങ്ങേറ്റം കുറിച്ച ഡൊമിനര്, ബജാജിന്റെ പള്സര് സീരിസിനു മുകളിലുള്ള ആദ്യ ബൈക്കായിരുന്നു. ഇന്ത്യയിൽ യുവാക്കളുടെ ഹരമാണ് ബജാജിന്റെ പൾസർ സിരീസിലുള്ള ബൈക്കുകൾ. എകദേശം അതേ രൂപഭാവങ്ങളുമായി ഡൊമിനറിനെ നിരത്തിലിറക്കുന്നതോടെ ഇന്ത്യന് മോട്ടോര് സൈക്കിള് വ്യവസായത്തില് തന്നെ വിപ്ലവകരമായ മാറ്റമുണ്ടാകുമെന്നായിരുന്നു ബജാജിന്റെ കണക്കുകൂട്ടല്. എന്നാല് ഇടയ്ക്ക് ഒരു ഘട്ടത്തില് റോയല് എന്ഫീല്ഡിനെ കടത്തിവെട്ടിയെങ്കിലും ബജാജിന്റെ പ്രതീക്ഷയ്ക്കൊത്ത് ആഭ്യന്തര വിപണിയില് ഡോമിനര് വളന്നില്ലെന്നാണ് റിപ്പോര്ട്ടുകള്. മാത്രമല്ല റോയല് എന്ഫീല്ഡിനെ പരിഹസിച്ചുള്ള ഡോമിനറിന്റെ പരസ്യം മോഡലിന് കുപ്രസിദ്ധിയും നല്കി. പുതിയ രൂപഭാവങ്ങളോടെ ഡൊമിനറിനെ വീണ്ടും അവതരിപ്പിക്കുന്നതിനു പിന്നില് വിപണി പിടിക്കുകയാണ് ലക്ഷ്യമെന്നാണഅ റിപ്പോര്ട്ടുകള്.
ഡൊമിനറിന്റെ ആന്റി ലോക്ക് ബ്രേക്കില്ലാത്ത പതിപ്പിന് 1.36 ലക്ഷം രൂപയും എ ബി എസ് വകഭേദത്തിന് 1.50 ലക്ഷം രൂപയുമാണു ഡല്ഹി ഷോറൂമിലെ തുടക്കവില. പൾസർ സീരിസിൽ പുതിയ 400 സി.സി ബൈക്ക് പുറത്തിറക്കാനായിരുന്നു കമ്പനിയുടെ ആദ്യ തീരുമാനം. എന്നാൽ പുതിയ ബ്രാൻഡ് നാമത്തിൽ തന്നെ ബൈക്ക് പുറത്തിറക്കാൻ ബജാജ് പിന്നീട് തീരുമാനിച്ചു. അങ്ങനെ കരാട്ടോ എന്ന ബ്രാൻഡ് നാമം പുതിയ ബൈക്കിന് നൽകാനായിരുന്നു ആദ്യപരിപാടി. എന്നാൽ അവസാനം കരാട്ടോയും ഒഴിവാക്കി ബൈക്കിന് ഡോമിനർ എന്ന പേര് നൽകുകയായിരുന്നു. കരുത്തില് മികവു കാട്ടുക എന്നര്ഥം വരുന്ന സ്പാനിഷ് വാക്കില് നിന്നാണു ബജാജ് ‘ഡോമിനര്’എന്ന പേര് കണ്ടെത്തിയത്.
പൾസറിന്റെ ഡിസൈൻ പാറ്റേൺ തന്നെ പിന്തുടരുന്ന ഡൊമിനറിന്റെ ഹൃദയം പക്ഷേ കെടിഎം 390 ഡ്യൂക്കിൽ നിന്ന് കടം കൊണ്ടതാണ്. ഡ്യൂക്കിന്റെ 373.2സി സി സിംഗിൾ സിലിണ്ടർ എഞ്ചിനാണ് ഡൊമിനറിനുംകരുത്ത് പകരുന്നത്. 35bhp പവർ ഈ എഞ്ചിൻ നൽകും. ആറ് സ്പീഡ് ഗിയർബോക്സാണ് ഡൊമിനറിന്റെ ട്രാൻസ്മിഷൻ. പരമാവധി വേഗം മണിക്കൂറില് 165 കിലോമീറ്റര്. പൂര്ണമായ എല് ഇ ഡി ഹെഡ്ലാംപ്, ഇന്ധന ടാങ്കിന് ഓക്സിലറി കണ്സോള് സഹിതം ഡിജിറ്റല് ഇന്സ്ട്രമെന്റേഷന്, സ്ലിപ്പര് ക്ലച്, ഇരട്ട ഡിസ്ക് ബ്രേക്ക്, എം ആര് എഫ് റേഡിയല് ടയറുകള് തുടങ്ങിയവയൊക്കെ ഡൊമിനറിനെ വേറിട്ടതാക്കുന്നു. പൂണക്കടുത്ത് ചക്കനിലുള്ള പ്ലാന്റിലാണ് ഡോമിനറിന്റെ നിര്മ്മാണം.
Image Courtesy
Thrust Zone
